ఫోకస్
కొత్త అథారిటీ అవసరం
S ,7 à 8 RSCA (si SASPAS) et 6 cialis pharmacie cialis rapports de stage.
దేశంలో వినోద పరిశ్రమలో బ్లాక్ మనీ ఎక్కువ. అన్ని రంగాల్లో అక్రమంగా సంపాదించిన పెద్దలందరూ చిత్ర నిర్మాణ రంగంలో పెట్టుబడులు పెడుతున్నారు. పెట్టుబడులకు రిటర్న్స్ రావాలి. అందుకే విలువలకు తిలోదకాలిచ్చి ఇష్టం వచ్చినట్లు సినిమాలను నిర్మిస్తున్నారు. బాలీవుడ్, టాలీవుడ్, కోలీవుడ్ అనే తేడా లేకుండా అన్ని భాషా చిత్రాల్లో మన సంస్కృతి, సంప్రదాయాలను, మతాలు, కులాల మనోభావాలను దెబ్బతీస్తూ ఇష్టం వచ్చినట్లు సినిమాలను తీస్తున్నారు. ఇందులో మసాలా చొప్పిస్తున్నారు. అర్థంపర్థం లేని జుగుప్స కలిగించే సన్నివేశాలు, డైలాగులు, పాటలతో సినిమాలను నిర్మిస్తున్నారు. మన వ్యవస్ధపై తీవ్రమైన ప్రభావం చూపెట్టే ప్రసార సాధనం సినిమా. సినిమా వ్యవస్థను నియంత్రించేందుకు రెగ్యులేటరీ అథారిటీ ఉండాలి. సెన్సార్ బోర్డు కూడా ఒక రకంగా విఫలమైంది. సెన్సార్ బోర్డు స్థానంలో అథారిటీని ఏర్పాటుచేసి రాజ్యాంగబద్ధమైన అధికారాలను కల్పించాలి. సినిమా అంటే మేక్ బిలీఫ్ బిజినెస్. ఒక సినిమాలో కొన్ని కల్పితాలను వాస్తవానికి మించి జోడించక తప్పదు. అలాగే సమాజంలో ఉండే దురాచారాలను, వాటివల్ల జరిగే అనర్ధాలను సినిమాలో చూపించాల్సిందే. మద్యపానం, ధూమపానం సన్నివేశాలు చూపిస్తున్నప్పుడు ఇప్పుడు ఇవి హానికరం అనే టైటిల్స్ వేస్తున్నారు. అశ్లీలం, కొన్ని వర్గాలను కించపరిచే దృశ్యాలను కత్తిరించేందుకు బలమైన వ్యవస్థ మనకు లేదు. అలాగే కొంతమంది సినిమా దర్శకులు ప్రతి అంశంపైన స్పందిస్తున్నారు. వంగవీటి పేరుమీద సినిమా తీస్తానని ఒక దర్శకుడు ముందుకువస్తున్నారు. ఇదే నిజమైతే రాష్ట్రంలో సగం జిల్లాల్లో ఘర్షణలు జరుగుతాయి. కొన్ని సంవత్సరాల క్రితం పులివెందుల పేరుమీద ఒక దర్శకుకడు సినిమా తీస్తామంటే ప్రజల నుంచి వ్యతిరేకత రావడంతో మానుకున్నారు. మరో సినిమాలో రెండు సామాజిక వర్గాలను దూషిస్తూ, కించపరిచే విధంగా డైలాగులు ఉన్నాయి. అందుకే కేంద్ర, రాష్ట్రప్రభుత్వాలు సినిమా రంగాన్ని నియంత్రించేందుకు తప్పనిసరిగా రెగ్యులేటరీ అథారిటీ ఏర్పాటు చేయాలి. ఇందులో నిపుణులు, అనుభవం ఉన్న వారిని నియమించాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.