దృశ్య కావ్యంగా ‘లవ్ కె రన్’

దీపక్ సరోజ్, మాళవికా మీనన్ జంటగా కందిమల్ల మూవీ మేకర్స్ పతాకంపై సి.కళ్యాణ్ సమర్పణలో కందిమల్ల వెంకట చంద్రశేఖర్ రూపొందించిన చిత్రం ‘లవ్ కె రన్’ (సేవ్ లవ్). కోటపాటి శ్రీను దర్శకత్వంలో రూపొందిన ఈ చిత్రానికి సంబంధించిన కార్యక్రమాలు పూర్తికావస్తున్నాయి. ఈ సందర్భంగా చిత్ర సమర్పకుడు సి.కళ్యాణ్ మాట్లాడుతూ, సాంకేతిక విలువలతో దృశ్యకావ్యంగా రూపొందించారన్నారు. ప్రేమకథలు ఎప్పుడు విజయవంతం అవుతాయని, వైవిధ్య భరితంగా తెరకెక్కిన ఈ చిత్రం పాటలు కూడా ఆకర్షణగా నిలిచాయన్నారు. ప్రేమించుకుని పెళ్ళి చేసుకోవడం ఒక కోణమైతే, ప్రేమించుకుని విడిపోయి పెద్దలు కుదిర్చన పెళ్ళి చేసుకోవడం మరో కోణమైతే ఈ రెండు కాకుండా ప్రేమలో మూడో కోణాన్ని ఈ చిత్రంలో ఆవిష్కరిస్తున్నామని దర్శకుడు కోటపాటి శ్రీను తెలిపారు. ప్రేమికులకు సమస్యలు ఎదురైనప్పుడు శక్తి పుంజుకుని పోరాడాలే తప్ప ప్రాణాలు తీసుకోకూడదని ఈ చిత్రంలో తాము చెబుతున్నామని అన్నారు. ఆరోగ్యం కోసం ‘టూ కె రన్’ ఎలా చేస్తుంటారో అలాగే ప్రేమకోసం పరుగు తీస్తే ఎలా ఉంటుందో ఈ చిత్రం చెబుతుందన్నారు. ఆగస్టులో ఈ చిత్రాన్ని విడుదల చేయడానికి సన్నాహాలు చేస్తున్నామని నిర్మాత కందిమల్ల చంద్రశేఖర్ అన్నారు. కృష్ణ్భగవాన్, వినోద్‌కుమార్, సత్యప్రకాష్, తా.రమేష్, రచ్చరవి, హేమ, సన, మాధవి, రాకేష్, రవికిరణ్, జయంత్ తదితరులు నటించిన ఈ చిత్రానికి సమర్పణ: సి.కళ్యాణ్, దర్శకత్వం: కోటపాటి శ్రీను.