ఫోకస్
సెన్సార్ బోర్డు ఏం చేస్తోంది?
S ,7 à 8 RSCA (si SASPAS) et 6 cialis pharmacie cialis rapports de stage.
సెన్సార్ బోర్డుగా అంతా వ్యవహరించే కేంద్ర చలనచిత్ర ధ్రువీకరణ సంస్థ వ్యవహార తీరు మరోమారు ‘ఉడ్తా పంజాబ్’ సినిమాతో దేశవ్యాప్తంగా చర్చ జరుగుతోంది. ఇది కేవలం ఏదో ఒక భాషాచిత్రానికి సంబంధించిన వ్యవహారానికే పరిమితమైన విషయం కాదు, దేశంలో అన్ని భాషల్లో ఏదో ఒక చిత్రం సెన్సార్ బోర్డు చట్రంలో నలిగి చిక్కి విడుదలకు సైతం నోచుకోని సంఘటనలు అనేకం. కొన్నిమార్లు ఏళ్ల తరబడి అదృశ్యమైన చిత్రాలు కూడా చాలానే ఉన్నాయి. తెలుగులో ‘కెమెరామన్ గంగతో రాంబాబు’, ‘దేనికైనా రెడీ’ సహా చాలా చిత్రాల సెన్సార్‌లో జాప్యం లేదా బోర్డు ఇచ్చిన ‘కట్స్’పై వివాదం పెద్దఎత్తునే జరిగింది. కులాలను, మతాలను కించపరిచేలా దృశ్యాలు ఉన్నాయని, పాత్రలు సమకాలీన వ్యక్తులను తలపించేలా ఉన్నాయని, వృత్తి, ఆదర్శాలకు భిన్నంగా లేదా కించపరిచేలా ఉన్నాయనే పేరుతో సెన్సార్‌బోర్డు కొన్ని చిత్రాల్లో దృశ్యాలను తొలగించడమో లేదా మార్చుకోమని చెప్పడమో జరుగుతుంది. చిత్ర కథ, కథనం, దృశ్యరూపాన్ని దృష్టిలో ఉంచుకుని సర్ట్ఫికెట్లను జారీ చేస్తుంది. సెన్సార్ బోర్డు వ్యవహరించిన తీరు అనేక చిత్రాల విషయంలో వివాదాలు చెలరేగి చివరికి చైర్మన్లు సైతం రాజీనామా చేసే పరిస్థితి వచ్చింది. 1920లో మొదలైన సెన్సార్ బోర్డు 1952 తర్వాత పద్ధతి ప్రకారం ఒక స్వరూపాన్ని సంతరించుకుంది. ప్రస్తుతం పహ్లాజ్ నిహలాని చైర్మన్‌గా వ్యవహరిస్తున్నారు. సిబిఎస్‌సికి దేశవ్యాప్తంగా ప్రాంతీయ సెన్సార్ బోర్టులున్నాయి. హైదరాబాద్‌లోని ప్రాంతీయ సెన్సార్ బోర్డు సిఇఓ ఒక చిత్ర నిర్మాత నుండి లంచం తీసుకుంటూ కూడా దొరికిపోయారు. ఈ పరిణామాలు అన్నీ చూస్తుంటే సెన్సార్ బోర్డు తీరుతెన్నులు, వ్యవహార సరళి వేగంగా మారిపోతున్న సమాజంలో సమీక్షించాల్సిన సమయం ఆసన్నమైందని ఎవరికైనా అనిపిస్తుంది. ‘మెసెంజర్ ఆఫ్ గాడ్’ సినిమా సెన్సార్ సమయంలో జరిగిన వివాదం అంతా ఇంతా కాదు, ‘స్పెక్ట్రా’ సినిమాలో ముద్దు సన్నివేశాలు, ‘డెడ్ పూల్’ సినిమాలో దృశ్యాలు బోర్డుపై నమ్మకాన్ని వమ్ముచేశాయి. ఉడ్తా పంజాబ్ చిత్రానికి 89 సీన్ల కట్‌లు ఇచ్చిన సెన్సార్ బోర్డు వివాదం చెలరేగి హైకోర్టు వరకూ వెళ్లడంతో ఒక్క కట్‌తో బయటపడింది. తాజాగా మరో గుజరాతీ సినిమా సెన్సార్ కోరల్లో చిక్కుకుంది. దాంతోపాటు ‘సాలడ్బో సావల్- అనామత్’ చిత్రానికి బోర్డు వంద కత్తెర్లు వేసింది. ఆ దారిలోనే ‘పవర్ ఆఫ్ పటీదార్’ కూడా ఉంది. రోజురోజుకూ సినిమాల్లో దృశ్యాలు, పదాలు, సంభాషణలు విరక్తి కలిగిస్తూ సెన్సార్ బోర్డు ఆయా చిత్రాల విడుదలకు ఎలా అనుమతించాయనే ప్రశ్నలూ రావడం కొత్తేమీ కాదు. ఈ క్రమంలో సెన్సార్‌బోర్డు తీరుతెన్నులపై కొంతమంది చలనచిత్ర ప్రముఖులు, ఇతరుల అభిప్రాయాలే ఈ వారం ఫోకస్.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.