ధనాధన్ పాటలకు ఆదరణ

వైభవ్, రమ్యానంబీసన్ జంటగా థర్డ్ ఐ పోస్ట్ ప్రొడక్షన్స్ స్టూడియోస్ పతాకంపై బ్లాక్‌బస్టర్ మూవీమేకర్స్ నిర్మించిన చిత్రం ‘ధనాధన్’. నిర్మాణానంతర కార్యక్రమాలు పూర్తిచేసుకుని విడుదలకు సిద్ధమైన ఈ చిత్రంలోని పాటలు అందరికీ నచ్చాయని దర్శక నిర్మాతలు తెలిపారు. ఈ సందర్భంగా వారు మాట్లాడుతూ.. ఓ సాఫ్ట్‌వేర్ ఉద్యోగికి తన ఉద్యోగం పోవడంవల్ల జీవితంలో ఎదురైన వివిధ పరిణామాల నేపథ్యంలో ఈ చిత్రం సాగుతుందని, ఇటీవల ఈ చిత్రానికి సంబంధించిన పాటలను విడుదల చేశామని తెలిపారు. హైటెక్నికల్ విలువలతో తమిళంలో రూపొందించిన ఈ చిత్రంలోని పాటలు ఇటీవల విడుదల చేశామని, అందరికీ నచ్చాయని, అన్ని కేంద్రాలనుండి మంచి ఆదరణ లభించిందని వారు తెలిపారు. ఎస్.ఎస్.్థమన్ అందించిన బ్యాగ్రౌండ్ సంగీతం ఈ చిత్రానికి హైలెట్‌గా నిలుస్తుందని, త్వరలోనే అన్ని కార్యక్రమాలు పూర్తిచేసి, విడుదల చేస్తామని తెలిపారు. లవ్ ఎంటర్‌టైనర్‌గా సాగే ఈ చిత్రం కామెడీ థ్రిల్లర్ జోనర్‌లో ప్రేక్షకులను అలరిస్తుందని వారు తెలిపారు. కోట శ్రీనివాసరావు, షాయాజీషిండే, చార్లి, ప్రవీణ్ తదితరులు నటించిన ఈ చిత్రానికి పాటలు: రాణిపులోమజాదేవి, మాటలు: శివపార్వతి, కెమెరా: ఎం.ఎం.ఎడ్విన్‌సాకె, నిర్మాతలు: శివ వై.ప్రసాద్, శ్రీనివాస్ అనంతనేని, కథ, దర్శకత్వం: శ్రీ.