రాష్ట్రీయం
దద్దరిల్లుతున్న దండకారణ్యం
S ,7 à 8 RSCA (si SASPAS) et 6 cialis pharmacie cialis rapports de stage.
* మిషన్ 2060 పేరిట జాయింట్ ఆపరేషన్
* ప్రతిదాడులకు పాల్పడుతున్న మావోయిస్టులు
చింతూరు, మార్చి 11: చత్తీష్‌గడ్, తెలంగాణా, ఆంధ్రా, ఒరిస్సా సరిహద్దుల్లో పోలీసులు-మావోయిస్టుల మధ్య జరుగుతున్న వరుస ఎదురుకాల్పులు, మందు పాతరల పేలుళ్లతో దండ కారణ్యం దద్దరిల్లుతోంది. ఒకరిపై ఒకరు పై చేయి సాధించేందుకు ఎదురు దాడులకు దిగుతున్నారు. పోలీసులు, మావోయిస్టుల మధ్య నువ్వా-నేనా అన్న చందంగా పోరు సాగుతోంది. ఒక పక్క పోలీసు బలగాలు మిషన్ 2060 పేరిట జాయింట్ ఆపరేషన్‌కు శ్రీకారం చుట్టాయి. ఇందులో భాగంగా నిఘా వర్గాలతో నిరంతరం సంప్రదింపులు, సమాచారం ఇచ్చి పుచ్చుకోవడం జరుపుతూ మావోయిస్టులపై దాడులకు పాల్పడుతూ వారిని మట్టుపెట్టే కార్యక్రమంలో నిమగ్నమయ్యారు. మరోవైపు మావోయిస్టులు పోలీసుల వ్యూహాలను తెలుసుకుంటూ ప్రతి వ్యూహాలు పన్ని పోలీసు బలగాలను చావుదెబ్బతీస్తున్నారు. దండ కారణ్యంలో గత నెల ఫిబ్రవరి 29న బీజాపూర్ జిల్లా పామేరు పోలీసు స్టేషన్ పరిధిలోని బొచ్చెలంక అటవీ ప్రాంతంలో పోలీసు బలగాలు మావోయిస్టులపై దాడిచేసి ఎనిమిది మంది మావోయిస్టులను హతమార్చారు. మార్చి 2న నారాయణపూర్ జిల్లాలో ఇన్‌ఫార్మర్లనే నెపంతో 16మంది గిరిజనులను మావోయిస్టులు ఊచకోత చేశారు. మార్చి 4న సుకుమా జిల్లా కిష్టారం పోలీసు స్టేషన్ పరిధిలోని అటవీ ప్రాంతంలో మావోయిస్టులు కూంబింగ్ చేస్తున్న పోలీసు బలగాలపై కాల్పులు జరిపి ముగ్గురు జవాన్లను మట్టుపెట్టి 13మంది జవాన్లను గాయపర్చారు. ఇదిలా ఉండగా..శుక్రవారం సుకుమా జిల్లా మురళీగూడా బేస్ క్యాంపునుండి కూంబింగ్‌కు వెళుతున్న పోలీసు బలగాలే లక్ష్యంగా మావోయిస్టులు అమర్చిన మందుపాతరపై కాలు మోపడంతో మందుపాతర పేలి ఒక జవాను మృతిచెందాడు. అలాగే ఇద్దరు డిప్యూటీ కమాండెంట్లు గాయాలపాలయ్యారు. ఈ విధంగా పోలీసులు, మావోయిస్టులు దండ కారణ్యంపై పట్టుసాధించేందుకు చేస్తున్న ప్రయత్నాలు దండ కారణ్యంలో యుద్ధ వాతావరణం నెలకొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.