లేజర్ టెక్నాలజీతో తెలుగు సినిమా
S ,7 à 8 RSCA (si SASPAS) et 6 cialis pharmacie cialis rapports de stage.
తెలుగు సినిమా పరిశ్రమ ప్రస్తుతం భారీ స్థాయిని అందుకుని కోట్ల రూపాయల బడ్జెట్‌తో సినిమాలు నిర్మిస్తోంది. ఇలాంటి సినిమాలు కనుక తేడా జరిగితే అటు నిర్మాతకి, ఇటు పరిశ్రమకే కాక సమాజానికి కూడా నష్టం వాటిల్లుతుంది. ఈ ముప్పును తప్పించుకోవడానికి సినిమాను లేజర్ టెక్నాలజీతో రూపొందించడం అన్నివిధాలా శ్రేయస్కరమని ఎ.ఎం.ఎఫ్ అధినేత మామిడాల శ్రీనివాస్ అన్నారు. తెలుగు సినిమా పరిశ్రమ మరింతగా అభివృద్ధిపథంలో పయనించాలన్న కోరికతో ఎబిలిటీ మీడియా ఫ్యాక్టరీ (ఎ.ఎం.ఎఫ్), యునైటెడ్ మీడియా వర్క్స్ (యుఎండబ్ల్యు) సంస్థలు సంయుక్తంగా లేజర్ టెక్నాలజీ అభివృద్ధి కోసం పరిశ్రమలో అడుగిడుతున్నామని ప్రకటించారు. ఈ సందర్భంగా హైదరాబాద్ ఆర్టీసీ క్రాస్‌రోడ్స్‌లోని సంధ్యా థియేటర్‌లో లేజర్ టెక్నాలజీకి సంబంధించిన కొన్ని క్లిప్పింగ్‌లను ప్రదర్శించారు. ఈ క్లిప్పింగ్‌లన్నీ లేజర్ టెక్నాలజీ ద్వారా ప్రదర్శించడం విశేషం. ఈ సందర్భంగా మామిడాల శ్రీనివాస్ మరికొంత సమాచారం తెలియజేస్తూ- తొలిసారిగా రెండు తెలుగు రాష్ట్రాలలో లేజర్ టెక్నాలజీతో సినిమాలను ప్రదర్శించడానికి శ్రీకారం చుట్టామని, లాభాపేక్ష అంతగా లేకుండా ఈ టెక్నాలజీని పరిశ్రమకు, ప్రేక్షకులకు చేరువ చేయాలని తాము ప్రయత్నిస్తున్నామని ఆయన అన్నారు. ఎల్‌సిడి టెక్నాలజీ కూడా ప్రస్తుతం మార్కెట్‌లోవున్న ధరలతో పోల్చుకుంటే తక్కువ ధరకే అందించడానికి ప్రయత్నిస్తున్నామని, ఈ విధానంతో సినీ ఎగ్జిబిటర్లకే కాకుండా నిర్మాతలకు కూడా లాభదాయకం అవుతుందని ఆయన తెలిపారు. లేజర్ టెక్నాలజీతో 60 నుండి 70 శాతం ఖర్చు తగ్గుతుందని, దీనివల్ల నిర్మాతకు మరింత లాభం చేకూరుతుందని ఆయన వివరించారు. అధిక నాణ్యతగల టెక్నాలజీ కొన్ని సంస్థలు అందిస్తున్నాయని, అందులో భాగంగా తాము లేజర్ టెక్నాలజీని అభివృద్ధి చేసి ప్రేక్షకుల ముందుకు తీసుకొస్తున్నామని ఆయన తెలిపారు. కార్యక్రమంలో పలువురు నిర్మాతలు, డిస్ట్రిబ్యూటర్లు, ఎగ్జిబిటర్లు పాల్గొని పలు ప్రశ్నలు అడిగి జవాబులు తెలుసుకొన్నారు. వి.ఎల్.మల్లికార్జున్‌గౌడ్, అముల్ గాడ్గె, సంగిశెట్టి దశరథ తదితరులు పాల్గొన్నారు.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..