ఢిల్లీ కబుర్లు -కె.కైలాష్
చైనా, పాకిస్తాన్ ఎత్తుగడ
S ,7 à 8 RSCA (si SASPAS) et 6 cialis pharmacie cialis rapports de stage.
ప్రధాన మంత్రి నరేంద్ర మోదీ ఎన్.ఎస్.జి సభ్యత్వం కోసం అహర్నిశలు చేసిన కృషి నిష్ఫలమైంది. తెర ముందు చైనా, తెర వెనక పాకిస్తాన్ చేసిన కుతంత్రాల మూలంగా అణు సరఫరాదారుల బృందంలో భార త దేశానకి సభ్యత్వం లభించలేదు. భారత్‌కు సభ్యత్వం నిరాకరిస్తున్నట్లు ఎన్.ఎస్.జి రెండు రోజుల ప్లీనరీ సమావేశానంతరం శక్రవారం ప్రకటించింది. నరేంద్ర మోదీ ఇటీవల పలు దేశాల అధ్యక్షులు, ప్రధాన మంత్రులతో జరిపిన చర్చలు వృధా అయ్యాయి. ప్రధాన మంత్రి అమెరికా, మెక్సికో, స్విట్జర్‌లాండ్ దేశాల్లో పర్యటించినప్పుడు ఎన్.ఎస్.జి సభ్యత్వానికి ఈ దేశాల మద్దతు ప్రకటించటం తెలిసిందే. సియోల్‌లో జరిగిన ఎస్.ఎస్.జి సమావేశంలో మెక్సికో, స్విట్జర్‌లాండ్ దేశాలు ఇచ్చిన హామీని మరిచి ఎన్.పి.టి కోసం పట్టుపట్టం ఆశ్చర్యం కలిగిస్తోంది.
చైనా అవలంభించిన మొండి వైఖరి మూలంగానే భార త దేశానికి ఎన్.ఎస్.జి సభ్యత్వం లభించలేదు. ఎన్.ఎస్. జిలోని ఆణ్వాయుధ దేశాలు అమెరికా, రష్యా, ఫ్రాన్స్, బ్రిటన్ మద్దతు ఇచ్చినా చైనా అభ్యంతరం చెప్పటం గమనార్హం. అణ్వస్త్ర వ్యాప్తి నిరోధక ఒప్పందం, ఎన్.పి.టి పై (నాన్ ప్రొలిఫిరేషన్ ఆఫ్ న్యుక్లియర్ వెపన్స్ ట్రీటీ) సంతకం చేయని భారత దేశానికి సభ్యత్వం ఎలా ఇస్తారంటూ చైనా ప్రశ్నించింది. చైనాకు బ్రెజిల్, స్విట్జర్‌లాండ్, టర్కీ, ఆస్ట్రియా, ఐర్లాండ్, మెక్సికో,న్యూజీలాండ్‌లు మద్దతు ఇచ్చాయి. ఎన్.ఎస్.జి సభ్యత్వానికి ఎన్.పి.టిపై సంతకం చేయటం ప్రథమ షరతు అనేది ఎలా విస్మరిస్తామంటూ చైనా తదితర దేశాలు ప్రశ్నించాయి. దీనితో చేతికందినట్లు కనిపించిన ఎన్.ఎస్.జి సభ్యత్వం కనుమరుగైపోయింది. దీనితో ఎన్.టి.పిపై సంతకం చేయకుండా భారత దేశానికి ఎన్.ఎస్.జి సభ్యత్వం లభించదనేది మరోసారి స్పష్టమైంది. ఎన్.ఎస్.జి సభ్యత్వం లభిస్తే అణు విద్యుత్ ఉత్పాదన అత్యంత సులభతరం అవుతుంది. అణు ఇంధనంతోపాటు అణు విద్యుత్ ఉత్పాదనకు సంబంధించిన ఇతర అన్ని పరికరాలు సునాయసంగా లభిస్తాయి.
