బిజినెస్
ఖాతాదారులకు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 10: ఉద్యోగం మారిన ప్రతిసారీ క్లెయిమ్స్ కోసం దరఖాస్తు చేసుకోవడం లేదా కొత్త సంస్థ వివరాలు సమర్పించడం వంటి బాధ్యతల నుంచి ఈపీఎఫ్ ఖాతాదారులకు త్వరలో ఊరట లభించనుంది. ఉద్యోగం మారినప్పుడు క్లెయిమ్స్ కోసం ప్రత్యేకంగా దరఖాస్తు చేసుకోవనవసరం లేకుండానే, నేరుగా సంబంధిత ఖాతాదారుడి బ్యాంక్ అకౌంట్‌లో డబ్బు జమ చేసేందుకు అవసరమైన కొత్త సాంకేతిక విధానాన్ని ఎంప్లాయిస్ ప్రావిడెంట్ ఫండ్ సంస్థ (ఈపీఎఫ్‌ఓ) సిద్ధం చేస్తున్నది. వచ్చే ఆర్థిక సంవత్సరంలో ఎప్పుడైనా ఈ విధానం ప్రయోగాత్మకంగా అమల్లోకి వచ్చే అవకాశాలున్నాయి. ఒక ఉద్యోగి రిటైరైనప్పుడు, అప్పటి వరకూ జమ అయిన మొత్తాలను తిరిగి తీసుకునే అవకాశం ఉంటుంది.
అయితే, ఒక సంస్థలో ఉద్యోగం మానేసి, మరో సంస్థకు వెళ్లినప్పుడు క్లెయిమ్స్‌కు సంబంధించిన సమస్యలు తలెత్తుతున్నాయి. దేశ వ్యాప్తంగా ఏటా సుమారు ఎనిమిది లక్షల ట్రాన్స్‌ఫర్ క్లెయిన్స్ అందుతున్నట్టు ఈపీఎఫ్‌ఓ ఒక ప్రకటనలో తెలిపింది. వీటిని పరీశించి, పరిష్కరించడానికి ఎక్కువ సమయం పడుతుంది. ప్రతి ఖాతాదారుడికీ యూనివర్శల్ అకౌంట్ నంబర్ (యూఏఎన్) ఉన్నప్పటికీ, ఉద్యోగం మారినప్పుడు క్లెయిమ్స్ విషయంలో సమస్యలు తలెత్తుతున్నాయి. ఈ సమస్యను పరిష్కరించడానికి ప్రవేశపెట్టబోయే కొత్త విధానాన్ని పూర్తిగా యాంత్రికీకరణ చేసినట్టు ఈపీఎఫ్‌ఓ తన ప్రకటనలో పేర్కొంది. వచ్చే ఆర్థిక సంవత్సరంలో ఈ విధానాన్ని ప్రయోగాత్మకంగా అమలు చేస్తామని, లోటుపాట్లను సరిచూసుకున్న తర్వాత, పూర్తి స్థాయిలో అమల్లోకి వస్తుందని వివరించింది. ఇప్పటికే 80 శాతం వరకూ పనులు ఆన్‌లైన్ ద్వారానే జరుగుతున్నదని తెలిపింది. క్లెయిమ్స్‌కు సంబంధించి ఆటోమేటిక్ విధానాన్ని అనుసరించడం వల్ల ఖాతాదారులకు మరింత ప్రయోజనం చేకూరుతుందన్న ఆశాభావం వ్యక్తం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.