ఫోకస్
నీట్‌లో చేరడమే ఉత్తమం
S ,7 à 8 RSCA (si SASPAS) et 6 cialis pharmacie cialis rapports de stage.
వైద్య విద్య చాలా సంక్లిష్టమైంది. ఎంతో నైపుణ్యం, సామర్థ్యం, కౌశలం ఉన్న వైద్యుల అవసరాలు రోజురోజుకు పెరుగుతున్నాయి. వైద్య విద్యను అభ్యసించేవారు శక్తి సామర్థ్యాలతోపాటు జ్ఞాన సంపన్నులై ఉండాలి. మన దేశంలో పదేళ్లు సెకండరీ విద్య, రెండేళ్లు ఇంటర్మీడియట్ ముగిస్తే వెంటనే వైద్య విద్యను అభ్యసించేవీలుంది. ఇతర దేశాల్లో వైద్య విద్యకు 20 ఏళ్లు పడుతుంది. 12 సంవత్సరాలు హైస్కూల్ ఎడ్యుకేషన్, నాలుగేళ్ల బిఎస్సీ, రెండేళ్లు రెసిడెన్సి చేసి మరో రెండేళ్లు చేస్తేనే మెడికల్ చదువు అయినట్టు లెక్క. నిజానికి కోర్ సబ్జెక్టుల్లో కాంపిటెన్సీ చాలాముఖ్యం. కేవలం ఇంటర్ పుస్తకాలు చదువుకుని మన వాళ్లు మెడికల్ ఎడ్యుకేషన్‌కు వస్తున్నారు. నీట్ వంటి సమరూప జాతీయ పరీక్షవల్ల జాతీయ స్థాయిలో అన్ని రాష్ట్రాల విద్యార్థులు కాలేజీల్లో చేరే వీలున్నందువల్ల కాలేజీల్లో సౌకర్యాల మెరుగుదలపై ఒత్తిడి ఉంటుంది. కనీసం 15 శాతం సీట్లు అయినా జాతీయ స్థాయిలో భర్తీ చేయడం చాలా మంచిది. మన మెడికల్ కాలేజీలు మణిపాల్, ఎయిమ్స్, సిఎంసి వంటి కాలేజీలు ఇతర దేశాల్లోని కాలేజీలతో పోల్చదగిన స్థాయిలో ఉన్నాయి. నీట్‌ను ఉపయోగించుకోకపోవడం మంచిది కాదు, మన రాష్ట్రాల్లోని ప్రమాణాలను అన్ని విధాలా పెంచుకోవాలనే ఆలోచన ఉంటే నీట్ ఎంతో దోహదం చేస్తుంది. ఆంధ్రప్రదేశ్‌లో మంచి ప్రతిభ ఉన్న విద్యార్థులున్నారు. కాని సీట్లు తక్కువ ఉన్నాయి. నీట్ ఉపయోగించుకుంటే జాతీయ స్థాయిలో ఎక్కువ సీట్లు పొందే వీలుంది. ప్రమాణాలను స్థానికత పేరుతో అణచివేస్తున్నాం. స్థానికత కొంత మేరకు ఉపయోగపడుతుంది కాని ప్రమాణాలకు దోహదం చేయదు, ప్రమాణాలు రావాలంటే ఎంత విస్తృతంగా ఉంటే అంత ఉపయోగపడుతుంది. ఉస్మానియా యూనివర్శిటీలో చాలా విభాగాల్లో ఫ్యాకల్టీ ఒకటి రెండు ఏళ్లు పనిచేయడానికి బయటినుండి వచ్చేవారు, వారివల్ల స్థానికంగా ఉన్న వారిలో ఎంతో ప్రేరణ ఉండేది. చాలా ప్రతిభ ఉన్నవారు వచ్చేవారు. 50 శాతం వరకూ సీట్లు స్థానికులకు ఇచ్చి, మిగిలిన 50 శాతం బయటివారికి అవకాశం ఇస్తే మంచిది. వాస్తవానికి నీట్ నిర్వహించే ప్రయత్నం రెండేళ్లుగా కొనసాగుతూనే ఉంది. ఇంటర్మీడియట్‌లో స్టేట్ సిలబస్‌ను ఇప్పటికే సిబిఎస్‌ఇ సిలబస్‌తో ఇంటిగ్రేట్ చేశారు. సిలబస్‌ను జాతీయ సిలబస్‌కు అనుగుణంగా మలుచుకునే ప్రయత్నం జరగలేదని అనుకోవడానికి లేదు, మన స్టేట్ వారికి ఇబ్బంది లేదు, ఐఐటి జెఇఇ పరీక్షలు రాయడం లేదా, మంచి జాతీయ ర్యాంకులు సాధించడం లేదా. మన సిలబస్‌లో చదివి జాతీయ ర్యాంకులను సాధిస్తున్నారు కదా!
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.