ఎన్.ఎస్.జి సభ్యత్వం నిరాకరించటం ద్వారా ఎన్.పి. టిపై సంతకం చేసేలా భారత దేశంపై వత్తిడి తెస్తున్నారా? అనే అనుమానం కూడా కలుగుతోంది. ఎన్.పి.టిపై సంతకం చేయటం అంటే అణ్వాయుధాలను వదులుకునేందుకు భారత దేశం సిద్ధం కావలసి ఉంటుంది. అందుకే మన దేశం ఎన్.పి.టిపై సంతకం చేసేందుకు నిరాకరిస్తోంది. ఎన్.పి.టి ఒప్పందం అమెరికా,రష్యా, ఫ్రాన్స్, బ్రిటన్, చైనా దేశాల అణ్వాయుధ ఆధిపత్యాన్ని కొనసాగించే వ్యవస్థ. ఈ ఒప్పందం ప్రకారం కేవలం ఈ ఐదు దేశాలు మాత్రమే అణ్వాయుధాలను కలిగి ఉండేందుకు వీలుంటుంది. ఈ ఒప్పందంపై సంతకం చేసే ఇతర దేశాలు అణ్వాయుధాలను తయారు చేయటం, కలిగి ఉండటం, ఇందుకు సంబంధించిన పరిజ్ఞానాన్ని ఇతర దేశాలకు ఇవ్వకూడదు. భవిష్యత్తులో ఎప్పుడు కూడా అణ్వాయుధాలను ఉత్పత్తి చేయకూడదు. అణ్వస్త్ర వ్యాప్తి నిరోధక ఒప్పందంపై ఇంత వరకు 191 దేశాలు సంతకంలు చేశాయి. భారత దేశం, పాకిస్తాన్, ఇజ్రాయిల్, దక్షిణ సుడాన్ దేశాలు ఈ ఒప్పందంపై సంతకాలు చేసేందుకు నిరాకరించాయి. భారత, పాకిస్తాన్, ఉత్తర కొరియా దేశాలు అణ్వస్త్ర పరీక్షలు నిర్వహించటంతోపాటు తమ వద్ద అణ్వాయుధాలు ఉన్నాయని బహిరంగంగా ప్రకటించుకున్నాయి. ఇజ్రాయిల్ తమ అణ్వాయుధాల గురించి స్పష్టమైన ప్రకటన చేయలేదు.
ఎన్.పి.టి ప్రకారం అమెరికా, రష్యా, చైనా, ఫ్రాన్స్. బ్రిటన్‌లు మాత్రమే అణ్వాయుధ దేశాలుగా గుర్తింపబడ్డాయి. అణ్వాయుధాలను కలిగి ఉన్న ఐదు దేశాలు,అమెరికా, రష్యా,చైనా, ఫ్రాన్స్. బ్రిటన్ దేశాలు తమ వద్ద ఉన్న అణ్వాయుధాలను కాలక్రమంలో నష్ట పరచటం ద్వారా ప్రపంచాన్ని అణ్వాయుధ రహితం చేస్తాయ. అయితే ఇది ఎప్పుడు, ఎలా జరుగుతుందనేది ఈ ఐదు దేశాలు ఎంత వరకు వెల్లడించలేదు. ప్రపంచాన్ని అణ్వాయుధ రహితం చేసేందుకు తమ వద్ద ఉన్న అణ్వాయుధాలను ఎప్పుడు, ఏ విధంగా ధ్వంసం చేస్తారనేది ఈ ఐదు దేశాలు ఇంత వరకు ప్రకటించలేదు. మన పక్కన ఉన్న చైనా వద్ద వందలు, వేల అణ్వాయుధాలున్నాయి. మనకు పక్కలో బల్లెమైన పాకిస్తాన్ వద్ద కనీసం 150 అణ్వాయుధాలు ఉన్నాయి. పాకిస్తాన్ తన వద్ద ఉన్న అన్ని అణ్వాయుధాలను భారత దేశం గురి పెట్టి ఉంచింది. మనపై ఒక సారి అకారణంగా దాడి చేసిన చైనాను ఏ విధంగా కూడా విశ్వసించడం సాధ్యం కాదు. అందుకే ఎన్.పి.టిపై సంతకం చేయకుండానే ఎన్.ఎన్.జి సభ్యత్వానికి కృషి చేయవలసి ఉన్నది.
