ఫోకస్
రైతు సమస్యలు విస్మరించిన ప్రభుత్వం
S ,7 à 8 RSCA (si SASPAS) et 6 cialis pharmacie cialis rapports de stage.
రైతులు ఎదుర్కొంటున్న దుర్భిక్ష సమస్యలు, కొనసాగుతున్న ఆత్మహత్యలకు ఉన్న కారణాలను తెలంగాణ ప్రభుత్వం పట్టించుకుంటున్నట్టు లేదు. రుణమాఫీ అమలుచేస్తున్న తీరు రైతు రుణ కష్టాలను పెంచుతుందే తప్ప ఏమాత్రం తగ్గించడం లేదు. ప్రభుత్వం దఫదఫలుగా రైతుల బాకీలను బ్యాంకులకు చెల్లిస్తుండటంతో వచ్చే సంవత్సరం కూడా మరో నాలుగో వంతు రుణాన్ని మాత్రమే ఇస్తామని ఇటీవల శాసనసభలో గవర్నర్ తన ప్రసంగంలో పేర్కొన్నారు. రైతుల బాకీలను పూర్తిగా చెల్లించి కనీసం సంస్థాగత రుణ భారం నుండి రైతులను విముక్తి చేయాలన్న డిమాండ్‌ను కూడా ప్రభుత్వం పట్టించుకోకపోవడం ఆందోళన కరం. వరుసగా రెండు సంవత్సరాలుగా కొనసాగుతున్న తీవ్ర వర్షాభావ పరిస్థితులు రాష్ట్రంలో కరవు పరిస్థితులను సృష్టించాయి. కరవు ప్రాంతాల్లో చేపడుతున్న సహాయక చర్యలు ఏమాత్రం సరిపోవు. రాయితీతో సరఫరా చేశామంటున్న వ్యవసాయ యంత్రాలు, పరికరాలు, ఫౌలీ హౌస్‌లు సామాన్య రైతులను ఊరిస్తున్నాయే తప్ప కనుచూపుమేరలో ఎక్కడా అందడం లేదు. చిన్నకమతాల రైతులకు ఉపయోగపడే పనిముట్లు కోరిన వారందరికీ రాయితీతో సరఫరా చేయాలనే డిమాండ్‌ను పాలకులు పట్టించుకోవడం లేదు. సాగు సమస్యలను పరిష్కరించడానికి వారి ఆదాయాలను పెంచడానికి తగిన చర్యలను తీసుకోవడానికి వీలుగా సాధికార వ్యవసాయ కమిషన్ అవసరాన్ని ప్రభుత్వం పట్టించుకున్నట్టు అనిపించడం లేదు.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.