ఫోకస్
టెక్నాలజీ వినియోగం మంచిదే
S ,7 à 8 RSCA (si SASPAS) et 6 cialis pharmacie cialis rapports de stage.
ఎన్నికల్లో ఎలక్ట్రానిక్ ఓటింగ్ మిషన్లను వాడడం మారుతున్న కాలానికనుగుణంగా నూతన టెక్నాలజీని వినియోగించుకోవడం మంచిదే.. కానీ అది అందరికీ అందుబాటులో ఉండేవిధంగా, వినియోగంపై అవగాహన కూడా అవసరం. అవగాహన లేని టెక్నాలజీ వినియోగిస్తే తనపై తనకే అనుమానం వచ్చే అవకాశం లేకపోలేదు. ఇందుకోసం అధికారులు అవగాహన సదస్సులు నిర్వహించాలి. ఓటర్లను చైతన్యపరచాలి. అందుకు అధికారుల కృషితోపాటు రాష్ట్రంలో సంపూర్ణ అక్షరాస్యత సాధించే దిశగా చర్యలు చేపట్టాలి. ఇ-గవర్నెన్స్, గ్లోబల్ డిజిటలైజేషన్ నేపథ్యంలో ఎలక్ట్రానిక్ ఓటింగ్ మిషన్ల వాడకం అభివృద్ధిలో ఒక భాగమే. అయితే ఓటింగ్‌లో అక్రమాలు చోటుచేసుకోకుండా ఉండేందుకు ఎలక్ట్రానిక్ ఓటింగ్ యంత్రాలను వాడుతున్నామనడం అవివేకం. ఓటింగ్‌లో అక్రమాలు బ్యాలెట్ పత్రాలతోనూ, ఇవిఎంలతోనూ జరగొచ్చు. ప్రస్తుతం కొత్తగా తీసుకువచ్చిన ఓటు వేసినట్టుగా రశీదు వచ్చే విధానంతో ఓటరు తాను వేసిన ఓటు ఫలానా అభ్యర్థికే వేశాననే తృప్తి పొందడం కోసమే. దీనితో అక్రమాలు అరికట్టగల్గుతామన్నది కాదు. ఈ మధ్యకాలంలో ఎన్నికల్లో ఇవిఎంల ద్వారా ట్యాంపరింగ్ జరుగుతుందని ప్రచారం జరుగుతోంది. దీనిపై అనుమానాలు నివృత్తి చేయాల్సిన బాధ్యత ప్రభుత్వ అధికారులపై ఉంది. ఎలక్ట్రానిక్ ఓటింగ్ మిషన్లతోపాటు ఇంటర్నెట్ సౌకర్యం కూడా ప్రతి గ్రామానికి చేరే విధంగా ప్రభుత్వాలు కృషి చేయాలి. ఆధునిక టెక్నాలజీ ప్రాధాన్యత సంతరించుకుంటున్న భారత్‌లో సాంకేతిక రంగం మరింత అభివృద్ధి జరిగే దిశగా పాలకులు కృషి సల్పాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.