యువత ఎలా ఉందంటే..

లార్డ్ శివ క్రియేషన్స్ పతాకంపై సాక్షీ చౌదరి ప్రధాన పాత్రలో శేషసాయి మరుప్రోలు దర్శకత్వంలో ఎం.వి. ఎస్. సాయి కృష్ణారెడ్డి రూపొందిస్తున్న చిత్రానికి సంబంధించిన మొదటి షెడ్యూల్ పూర్తిచేశారు. పర్వీన్‌రాజ్, పూజిత జంటగా నటిస్తున్న ఈ చిత్రం గూర్చి దర్శకుడు మాట్లాడుతూ, తొలి షెడ్యూల్‌ను పూర్తిచేశామని, ఇందులో పర్వీన్‌రాజ్, పూజితలపై అందమైన లొకేషన్లలో పాటల చిత్రీకరణ జరిపామని, ఈనెలాఖరుతో ఈ షూటింగ్ పూర్తిచేస్తామని, తరువాత షెడ్యూల్‌ను మే మొదటివారంలో ప్రారంభించి నెలాఖరుకు పూర్తిచేస్తామని తెలిపారు. ప్రస్తుతం సమాజంలో యువత ఎలా వుంది అన్న అంశంపై యువ నేపథ్యంలో ఈ చిత్రాన్ని రొమాంటిక్ కామెడీ ఎంటర్‌టైనర్‌గా చిత్రీకరిస్తున్నామని అన్నారు. సాక్షీ చౌదరి పాత్ర హైలెట్‌గా నిలిచే ఈ చిత్రం అందరికీ నచ్చేలా రూపొందిస్తున్నామని, త్వరలో సినిమా షూటింగ్‌ను పూర్తిచేసి నిర్మాణానంతర కార్యక్రమాలకు వెళతామని నిర్మాత సాయి కృష్ణారెడ్డి అన్నారు.
పోసాని కృష్ణమురళి, సప్తగిరి, రాకేష్, సంతోష్, ఇంద్ర, అవంతిక, అక్షర, శ్రావణి తదితరులు నటిస్తున్న ఈ చిత్రానికి ఎడిటింగ్:నందమూరి హరి, సంగీతం:కిషన్ కవాడియా, కెమెరా:కె.శంకరరావు, నిర్మాత:ఎం.వి.ఎస్.కృష్ణారెడ్డి, రచన, దర్శకత్వం:శేషసాయి మరిప్రోలు.