రాష్ట్రీయం
కాంగ్రెస్ లెఫ్ట్ టర్న్!
S ,7 à 8 RSCA (si SASPAS) et 6 cialis pharmacie cialis rapports de stage.
వామపక్షాలను చేరదీసే వ్యూహం కౌన్సిల్ ఎన్నికల్లో కలిసే పోటీ
ఖమ్మంలో పువ్వాడకు మద్దతు వరంగల్ ఉప ఎన్నికతో మారిన సీన్
హైదరాబాద్, నవంబర్ 30: ఇటీవల వరంగల్ ఉప ఎన్నిక ఫలితం చేదు అనుభవంతో కాంగ్రెస్ తిరిగి వామపక్షాలకు చేరవయ్యేందుకు ప్రయత్నిస్తోంది. ఇందులో భాగంగానే తెలంగాణలో స్థానిక సంస్థల కోటా నుంచి శాసనమండలికి (కౌన్సిల్) జరగనున్న 12 స్థానాల్లో ఒకటి, రెండు స్థానాలను వామపక్షాలకు కేటాయించడం ద్వారా ‘మాజీ’ మిత్రపక్షాలైన వామపక్షాలను చేరదీయవచ్చన్న ఆలోచన చేస్తోంది. అధిష్ఠానం ఆదేశంతో ఢిల్లీకి వెళ్ళిన టి.పిసిసి అధ్యక్షుడు ఎన్ ఉత్తమ్‌కుమార్ రెడ్డి, అసెంబ్లీలో ప్రతిపక్ష నేత కె జానారెడ్డి, కౌన్సిల్‌లో ప్రతిపక్ష నేత మహ్మద్ షబ్బీర్ అలీ ఈ విషయాన్ని ముఖ్య నేతల ముందు పెట్టి అనుమతి తీసుకునే అవకాశం ఉన్నట్టు తెలుస్తోంది. స్థానిక సంస్థల కోటా నుంచి కౌన్సిల్‌కు ఖమ్మం నియోజకవర్గం సిపిఐ అభ్యర్థిగా పోటీ చేయనున్న పువ్వాడ నాగేశ్వర రావుకు మద్దతిచ్చేందుకు పార్టీ రాష్ట్ర నాయకత్వం సానుకూలంగా ఉంది. అదేవిధంగా సిపిఎంకు నల్లగొండ లేదా ఆ పార్టీ కోరే ఏ స్థానమైనా ఇవ్వాలన్న ఆలోచనకు కాంగ్రెస్ రాష్ట్ర నాయకత్వం వచ్చినట్టు తెలుస్తోంది.
1984లో ఎన్టీఆర్‌కు వెన్నుపోటు పొడిచిన అనంతరం 1985లో మధ్యంతరం ఎన్నికలు వచ్చినప్పటి నుంచి వామపక్షాలు తెదేపాతోనే ఉన్నాయి. ఆ రోజుల్లో ఎన్టీఆర్ వామపక్షాల నేతలను బావలుగా సంబోధించే వారు. 1994లోనూ తెదేపాతో కలిసి పోటీ చేసిన వామపక్షాలు, తమ బలాన్ని గణనీయంగా పెంచుకోగలిగాయి. 1995లో చంద్రబాబు సిఎం అయ్యేందుకు సహకరించిన వామపక్షాలు, విద్యుత్తు ఛార్జీల పెంపుదలవంటి అంశాలతో విభేదించి నాటి ప్రతిపక్ష నేత వైఎస్ రాజశేఖర రెడ్డికి చేరువై 2004 ఎన్నికల్లో కాంగ్రెస్‌తో కలిసి పోటీ చేశాయి. తర్వాత 2009లో మళ్లీ తెదేపా వైపు మొగ్గు చూపి తెరాసతో సహా మహాకూటమిగా ఏర్పడ్డాయి. అయినా ఆ ఎన్నికల్లో వైఎస్ విజృంభణకు కూటమి కకావికలమైంది. 2014 ఎన్నికలు వచ్చే సరికి తెదేపా అధ్యక్షుడు చంద్రబాబు బిజెపితో పొత్తు కుదుర్చుకున్నారు. వామపక్షాలు లోపాయికారీగా తెరాసతో ఒప్పందం కుదుర్చుకున్నా, ఆశించిన ఫలితాలను సాధించలేకపోయింది. సిపిఐ, సిపిఎంలు అసెంబ్లీలో చేరో స్థానాన్ని దక్కించుకున్నాయి. అనేక ఒడిదుడుకులు ఎదుర్కొన్న వామపక్షాలకు తెదేపాతో కలిసి పని చేసేందుకు అవకాశం లేదు. కారణం తెదేపాతో బిజెపితో జతకట్టడమేనని చెప్పాలి. వామపక్షాలు మొక్కవోని ధైర్యంతో వరంగల్ ఉప ఎన్నికల బరిలో నిలిచేందుకు ప్రయత్నించిన సంగతి తెలిసిందే. వామపక్షాలు ఉమ్మడి అభ్యర్థిగా ప్రజా గాయకుడు గద్దర్‌ను పోటీ చేయించాలనుకున్న ప్రయత్నం ఫలించలేదు. దీంతో 10 వామపక్షాలు తమ అభ్యర్థిగా ప్రొఫెసర్ గాలి వినోద్ కుమార్‌ను పోటీ చేయించగా, ఘోరంగా పరాజయం చెందారు.
ఈ దశలో వామపక్షాలను కలుపుకుని పోవాలన్న ఆలోచనకు కాంగ్రెస్ రాష్ట్ర నేతలు వచ్చారు. పరస్పరం సహకరించుకుంటే తప్ప తెరాసను ఎదుర్కొనేందుకు బలం సరిపోదన్న భావనతో ఉన్నారు. ఈ నేపథ్యంలో స్థానిక సంస్ధల కోటా నుంచి ఎమ్మెల్సీ స్థానాలకు జరగనున్న ఎన్నికల నుంచి మళ్లీ మిత్రత్వం పునఃప్రారంభించాలన్న ఆలోచనతో కాంగ్రెస్ బాట వేసింది. ఈ బాటలోకి వామపక్షాలను తెప్పించుకుని చేరదీయాలని భావిస్తోంది. స్థానిక సంస్ధల ఎన్నికల్లో కలిసి పోటీ చేయడం ద్వారా రాబోయే 2019 ఎన్నికల నాటికి బలీయంగా మారవచ్చని, అప్పటి వరకు మిత్రులతో కలిసి ప్రజా ఉద్యమాలు చేయవచ్చని కాంగ్రెస్ రాష్ట్ర నాయకులు ఆశిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.