రాష్ట్రీయం
సినీనటి కల్పనా రంజని కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 25: సినీనటి కల్పనారంజని సోమవారం ఉదయం గుండెపోటుతో కన్నుమూశారు. ఆమె వయసు 51 సంవత్సరాలు. నాగార్జున, కార్తీ ప్రధాన పాత్రలుగా నిర్మిస్తున్న ‘ఊపిరి’ చిత్రంలో నటిస్తున్న కల్పన షూటింగ్‌కోసం హైదరాబాద్ వచ్చారు. ఆమె బసచేసిన హోటల్ రూమ్‌లో తెల్లవారుజామున అపస్మారక స్థితిలో ఉండగా గమనించిన సిబ్బంది ఆమెను అపోలో ఆస్ప్రత్రికి తరలించగా ఆమె అప్పటికే మరణించినట్లు వైద్యులు చెప్పారు. అలనాటి తార కళారంజని, ఈతరం తార ఊర్వశిల సోదరి అయిన కల్పన మలయాళం, తమిళ, తెలుగు సినిమాల్లో నటించి మెప్పించారు. కామెడీ నటిగా, హీరోయిన్‌గా ఆమె తనకంటూ ప్రత్యేకతను చాటుకున్నారు. రంగస్థలనటిగా మంచి పేరున్న కల్పన మొదట బాలనటిగా చిత్రరంగ ప్రవేశం చేశారు. మలయాళ చిత్రసీమలో ఆమెకు ఎక్కువ అవకాశాలు వచ్చాయి. ‘విదరున్న ముత్తకల్’ చిత్రంతో మలయాళ పరిశ్రమలోను, ఆ తరువాత భాగ్యరాజ్‌తో కలసి ‘చిన్నవీడు’ చిత్రంలో నటించి తమిళసీమలోను అరంగేట్రం చేశారు. ‘తనిచ్చల ఎంజన్’ సినిమాలో అద్భుత నటనకుగాను ఆమె ఉత్తమ సహాయ నటిగా జాతీయ అవార్డు లభించింది. దాదాపు 300 సినిమాల్లో నటించిన ఆమె టీవీ కార్యక్రమాల్లో వ్యాఖ్యాతగా, రియాల్టీ షో నిర్వాహకురాలిగా రాణించారు. ‘ప్రేమ’, ‘సతీలీలావతి’, ‘బ్రహ్మచారి’ వంటి తెలుగు సినిమాల్లో ఆమె నటించి తెలుగు ప్రేక్షకుల మన్ననలూ పొందారు. మలయాళ దర్శకుడు అనిల్‌కుమార్‌ను పెళ్లి చేసుకున్న ఆమె కొద్దికాలం తరువాత విడాకులు తీసుకున్నారు. వారి ఏకైక కుమార్తె శ్రీమాయి ఆమెతోపాటు ఉంటున్నారు. కల్పన మృతిపట్ల ‘ఊపిరి’ చిత్ర దర్శకుడు పైడిపల్లి వంశి, ఆ చిత్రం యూనిట్ సభ్యులు, మోహన్‌లాల్, వివిధ సినీరంగానికి చెందినవారు దిగ్భ్రాంతి వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.