బిజినెస్
అరుంధతీ భట్టాచార్య పదవీకాలం పొడిగింపు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 1: ఎస్‌బిఐ చైర్‌పర్సన్ అరుంధతీ భట్టాచార్య పదవీకాలాన్ని ప్రభుత్వం ఏడాది పొడిగించింది. ఈ నెల 7 నుంచి పొడిగింపు వర్తించనుండగా, 2013 అక్టోబర్ 7న మూడేళ్లకుగాను ఎస్‌బిఐ చీఫ్‌గా భట్టాచార్య బాధ్యతలు స్వీకరించారు. కాగా, అనుబంధ బ్యాంకులను ఈ ప్రభుత్వరంగ బ్యాంకింగ్ దిగ్గజం విలీనం చేసుకుంటున్న వేళ భట్టాచార్యనే మరో ఏడాదిపాటు సారథిగా నిర్ణయించింది కేంద్రం. భారతీయ మహిళా బ్యాంక్‌తోపాటు ఐదు అనుబంధ బ్యాంకులైన స్టేట్ బ్యాంక్ ఆఫ్ బికనీర్ అండ్ జైపూర్, స్టేట్ బ్యాంక్ ఆఫ్ ట్రావన్‌కోర్, స్టేట్ బ్యాంక్ ఆఫ్ పాటియాలా, స్టేట్ బ్యాంక్ ఆఫ్ మైసూర్, స్టేట్ బ్యాంక్ ఆఫ్ హైదరాబాద్‌లను ఎస్‌బిఐలో విలీనం చేస్తున్నది తెలిసిందే.
ఇందుకు కేంద్ర కేబినెట్ ఇప్పటికే ఆమోదం తెలపగా, ఈ ప్రక్రియ వచ్చే ఏడాది మార్చికల్లా పూర్తి అవుతుందని భావిస్తున్నారు. ఈ క్రమంలో పదవీకాలం పూర్తవుతున్న భట్టాచార్యను మరో ఏడాది కొనసాగించాలని నిర్ణయం తీసుకున్నట్లు ప్రభుత్వ ఉన్నత వర్గాల ద్వారా తెలుస్తోంది. ఎస్‌బిఐని ప్రపంచ స్థాయి బ్యాంక్‌గా మార్చడానికే అనుబంధ బ్యాంకులను అందులో విలీనం చేస్తుండగా, అనుబంధ బ్యాంకుల్లో స్టేట్ బ్యాంక్ ఆఫ్ బికనీర్ అండ్ జైపూర్, స్టేట్ బ్యాంక్ ఆఫ్ మైసూర్, స్టేట్ బ్యాంక్ ఆఫ్ ట్రావన్‌కోర్ దేశీయ స్టాక్ మార్కెట్లలో లిస్టయ్యాయి. ఇక ఈ విలీనం తర్వాత 37 లక్షల కోట్ల రూపాయల ఆస్తులతో, 22,500 శాఖలతో, 58,000 ఎటిఎమ్‌లతో ఎస్‌బిఐ వెలుగొందనుంది. ఎస్‌బిఐ కస్టమర్ల సంఖ్య కూడా 50 కోట్లపైకి వెళ్లనుంది. ప్రభుత్వరంగ బ్యాంకుల ఉనికిని మొండి బకాయిలు ప్రశ్నార్థకం చేస్తున్న క్రమంలో ఈ విలీన ప్రక్రియ ఎస్‌బిఐకి వెన్నుదన్నుగా ఉంటుందనే అభిప్రాయాలు వ్యక్తమవుతుండగా, ఎస్‌బిఐ నిరర్థక ఆస్తుల (మొండి బకాయిలు) విలువ లక్ష కోట్ల రూపాయలను దాటిపోయింది. కాగా, 2008లో ఎస్‌బిఐలో తొలిసారి స్టేట్ బ్యాంక్ ఆఫ్ సౌరాష్ట్ర విలీనమైంది. రెండేళ్ల తర్వాత 2010లో స్టేట్ బ్యాంక్ ఆఫ్ ఇండోర్ కూడా కలిసిపోయింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.