రాష్ట్రీయం
సమీపిస్తున్న డెడ్‌లైన్.. ఉద్యోగుల్లో ఆందోళన
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 31: హైదరాబాద్, తెలంగాణ ప్రాంతంలో పనిచేస్తున్న ఆంధ్ర ఉద్యోగులు సొంత రాష్ట్రానికి వచ్చేందుకు డెడ్‌లైన్ 2017 జూన్ 2వ తేదీతో ముగుస్తుంది. ఆ తేదీ లోపల వచ్చి అక్కడ రిపోర్టు ఇచ్చిన వారి పిల్లలకు స్థానికత వస్తుంది. ఈ నిబంధన ప్రభుత్వ ఉద్యోగులకు వర్తిస్తుంది. ఆంధ్రప్రదేశ్‌కు వచ్చే ఉద్యోగులకు ఈ వెసులుబాటును కల్పిస్తూ రాష్టప్రతి గత ఏడాది ఉత్తర్వులు ఇచ్చారు. ఈ గడువు ఈ ఏడాది జూన్ 2తో ముగుస్తుంది. కాని హైకోర్టు ఇంకా విభజన కాలేదు. ఆంధ్ర ప్రాంతానికి చెందిన ఉద్యోగులు పెద్దసంఖ్యలో హైకోర్టులో పనిచేస్తున్నారు. అలాగే 9, 10 షెడ్యూళ్లలో ఉన్న ప్రభుత్వ రంగ సంస్ధలు, కొన్ని ప్రభుత్వ కార్యాలయాలు ఇంకా ఇక్కడ పనిచేస్తున్నాయి. జూన్ 2లోగా ఈ సంస్థల్లో పనిచేస్తున్న సిబ్బంది ఆంధ్రకు వెళ్లేందుకు వీలులేదు. అలాగే తెలంగాణ ప్రాంతంలో పోలీసు శాఖలో డిఎస్పీ, సిఐ కేడర్‌లో అనేకమంది ఏపివారు పనిచేస్తున్నారు. పదోన్నతుల విషయంలో అనేక వివాదాలు ఉన్నాయి. ఈ వివాదం తేలకుండా జూన్ 2లోపల వచ్చినవారే లోకల్ అంటే ఆ తర్వాత తమ సమస్యలు పరిష్కారమైతే భవిష్యత్తులో ఇక్కట్లు ఎదుర్కొంటామని ఉద్యోగులంటున్నారు. దాదాపు 1200 మంది ఉద్యోగులు తమను చట్టవిరుద్ధంగా తెలంగాణకు కేటాయించారని కోర్టుకు వెళ్లిన వారున్నారు. కేంద్రం ఇచ్చిన నోటిఫికేషన్ ప్రకారం 2014 జూన్ 2వ తేదీ నుంచి 2017 జూన్ 2వ తేదీ లోపల ఆంధ్రాకు వచ్చే ప్రభుత్వ ఉద్యోగులే లోకల్ అవుతారని నిర్వచనం ఇచ్చి నోటిఫికేషన్ ఇచ్చింది. దీనివల్ల స్ధానికత లభిస్తుంది. ప్రభుత్వ ఉద్యోగుల పిల్లలకు ఉన్నత విద్యా సంస్ధల్లో లోకల్ కోటా కింద మెరిట్ వస్తే సీటు వస్తుంది. పబ్లిక్ సర్వీసు కమిషన్ ఉద్యోగాల్లో కూడా లోకల్ ప్రాతిపదికన గుర్తింపు ఉంటుంది. ఏపి పునర్విభజన చట్టంలో సెక్షన్ 108 (1) అనే నిబంధన ఉంది. చట్టంలో ఎన్ని నిబంధనలు ఉన్నా, రాష్టప్రతి వాస్తవ పరిస్థితులు పరిగణనలోకి తీసుకుని ఉత్తర్వులు జారీ చేయవచ్చు. కాని అదికూడా మూడు సంవత్సరాల వరకే పరిమితం. మూడేళ్ల తర్వాత అంటే 2017 జూన్ 2వ తేదీ తర్వాత రాష్టప్రతి ఉత్తర్వులు కూడా పనిచేయవు. పార్లమెంటు ద్వారా మాత్రమే చట్టం చేసి విభజన వల్ల ఎదురవుతున్న సమస్యలను తొలగించాల్సి ఉంటుంది. ఈ నిబంధన ఉద్యోగుల్లో అలజడిని పెంచుతోంది. రాష్టప్రతి ఇంతవరకు 108 సెక్షన్ కింద మూడు ఉత్తర్వులుజారీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.