రాష్ట్రీయం
ఆరుగురు చిన్నారులు దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
వి కోట, సెప్టెంబర్ 10: ఆంధ్రా సరిహద్దు కర్నాటక రాష్ట్రం మరదగట్టు గ్రామంలో వినాయక నిమజ్జనంలో అపశ్రుతి చోటుచేసుకుంది. వినాయక నిమజ్జనంలో ఆరుగురు చిన్నారులు దుర్మరణం చెందిన సంఘటన మంగళవారం సాయంత్రం చోటుచేసుకొంది. స్థానికులు తెలిపిన వివరాలిలా ఉన్నాయి. కర్నాటక రాష్ట్రం మరదగట్టు గ్రామంలో వినాయక చవితి పర్వదినాన విగ్రహాన్ని స్థానికులు ఏర్పాటు చేశారు. ఇందులో భాగంగా మంగళవారం గ్రామంలోని చిన్నారులు, యువకులు వినాయక నిమజ్జన కార్యక్రమాన్ని చేపట్టారు. నిమజ్జన సమయంలో ప్రమాదవశాత్తు నీటికుంటలో తొలిగా ఇద్దరు చిన్నారులు పడడాన్ని గమనించిన తోటి స్నేహితులు వారిని రక్షించే క్రమంలో ఇద్దరు ఇద్దరుగా మొత్తం ఆరుగురు నీటికుంటలో మనిగిపోయారు. ఈ విషయాన్ని గమనించిన గ్రామస్తులు చిన్నారులను నీటికుంట నుంచి వెలికితీసి చికిత్స నిమిత్తం హుటాహుటిన కేజీఎఫ్ ఆసుపత్రికి తరలించారు. అయితే అప్పటికే ముగ్గరు మృతి చెందగా, మరో ముగ్గురు చికిత్స పొందుతూ మరణించారు. మృతుల్లో మరదగుట్టకు చెందిన ఉషా కుమార్తెలు తేజస్విని (11), రక్షిత (8), రవికుమార్ పిల్లలైన రోహిత్ (8), వైష్ణవి (11), ఆనందప్ప కుమార్తె వీణ (11), నారాయణ స్వామి కుమారుడు ధనూష్ (7) మరణించారు. ఒకే గ్రామంలో ఆరుగురు చిన్నారులు గణేష్ నిమజ్జనంలో మృతి చెందారన్న వార్త సరిహద్దు గ్రామాల్లో విషాదాన్ని నింపింది.
చిత్రం...నీటికుంటలో పడి మృతి చెందిన చిన్నారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.