షో టైమ్ పాటలు

రణధీర్, రుక్సర్ మీర్ జంటగా ఎస్.ఎస్.కాంచి దర్శకత్వంలో రమా రీల్స్ పతాకంపై జాన్ సుధీర్ పూదోట నిర్మిస్తున్న ‘షో టైమ్’ చిత్రంలోని పాటలు హైదరాబాద్‌లో విడుదలయ్యాయి. ప్రముఖ హీరోయిన్ అనుష్క సీడీని విడుదల చేశారు. ఈ కార్యక్రమంలో శివశక్తి దత్తా, రాజవౌళి, విజయేంద్రప్రసాద్, రాఘవేంద్రరావు, కీరవాణి తదితరులు పాల్గొన్నారు. ఈ సందర్భంగా రాజవౌళి మాట్లాడుతూ- ‘ట్రైలర్ బాగుంది. ఇది మంచి సినిమాగా సక్సెస్ కావాలని కోరుకుంటున్నాను. కీరవాణి మంచి మ్యూజిక్ ఇచ్చారు’ అన్నారు. అనుష్క మాట్లాడుతూ- ‘రాజవౌళి ఫ్యామిలీ ఎప్పుడూ నన్ను ఏదో కొత్త విషయంతో సర్‌ప్రైజ్ చేస్తుంటారు. అందరూ మంచి టాలెంటెడ్. ఈ చిత్రంలోని పాటలన్నీ బాగున్నాయి. తప్పకుండా మంచి విజయం సాధించాల’న్నారు. దర్శకుడు కాంచి మాట్లాడుతూ- ‘మంచి సినిమా తీయగలనన్న నమ్మకంతో చేసిన సినిమా ఇది. నటీనటులందరూ చక్కగా నటించారు. సినిమాలో తప్పులేమైనా ఉంటే సరిదిద్దుకుంటాను’ అన్నారు.