19 నుంచి మహానుభావుడు

యంగ్ హీరో శర్వానంద్ తాజాగా నటించిన ‘శతమానం భవతి’ సంక్రాంతి కానుకగా ఈనెల 14న విడుదలకు సిద్ధమైంది. రెండు భారీ చిత్రాల మధ్య దీన్ని విడుదల చేసేందుకు ప్లాన్ చేశాడు నిర్మాత దిల్‌రాజు. ఫ్యామిలీ ఎంటర్‌టైనర్‌గా తెరకెక్కిన ఈ సినిమా తర్వాత మారుతి దర్శకత్వంలో నటించేందుకు సిద్ధమయ్యాడు శర్వానంద్. యూత్ పల్స్ తెలిసిన మారుతి ఇటీవలే బాబు బంగారం చిత్రాన్ని రూపొందించాడు. ప్రీ ప్రొడక్షన్ కార్యక్రమాలు పూర్తిచేసుకున్న ఈ చిత్రం రెగ్యులర్ షూటింగ్‌ను ఈనెల 19నుండి జరుపుతారు. ఈ చిత్రానికి మహానుభావుడు అనే టైటిల్‌ను నిర్ణయించారు. శర్వానంద్ సరసన కృష్ణగాడి వీరప్రేమగాథ చిత్రంతో తెలుగు తెరకు పరిచయమైన మెహరిన్‌కౌర్ హీరోయిన్‌గా నటిస్తోంది. యువి క్రియేషన్స్ పతాకంపై రూపొందే ఈ సినిమాకు సంబంధించిన వివరాలు త్వరలో వెల్లడికానున్నాయి.