అవార్డుల కోసం మాత్రం కాదు.. దర్శకుడు ప్రశాంత్ వర్మ
S ,7 à 8 RSCA (si SASPAS) et 6 cialis pharmacie cialis rapports de stage.
నేచరల్ స్టార్ నాని సమర్పణలో వాల్‌పోస్టర్ సినిమా బ్యానర్‌పై రూపొందించిన చిత్రం ‘అ’!. కాజల్ అగర్వాల్, రెజీనా కసండ్ర, ఈషా రెబ్బా, శ్రీనివాస్ అవసరాల, నిత్యామీనన్, మురళీశర్మ, ప్రియదర్శి తదితరులు నటించారు. ప్రశాంత్‌వర్మ దర్శకుడు. ప్రశాంతి త్రిపురరేని నిర్మాత. ఈ సినిమా ఫిబ్రవరి 16న విడుదలై మంచి టాక్‌తో రన్ అవుతున్న సందర్భంగా దర్శకుడు ప్రశాంత్ వర్మ చెప్పిన విశేషాలు.. నేను ఇంజనీరింగ్ చదివాను. ‘అ’! కంటే ముందు చాలా డాక్యుమెంటరీస్, షార్ట్ ఫిలింస్, మ్యూజిక్ వీడియోస్, యాడ్ ఫిలింస్ చేశాను. ఈ సినిమాకు సక్సెస్ రెస్పాన్స్ బాగా ఉంది. ఇలాంటి జోనర్‌లో సినిమా చేయాలని ముందుగానే అనుకునే సినిమా చేశాను. ఆలోచనతో కూడిన సినిమా కాబట్టి కొంతమందికి మొదటిసారి చూస్తేనే అర్థమైంది. రెండు, మూడుసార్లు చూస్తే... అందరికీ అర్థమవుతుంది. సినిమా చూసిన థియేటర్స్‌లో ప్రేక్షకులు స్టాండింగ్ ఓవేషన్ ఇచ్చారు. నా తదుపరి సినిమా కూడా ఇలాగే ఉంటుంది. ఈ కథకు ఇన్‌స్పిరేషన్ ఏమీ లేదు.
తక్కువ బడ్జెట్‌లో ఓ సినిమా చేయాలనుకుని ఈ కథను రాయటం స్టార్ట్ చేశాను. నా ఐడియా నుండి రాసుకున్నాను. ప్రస్తుత సమస్యపై కూడా సినిమా ఉండాలని అనుకున్నాను. ఎక్స్‌ప్రెషనిజమ్ అనే జోనర్‌ను బేస్ చేసుకుని పాత్రలను డిజైన్ చేసుకున్నాను. నేనే స్వంతంగా సినిమా చేయాలనుకున్నాను. చేప వాయిస్ కోసం నాని గారిని కలిశాను. కానీ ఆయన ధైర్యంగా ఈ సినిమాను నిర్మించడానికి ముందుకొచ్చారు. కథ విన్న తర్వాత నానిగారికి నచ్చింది. తర్వాత ఫుల్‌స్క్రిప్ట్ ఇచ్చాను. నానిగారికి నచ్చడంతో సెట్స్‌పైకి వెళ్లాం. నానిగారికున్న క్రెడిబిలిటీ పాడు చేయకూడదు. నేనే సినిమా చేసుకుంటే హిట్ అయినా, పోయినా బాధ లేదు. ఈ విషయాన్ని నాని గారికి ముందే చెప్పాను. నానిగారు చాలా కాన్ఫిడెంట్‌గా సినిమా చేద్దామని అన్నారు. నాకన్నా నానిగారు, ప్రశాంతిగారు రాబోయే కొత్త దర్శకుల కోసం సినిమా హిట్ కావాలని కోరుకున్నాను. ఈ సినిమా చూసిన తర్వాత కొత్త కథలు రాయాలని అన్నారు. ఇలాంటి ఎక్స్‌పీరియన్స్‌ను మళ్లీ చూడలేనేమో అని మరికొంతమంది అన్నారు. వీటినే బెస్ట్ కాంప్లిమెంట్‌గా ఫీలయ్యాను. సినిమా చేసినందుకు కంగ్రాట్స్ చెప్పకుండా.. థాంక్యూ చెప్పడం గొప్పగా అనిపించింది. నా నిజ జీవితంలో కూడా డిప్రెషన్‌కు లోనైన వ్యక్తులను చూశాను. అందులో సక్సెస్ అయినవాళ్లున్నారు. ఫెయిల్ అయిన వాళ్లున్నారు. దీనిపై అవగాహన తేవాల్సిన అవసరం ఎంతో ఉంది. కమర్షియల్ సినిమాలను బాగా చేయగలిగే దర్శకులు చాలామంది ఉన్నారు. ఇలాంటి సినిమా చేయాలని ముందుగానే అనుకునే సినిమా చేశాను. ఇందులో ఏదీ ఛాలెంజింగ్‌గా అనిపించలేదు. ఈ సినిమాతో అన్ని వర్గాల ప్రేక్షకులను మెప్పించలేదు.
నేను అనుకున్న జోనర్ ప్రేక్షకులను మెప్పించాలనే ఉద్దేశంతో చేశాను. అవార్డుల కోసం ఈ సినిమా చేయలేదు. అయితే తప్పకుండా మా టీంలో ఒకరిద్దరికి అవార్డ్సు వస్తాయని అనుకుంటున్నాను. అలాగని డబ్బుల కోసమే కూడా సినిమా చేయలేదు. మంచి సినిమా చేయాలనే ఆలోచనతో సినిమా చేశాను. నేను ఈ సినిమా కంటే చాలా సినిమాలు చేయాల్సింది కానీ ఆగిపోయాయి. ఈ సినిమా వర్గవుట్ అయ్యింది. నా దగ్గర 30 కథలకు పైగానే ఉన్నాయి.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..