బిజినెస్
డిప్యూటీ.. గవర్నరయ్యారు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 20: రిజర్వ్ బ్యాంక్ ఆఫ్ ఇండియా (ఆర్‌బిఐ) 24వ గవర్నర్‌గా ప్రస్తుత డిప్యూటీ గవర్నర్ ఉర్జిత్ పటేల్ శనివారం నియమితులయ్యారు. మూడేళ్ల పదవీకాలానికిగాను సెప్టెంబర్ 4న పటేల్ బాధ్యతలు స్వీకరించనుండగా, డాలర్‌తో పోల్చితే రూపాయి మారకం విలువ ఒడిదుడుకులు, బ్రెగ్జిట్ ప్రభావం, అమెరికా అధ్యక్ష ఎన్నికలు, ద్రవ్యోల్బణం, వృద్ధిరేటు వంటివి ప్రధాన సమస్యలుగా ఉన్నాయి. బ్యాంకింగ్ రంగాన్ని, ముఖ్యంగా ప్రభుత్వరంగ బ్యాంకుల ఉనికిని ప్రశ్నార్థకం చేస్తున్న మొండి బకాయిల సమస్యకు పరిష్కారం ఇప్పుడు ఆర్‌బిఐ గవర్నర్‌గా ఉర్జిత్ పటేల్‌పైనే ఆధారపడి ఉంది. పటేల్ హయాంలోనే బాసెల్-3 నిబంధనలు అమల్లోకి రానుండటంతో బ్యాంకుల మూలధన సమస్యపైనా ఆలోచించాల్సి ఉంది. ద్రవ్యోల్బణం అదుపు కోసం వృద్ధిరేటును ఫణంగా పెట్టారన్న ఆరోపణలు, కేంద్ర ఆర్థిక మంత్రిత్వ శాఖతో విభేదాల మధ్య ప్రస్తుత గవర్నర్ రఘురామ్ రాజన్.. వచ్చే నెల (సెప్టెంబర్) 4న పదవిని వీడుతున్నది తెలిసిందే. గడచిన రెండు దశాబ్దాల కాలంలో కేవలం మూడేళ్లే ఆర్‌బిఐ గవర్నర్‌గా ఉన్నది ఒక్క రాజన్ మాత్రమే. 2013 సెప్టెంబర్‌లో ఆర్‌బిఐ పగ్గాలు అందుకున్న రాజన్.. తమ సిబ్బందికి లేఖ రాసి తన రాజీనామా విషయాన్ని బయటపెట్టారు. తిరిగి తాను అధ్యాపక వృత్తిలోకే వెళ్తానని ప్రకటించారు. అయితే మునుపెన్నడూ లేనివిధంగా ఆర్‌బిఐ గవర్నర్ పదవి రాజకీయాల్లోకి రాగా, రాజన్ రాజీనామాను కేంద్రం వెంటనే ఆమోదించింది. కొత్త గవర్నర్ కోసం చాలామందినే పరిశీలించగా, చివరకు ఆ అవకాశం పటేల్‌కే వచ్చింది. డిప్యూటీ గవర్నర్‌గా, రేసులో పిన్న వయస్కుడిగా పటేల్‌కే కేంద్రం మొగ్గు చూపింది. 1990-95 మధ్య అంతర్జాతీయ ద్రవ్యనిధి (ఐఎమ్‌ఎఫ్)లో పనిచేసిన పటేల్.. బ్యాంకింగ్ సంస్కరణలు, పెన్షన్ సంస్కరణలు, విదేశీ కరెన్సీ మారకద్రవ్యం విధానాల్లో కీలక భూమిక పోషించారు. మరోవైపు ఆర్‌బిఐ నూతన గవర్నర్ ఉర్జిత్ పటేల్ దేశ ఆర్థికాభివృద్ధికి దోహదపడగలరన్న విశ్వాసాన్ని కేంద్ర ఆర్థిక మంత్రి అరుణ్ జైట్లీ వ్యక్తం చేశారు. రెవిన్యూ కార్యదర్శి హస్ముఖ్ అధియా నూతన గవర్నర్‌కు శుభాకాంక్షలు అందజేశారు. ప్రైవేట్‌రంగ బ్యాంకింగ్ దిగ్గజం ఐసిఐసిఐ బ్యాంక్ ఎండి, సిఇఒ చందా కొచ్చర్ కూడా కొత్త గవర్నర్‌కు స్వాగతం పలికారు.
చిత్రం.. ప్రస్తుత ఆర్‌బిఐ గవర్నర్ రాజన్‌తో ఆర్‌బిఐ 24వ గవర్నర్ ఉర్జిత్ పటేల్ (ఎడమ నుంచి తొలి వ్యక్తి)
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.