రాష్ట్రీయం
కాంట్రాక్టు ఉద్యోగుల సర్వీసుల.. క్రమబద్ధీకరణకు కసరత్తు
S ,7 à 8 RSCA (si SASPAS) et 6 cialis pharmacie cialis rapports de stage.
ఉద్యోగుల విభజన కోసం వేచి చేస్తున్న టి-సర్కార్
శాఖల వారిగా, విడతల వారిగా నియామక పత్రాలు
మొత్తంగా 18 వేల పైచిలుకు ఉద్యోగులకు అవకాశం
కేంద్ర పథకాల్లోని ఉద్యోగులపై ఎటూ తేలని నిర్ణయం
హైదరాబాద్, నవంబర్ 30: కాంట్రాక్టు ఉద్యోగుల సర్వీసుల క్రమబద్ధీకరణను రెండు నెలల్లో చేపడుతామని తెలంగాణ ముఖ్యమంత్రి కె చంద్రశేఖర్‌రావు ప్రకటించడంతో ఆ దిశగా సంబంధిత శాఖలు కసరత్తు చేస్తున్నాయి. అయితే క్రమబద్ధీకరణ ఉద్యోగుల విభజనతో ముడిపడి ఉండటంతో ప్రభుత్వం ఆ దిశగా వేచి చూస్తోంది. కాంట్రాక్టు ఉద్యోగుల క్రమబద్ధీకరణపై అధ్యయనం చేసి నివేదిక ఇవ్వాల్సిందిగా ప్రభుత్వ ప్రధాన కార్యదర్శి రాజీవ్ శర్మ అధ్యక్షతన ఏర్పాటు చేసిన కమిటీ ఇప్పటికే ప్రభుత్వానికి నివేదిక అందజేసింది. నివేదికలో చేసిన సిఫారసుల మేరకు కాంట్రాక్టు ఉద్యోగుల సర్వీసుల క్రమబద్ధీకరణను విడతల వారిగా చేపట్టాలని ప్రభుత్వం యోచిస్తోంది.
ఉద్యోగుల విభజన ప్రక్రియ డిసెంబర్ నాటికి పూర్తిస్థాయిలో జరిగితే జనవరి నెలాఖరుకుగానీ, ఫిబ్రవరి మొదటి వారంలోకానీ క్రమబద్ధీకరణ జరిగి ఉద్యోగులకు నియామక ఉత్తర్వులు అందించే అవకాశం ఉన్నట్టు అధికార వర్గాల సమాచారం. వివిధ శాఖల వారిగా నియామకం అయిన కాంట్రాక్టు ఉద్యోగుల జాబితాలను ప్రభుత్వం సేకరించింది. రిజర్వేషన్ రోస్టర్, ఆర్డర్ ఆఫ్ మెరిట్, వయో పరిమితి ప్రకారం నియామకం అయిన కాంట్రాక్టు ఉద్యోగుల సర్వీసులను మాత్రమే క్రమబద్ధీకరించాలని ప్రభుత్వం సూత్రప్రాయంగా నిర్ణయించింది. అలాగే తెలంగాణ రాష్ట్ర ఆవిర్భావ దినోత్సవం (జూన్ 2, 2014) నాటికి ఐదు సంవత్సరాల సర్వీసు పూర్తి చేసిన కాంట్రాక్టు ఉద్యోగుల సర్వీసులను మాత్రమే క్రమబద్ధీకరించాలని ప్రభుత్వం కట్ ఆఫ్ డేట్‌గా నిర్ణయించింది. రాష్ట్రంలో పని చేస్తున్న కాంట్రాక్టు ఉద్యోగుల జాబితాలను తెప్పించుకోగా సుమారు 23 వేల మంది కాంట్రాక్టు ఉద్యోగులు ఉన్నట్టు లెక్కతేలింది.
ఇందులో కేంద్ర ప్రభుత్వ పథకాలలో పని చేస్తున్న ఉద్యోగుల సంఖ్య ఐదు వేలు కాగా, రాష్ట్ర ప్రభుత్వం పరిధిలో పని చేస్తున్న ఉద్యోగుల సంఖ్య 18 వేలుగా తేలింది. మొదటి దశలో రాష్ట్ర ప్రభుత్వ పరిధిలోని కాంట్రాక్టు ఉద్యోగుల సర్వీసుల క్రమబద్ధీకరణకు న్యాయశాఖ, ఆర్థికశాఖ, సాధారణ పరిపాలనశాఖ గ్రీన్ సిగ్నల్ ఇచ్చాయి. కాంట్రాక్టు ఉద్యోగుల క్రమబద్ధీకరణకు వివిధ రాష్ట్రాల్లో అనుసరించిన విధానాలు, ఈ అంశంలో గతంలో సుప్రీంకోర్టు, హైకోర్టుల్లో వెలువడిన అంశాలను పరిగణనలోకి తీసుకున్న అనంతరమే క్రమబద్ధీకరణకు అర్హులైన వారికి నియామక పత్రాలు అందజేయాలని ప్రభుత్వం భావిస్తోంది. అయితే కాంట్రాక్టు ఉద్యోగుల అందరి సర్వీసులను క్రమబద్ధీకరిస్తామని ఎన్నికల ప్రణాళికలో, పలు సభల్లో కెసిఆర్ హామీ ఇవ్వగా, అధికారుల కమిటీ మాత్రం కేంద్ర ప్రభుత్వ పథకాలలో పని చేస్తున్న వారి సర్వీసులను క్రమబద్ధీకరణ చేయడం సాధ్యం కాదని ప్రభుత్వానికి సిఫారసు చేసినట్టు తెలిసింది. ముఖ్యమంత్రి మాత్రం కేంద్ర, రాష్ట్ర ప్రభుత్వాల ప్రస్తావన లేకుండా కాంట్రాక్టు ఉద్యోగులు అందరినీ క్రమబద్ధీకరిస్తామని హామీ ఇచ్చారు.
అధికారుల కమిటీ సిఫారసు మేరకు క్రమబద్ధీకరిస్తే 18 వేల మంది ఉద్యోగులకు, ముఖ్యమంత్రి హామీ మేరకు క్రమబద్ధీకరిస్తే 23 వేల మంది ఉద్యోగులకు మేలు జరుగుతుంది. ఇంతకాలంగా తమ సర్వీసులను కూడా క్రమబద్ధీకరిస్తారని, ముఖ్యమంత్రి తమకు కూడా న్యాయం చేస్తారని కేంద్ర ప్రభుత్వ పథకాలలో పని చేస్తున్న ఉద్యోగులు గంపెడాశతో ఉన్నారు. వీరి విషయంలో ఇప్పటి వరకు ముఖ్యమంత్రి ఏ నిర్ణయం తీసుకోలేదని అధికార వర్గాల సమాచారం. ముఖ్యమంత్రి తీసుకోబోయే నిర్ణయంతో ఐదు వేల మంది కాంట్రాక్టు ఉద్యోగుల భవిష్యత్ ముడిపడి ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.