బిజినెస్
6 శాతం నష్టపోయిన హెచ్‌సీఎల్ టెక్ వాటాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 11: హిందుస్థాన్ కంప్యూటర్స్ లిమిటెడ్ (హెచ్‌సీఎల్) టెక్నాలజీస్ వాటాలు సుమారు 6శాతం నష్టపోయాయి. ఒక వైపు ఆ కంపెనీ గడచిన మార్చితో ముగిసిన త్రైమాసికానికి తన నికర లాభాల్లో 14.3 శాతం వృద్ధిని నమోదు చేసినా అది స్టాక్ మార్కెట్లను ప్రభావితం చేయలేకపోవడం గమనార్హం. ఉదయం ప్రతికూల పరిస్థితుల నడుమ ఆరంభమైన ఈ వాటాల విలువ తదుపరి కూడా కోలుకోలేదు. దీంతో బీఎస్‌ఈలో ఒక్కో వాటా విలువ రూ. 1,074.45 దిగువన ట్రేడైంది. అలాగే ఎన్‌ఎస్‌ఈలో ఈ వాటాలు 5.61 శాతం నష్టపోయి ఒక్కోవాటా రూ. 1,072.80 వంతున ట్రేడైంది. పోటీ కంపెనీలు ఓ వైపు మంచి ఫలితాలతో ముందుకెళుతున్నా హెచ్‌సీఎల్ టెక్ వాటాలు మాత్రం చెప్పుకోదగ్గ రీతిలో నష్టపోయాయి. ఈ ఐటీ సేవల దిగ్గజం 2019 మార్చి నెలతో ముగిసిన త్రైమాసికానికి 14.3 శాతం ఆధిక్యతతో రూ. 2,550 కోట్ల నికర లాభాలను ఆర్జించింది. 2019-20 ఆర్థిక సంవత్సరంలో 10 బిలియన్ డాలర్లు (రూ. 70,258 కోట్లు) వార్షిక ఆదాయాన్ని గడించాలని లక్ష్యంగా నిర్దేశించుకుంది. ఈ కంపెనీ త్రైమాసిక ఆదాయం 21.3 శాతం వృద్ధితో రూ.15,990 కోట్లు ఆర్జించింది. అంతకు క్రితం ఏడాది ఇదే త్రైమాసికంలో రూ. 13,178 కోట్ల ఆదాయం గడించింది. ఇండ్-ఎఎస్ గణాంకాల ప్రాతిపదిక మేరకు మొత్తం ఆర్థిక సంవత్సరంలో నికర లాభం 16 శాతం పెరిగి రూ. 10,120 కోట్లకు చేరింది. అలాగే వార్షికాదాయం 19.4 శాతం వృద్ధిచెంది మొత్తం రూ. 60,427 కోట్లు (8.6 బిలియన్ డాలర్లు) ఆర్జించింది. నోయిడా ప్రధాన కేంద్రంగా నడిచే ఈ హెచ్‌సీఎల్ టెక్నాలజీస్ ప్రస్తుత ఆర్థిక సంవత్సరంలో ద్రవ్య లభ్యత ఆధారంగా 14 నుంచి 16 శాతం అదనపు ఆదాయం గడించనున్నట్టు అంచనా వేస్తోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.