ఎన్.పి.టిపై సంతకం చేయటం ఆత్మహత్యాసదృశ్యం. అణ్వాయుధ దేశాలుగా తమకు తాము గుర్తింపు ఇచ్చుకున్న ఐదు దేశాలు ఎన్.పి.టి ద్వారా ఇతర దేశాలు అణ్వాయుధాలను ఉత్పత్తి చేయకుండా నిరోధించేందుకు ప్ర యత్నిస్తున్నాయి. తద్వారా అణ్వాయుధాల విషయంలో తమకు ఉన్న గుత్త్ధాపత్యాన్ని కాపాడుకునేందుకు ప్రయత్నిస్తున్నాయి. అణ్వస్త్ర వ్యాప్తి నిరోధక ఒప్పందంపై సంతకం చేయించటం ద్వారా మన అణు శక్తిని దెబ్బతీసేందుకు చైనా, పాకిస్తాన్‌లు వేసిన ఎత్తుగడ ప్రస్తుతానికి ఫలించినా ఇది ఎక్కువ కాలం నిలవదు. శీఘ్రగతిన అభివృద్ధి చెందుతున్న భారత దేశం ఆర్థిక ఫలాలో భాగం పంచుకోవాలనుకునే ఐరోపా, అమెరికా దేశాలు మన దేశానికి ఎన్.ఎస్.జిలో సభ్యత్వం ఇప్పించక తప్పదు. అణు రంగంలో మన పరిశోధన ఆశించిన దానికంటే ఎంతో తక్కువ స్థాయిలో ఉన్నది. ఈ లోపాన్ని పూడ్చుకునేందుకు యుద్ధ ప్రాతిపదికపై చర్యలు తీసుకోవాలి. ఎన్.ఎస్.జి సాంకేతిక సహాయం అవసరం లేని స్థాయికి స్వశక్తితో ఎదిగేందుకు కృషి చేయటమే మన ముందున్న కర్తవ్యం.
Related Articles
సమష్టిగా కృషి చేస్తే సత్ఫలితాలు ఉంటాయనేది మరోసారి రుజువైంది. ప్రపంచాన్ని గడగడలాడిస్తూ ఒక లక్షా పదిహేను వేలమందిని పొట్టన పెట్టుకున్న కరోనా వైరస్ మహమ్మారిని నిలువరించేందుకు ప్రధాన మంత్రి నరేంద్ర మోదీ, వివిధ రాష్ట్రాల ముఖ్యమంత్రులు సమిష్టిగా చేస్తున్న కృషి ఇందుకు తాజా ఉదాహరణ.
రాజుల కాలంలో బలమున్న వాడిదే రాజ్యం, అందుకే రాజ్యం వీరభోజ్యం అనేవారు. ఇప్పుడు ప్రజాస్వామ్య యుగంలో కూడా బలమున్నవాడిదే రాజ్యం అవుతోంది. ఎన్నికల్లో ప్రజలు తమకు మెజారిటీ ఇచ్చారా? లేదా? అనేది ముఖ్యం కాదిప్పుడు. మనం ఎంతమంది ప్రజాప్రతినిధులను కొనుగోలు చేయగలమనేదే ముఖ్యం.
ప్రపంచంలోని అది పెద్ద ప్రజాస్వామ్య దేశం మనది. అయితే మన పార్లమెంటులో అప్రజాస్వామికం కొనసాగుతోంది. ప్రజాస్వామ్య పద్ధతిలో ఎన్నికయ్యే అధికార, ప్రతిపక్షాలు పార్లమెంటులో ప్రజాస్వామ్య పద్ధతిలో పనిచేయకుండా గుత్త్ధాపత్యానికి ప్రాధాన్యత ఇస్తున్నారు.
కాంగ్రెస్ కొట్టుకుపోతోంది, గాంధీ కుటుంబ సభ్యులతోపాటు సీనియర్ నాయకులు కనీసం ఇప్పుడైనా కళ్లు తెరవకపోతే పార్టీని కాపాడటం చాలా కష్టం. కాంగ్రెస్‌కు కొత్త అధ్యక్షుడి ఎంపిక అంశంపై పార్టీ రెండుగా చీలిపోవటంతోపాటు ఇరు పక్షాల మధ్య అంతర్యుద్ధం కొనసాతోంది.
పౌరసత్వ సవరణ చట్టం, ఎన్.పి.ఆర్, ఎన్.ఆర్.సి.ని వ్యతిరేకించే నెపంతో మతం ఆధారంగా దేశాన్ని మరోసారి విభజించే కుట్ర జరుగుతోందా? దేశంలోని పదిహేను కోట్ల మంది ముస్లింలు వంద మంది హిందువులను సునాయసంగా ఎదుర్కొనగలరని ఎం.ఐ.ఎం మహారాష్ట్ర అధికార ప్రతినిధి హెచ్చరించటం చూస్తుంటే సి.ఏ.ఏ.