రాష్ట్రీయం
హృద్రోగ చిన్నారులకు ఉచిత శస్త్ర చికిత్సలు
S ,7 à 8 RSCA (si SASPAS) et 6 cialis pharmacie cialis rapports de stage.
ముందుకు వచ్చిన బ్రిటన్ బృందం
ఏపి సిఎం చంద్రబాబుతో భేటీ
తిరుపతి, విజయవాడ, విశాఖలో పిడియాట్రిక్ కార్డియాక్ ఆసుపత్రులు
వైద్య బృందాన్ని కోరిన ముఖ్యమంత్రి
విజయవాడ, డిసెంబర్ 4: రాష్ట్రంలో విజయవాడ, విశాఖ, తిరుపతిలో పిడియాట్రిక్ కార్డియాక్ శస్త్ర చికిత్స ఆస్పత్రులు ఏర్పాటు చేయాలని ముఖ్యమంత్రి చంద్రబాబు శుక్రవారం తనను కలిసిన బ్రిటన్ శిశు హృద్రోగ శస్త్ర చికిత్స వైద్య బృందానికి ప్రతిపాదించారు. ఆస్పత్రులు ఏర్పాటు చేస్తే అన్ని విధాల తాము సహకరిస్తామని ఆయన తెలియజేశారు. ఎటువంటి లాభాపేక్ష లేకుండా సేవాభావంతో శిశువులు, చిన్నారులకు హృద్రోగ శస్త్ర చికిత్సలు చేస్తామని ముందుకు వచ్చిన వైద్య నిపుణులను ఆయన అభినందించారు.
రాష్ట్రంలో తాము శిశు వైద్య రంగాన్ని మెరుగు పర్చుకుంటున్నామని, మరోవైపు మాతా, శిశు మరణాలను సింగిల్ డిజిట్‌కు తీసుకుళ్లేందుకు ప్రత్యేక కృషి చేస్తున్నామని వివరించారు. శిశువులు, చిన్నారులకు శస్త్ర చికిత్సలు ఎంతో క్లిష్టమైనవన్నారు. బ్రిటన్ బృంద ప్రతినిధులు మాట్లాడుతూ తాము పిడియాట్రిక్ కార్డియాక్ సమస్యలకు శస్త్ర చికిత్సలు అందిస్తామని, ఉచితంగా సేవలందించటానికి భారత్‌ను ఎంచుకున్నామని, ఇక్కడ ఆంధ్రప్రదేశ్‌లో చిన్నారులకు హృదయ సంబంధ సమస్యలు ఎక్కువగా నమోదవుతున్నట్లు తమ అధ్యయనంలో తేలిందని చెప్పారు. ఇండియాలో ఇప్పటికే సినీ హీరోయిన్ సమంత నెలకొల్పిన ట్రస్టు ద్వారా సేవా కార్యక్రమాల్లో పాల్గొంటున్నట్లు తెలిపారు. అయితే తాము పరిమితంగా కాకుండా విస్తృతంగా సేవలు అందించదలిచామని సిఎంకు వివరించినప్పుడు ఆయన విశాఖ, విజయవాడ, తిరుపతిలో పిడియాట్రిక్ కార్డియాక్ విభాగాలను నెలకొల్పవలసిందిగా ప్రతిపాదించారు. ఇందుకు అన్ని విధాల సహకరిస్తామని ముఖ్యమంత్రి చెప్పారు. రాష్ట్ర వైద్య ఆరోగ్య శాఖ మంత్రి డాక్టర్ కామినేని శ్రీనివాస్, యుకె పిడియాట్రిక్ కార్డియాక్ వైద్యులు డా.్ఫల్ ఆర్నాల్డ్, డా.జోహా మహ్మద్, డా.నైనా హాల్, డా.్ఫల్‌నైట్, డా.్ఫయోనా ఉడ్, డా.మారియా ఎన్-తాలా, డా.గైడో ఒప్పిడో, డాక్టర్ విక్రం కుడుమల, డా.రమణ దన్నపునేని, డా.సంజీవ్ నిచాని, డా.లెస్లీ మిస్ర్తి ఉన్నారు. ఎపి మెడికల్ కౌన్సిల్ ఛైర్మన్ డా.వై.రాజారావు, ఆంధ్ర హాస్పిటల్స్ ఎండి డా.పివి రమణమూర్తి, చీఫ్ ఆఫ్ కార్డియాక్ సర్జరీస్ డా.పివి రామారావు తదితరులు సిఎంను కలిశారు. (చిత్రం) శుక్రవారం విజయవాడలోని క్యాంపు కార్యాలయంలో ఏపి ముఖ్యమంత్రి చంద్రబాబుతో సమావేశమైన బ్రిటన్ వైద్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.