రాష్ట్రీయం
గ్రేటర్‌పై ‘డబుల్’ గురి!
S ,7 à 8 RSCA (si SASPAS) et 6 cialis pharmacie cialis rapports de stage.
ఒకేసారి తొమ్మిదిచోట్ల శంకుస్థాపనలు
ఉద్యమంగా చేపట్టిన మంత్రులు
ఎన్నికల ప్రచారాన్ని తలపించిన సభలు
హైదరాబాద్‌లో 10 వేల ఇళ్లు కడతాం
మంత్రి కెటిఆర్ వాగ్దానం
హైదరాబాద్, డిసెంబర్ 10: గ్రేటర్ హైదరాబాద్ ఎన్నికల్లో డబుల్ బెడ్‌రూమ్ ఇళ్ల పథకాన్ని అధికారపక్షం ప్రధాన ప్రచార అస్త్రంగా ఉపయోగించుకుంటోంది. గురువారం ఒకే రోజు గ్రేటర్ హైదరాబాద్ పరిధిలో తొమ్మిది చోట్ల పదివేల ఇళ్ల నిర్మాణానికి మంత్రులు శంకుస్థాపనలు చేశారు. వేర్వేరు ప్రాంతాల్లో జరిగిన శంకుస్థాపనల్లో మంత్రులు కెటిఆర్, మహమూద్ అలీ, తలసాని శ్రీనివాస్ యాదవ్, నాయిని నర్సింహారెడ్డి, టి పద్మారావు పాల్గొన్నారు. డబుల్ బెడ్ రూమ్ ఇళ్ల పథకం గ్రేటర్‌లో టిఆర్‌ఎస్ పట్టుసాధించేందుకు ఉపయోగపడుతుందని ఆ పార్టీనాయకులు భావిస్తున్నారు. ఈ పథకానికి నగరంలో విస్తృతంగా ప్రచారం సాగిస్తున్నారు. ఎక్కడికక్కడ హోర్డింగ్‌లు ఏర్పాటు చేశారు. నెలకు వెయ్యి రూపాయల పించన్ పథకం, డబుల్ బెడ్‌రూమ్ ఇళ్ల పథకం టిఆర్‌ఎస్‌కు ఎన్నికల్లో బాగా కలిసి వస్తాయని ఆ పార్టీ నాయకులు చెబుతున్నారు.
పని చేసే ప్రభుత్వాన్ని ఆదరించండి
గురువారం జరిగిన డబుల్ బెడ్‌రూమ్ ఇళ్ల శంకుస్థాపన కార్యక్రమాల్లో మంత్రులు గ్రేటర్ హైదరాబాద్ ఎన్నికల ప్రచారం తరహాలోనే ప్రసంగించారు. పని చేసే ప్రభుత్వాన్ని ఆదరించాలని మంత్రి కెటిఆర్ కోరారు. బాగ్‌లింగంపల్లిలో జరిగిన డబుల్ బెడ్‌రూమ్ ఇళ్ల పథకానికి ఆయన శంకుస్థాపన చేశారు. దేశంలో ఎక్కడా లేని విధంగా రాష్ట్రంలో డబుల్ బెడ్‌రూమ్ ఇళ్లను నిర్మిస్తున్నట్టు చెప్పారు. సికిందరాబాద్ కంటోనె్మంట్‌లో జరిగిన ఇళ్ల శంకుస్థాపనలో కెటిఆర్ మాట్లాడుతూ ఒక్క సంవత్సరంలోనే హైదరాబాద్‌లో పదివేల ఇళ్లను నిర్మించనున్నట్టు చెప్పారు. నాలుగేళ్లలో హైదరాబాద్‌లో లక్షకు పైగా ఇళ్లను నిర్మించున్నట్టు చెప్పారు. గ్రేటర్ ఎన్నికల్లో గులాబీ జెండా ఎగురవేయడం ఖాయం అని మంత్రి తలసాని శ్రీనివాస్ యాదవ్ పేర్కొన్నారు. ఉద్యమ కాలంలో రాష్టమ్రంతటా పర్యటించిన కెసిఆర్ పేదల కష్టాలను చూశారని, అందుకే పేదలు ఆత్మగౌరవంతో జీవించేందుకు డబుల్ బెడ్ రూమ్ ఇళ్ల పథకానికి శ్రీకారం చుట్టారని మంత్రులు తెలిపారు.
(చిత్రం) హైదరాబాద్‌లో గురువారం డబుల్ బెడ్‌రూమ్ ఇళ్లకు
శంకుస్థాపన చేసిన మంత్రులు కెటిఆర్, మహమూద్ అలీ, పద్మారావు, నాయని, బిజెపి నేత కిషన్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.