రాష్ట్రీయం
దోషుల్ని వదలం
S ,7 à 8 RSCA (si SASPAS) et 6 cialis pharmacie cialis rapports de stage.
కాల్‌మనీ కేసులో ఎవరూ తప్పించుకోలేరు
అసెంబ్లీలో సిఎం చంద్రబాబు స్పష్టీకరణ
నిందితుడితో విదేశాలకు వెళ్లిన ఎమ్మెల్యేను విచారించరా
నిలదీసిన ప్రతిపక్ష నేత జగన్మోహన్ రెడ్డి
హైదరాబాద్, డిసెంబర్ 17: ‘కాల్‌మనీ రాకెట్ కేసులో నిందితులెవరూ చట్టంనుంచి తప్పించుకోలేరు. ఎవరు తప్పు చేసినా వదలిపెట్టం. 18వ తేదీ శుక్రవారం ఈ అంశంపై ప్రకటన చేస్తున్నాం. సాక్ష్యాధారాలు తెస్తే వాటిని ప్రాతిపదికగా చేసుకుని దోషులెవరైనా, ఏ పార్టీ వారైనా, ఎటువంటి ఒత్తిడులకు లోనుకాకుండా కఠినంగా చట్ట ప్రకారం శిక్షించేందుకు చర్యలు తీసుకుంటాం’ అని ముఖ్యమంత్రి చంద్రబాబు శాసనసభలో ప్రకటించారు. గురువారం శాసనసభలో వైకాపా సభ్యులు పోడియంను చుట్టుముట్టి కాల్‌మనీ రాకెట్‌పై చర్చించాలని నినాదాలు చేస్తున్న సందర్భంగా ముఖ్యమంత్రి చంద్రబాబునాయుడు జోక్యం చేసుకుని పై విధంగా అన్నారు. బిఏసి సమావేశంలో నిర్ణయించినట్లుగా డాక్టర్ బాబా సాహెబ్ అంబేద్కర్ ఆశయాల సాధనకు పునరంకితమవుదామని, సమాజానికి మంచి సందేశమిస్తామని, ఈ అంశంపై చర్చకు సహకరించాలని ఆయన కోరారు. అయినా వైకాపా ఎమ్మెల్యేలు పోడియం వద్ద నినాదాలు కొనసాగించడంతో ఆయన ఆగ్రహం వ్యక్తం చేశారు. ‘వైకాపా ఎమ్మెల్యేలు హుందాగా ప్రవర్తించాలి. అంబేద్కర్‌పై చర్చిద్దాం అని బిఏసిలో అనుకున్నాం. మీ సభ్యులు కూడా అంగీకరించారు. వీరి ప్రవర్తిన చూస్తుంటే నాగరిక ప్రపంచం సిగ్గుతో తలవంచుకునే విధంగా ఉంది. ప్రజలు ఈ విధానాన్ని హర్షించరు. సహకరించాలని మరోసారి కోరుతున్నాను’ అని ఆయన అన్నారు.
అంతకు ముందు ప్రతిపక్ష నేత జగన్మోహన్ రెడ్డి మాట్లాడుతూ ‘కాల్‌మనీ రాకెట్‌లో దోషులు చంద్రబాబుతో కలిసి దిగిన ఫొటోలు ఉన్నాయి. దోషులతో కలిసి ఎమ్మెల్యేలు విదేశాలకు వెళ్లారు’ అని అన్నారు. జగన్ మాట్లాడుతుంటే స్పీకర్ మైక్ కట్ చేశారు. ఒకసారి వాయిదా తీర్మానాన్ని తిరస్కరించిన తర్వాత ఆ అంశంపై మాట్లాడేందుకు అనుమతి ఇచ్చే ప్రసక్తిలేదన్నారు. మరోసారి స్పీకర్ జగన్‌కు మాట్లాడేందుకు అవకాశం ఇచ్చినప్పుడు జగన్ మాట్లాడుతూ ‘నిజంగా పైనున్న భారత రాజ్యాంగ నిర్మాత డాక్టర్ అంబేద్కర్ ఆత్మ క్షోభిస్తుంది. రాజకీయ అవసరాల కోసం అంబేద్కర్‌ను ఉపయోగించుకుంటున్నారు. సాక్షాత్తూ మీ పార్టీ ఎమ్మెల్యే కాల్‌మనీ రాకెట్ నిందితులతో కలిసి విదేశాలకు వెళ్లారు. ఎమ్మెల్యే తిరిగి వచ్చారు. నిందితుడు తిరిగి రాడు. ఈ అంశంపై పోలీసులు విచారణ చేయరు. ఇంత దారుణం జరుగుతోంది’ అని అన్నారు. ఈ సమయంలో స్పీకర్ మరోసారి జగన్ మైక్‌ను కట్ చేశారు. దీంతో సభలో మళ్లీ గలభా జరిగింది. (చిత్రం) అసెంబ్లీ సమావేశాల సందర్భంగా సిఎం చంద్రబాబుకు స్వాగతం పలుకుతున్న టిడిపి ఎమ్మెల్యేలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.