ఫోకస్
విభజనకు అడ్డంకేమిటి?
S ,7 à 8 RSCA (si SASPAS) et 6 cialis pharmacie cialis rapports de stage.
హైకోర్టు విభజనకు అడ్డంకి ఏమిటో ఉన్నతస్థాయి న్యాయమూర్తులే చెప్పాలి. సమైక్య ఆంధ్రప్రదేశ్ రాష్ట్రం తెలంగాణ, ఎపిలుగా విడిపోయిన తర్వాత అన్ని శాఖలు కూడా సామరస్యంగా విడిపోతే ఎలాంటి సమస్యా ఉత్పన్నం అయ్యేది కాదు. హైకోర్టును విభజించి రెండు రాష్ట్రాల హైకోర్టులను హైదరాబాద్‌లోనే కొనసాగించాలని తెలంగాణ ముఖ్యమంత్రి కె. చంద్రశేఖరరావు గతంలోనే ప్రతిపాదించారు. ప్రస్తుతం హైకోర్టు నడుస్తున్న భవనాన్ని ఆంధ్రప్రదేశ్ హైకోర్టుకోసం వాడుకోవచ్చని, తెలంగాణ హైకోర్టుకు గచ్చిబౌలిలోని భవనాలను వినియోగించుకుంటామని కెసిఆర్ ప్రకటించిన విషయం గమనార్హం. ఇదే విషయాన్ని హైకోర్ట్ ఆఫ్ ఎపి అండ్ తెలంగాణ జ్యూడికేచర్ ప్రధాన న్యాయమూర్తి సుప్రీంకోర్టుకు తెలియచేస్తే బాగుండేది. సుప్రీంకోర్టుకు చెందిన ముగ్గురు ఎపి న్యాయమూర్తుల అభీష్టం మేరకే హైకోర్టు పరిపాలనాపరమైన నిర్ణయాలు జరుగుతున్నాయన్న ఆరోపణలున్నాయి. న్యాయవ్యవస్థలో ఎపికి చెందిన వారికే ప్రాధాన్యత ఇస్తున్నారని వాస్తవ పరిస్థితులు వెల్లడిస్తున్నాయి. హైకోర్టులో 26 మంది న్యాయమూర్తులు పనిచేస్తుంటే తెలంగాణకు చెందిన వారు కేవలం ముగ్గురే ఉండగా, ఎపికి చెందిన వారు 20 మంది వరకు ఉన్నారు. ఇతరులు ఇతర రాష్ట్రాలకు చెందినవారు. జిల్లా కోర్టులు, మున్సిఫ్ కోర్టులో పనిచేస్తున్న సిబ్బందిలో దాదాపు 80 శాతం ఎపికి చెందిన వారే ఉన్నారు. హైకోర్టుకు చెందిన న్యాయమూర్తులు ఒక్కో జిల్లాకు ఒక్కొక్కరు ఇంచార్జీలుగా ఉంటూ వస్తున్నారు. వీరిలో ఎక్కువ మంది ఎపికి చెందిన వారు కావడంతో జిల్లాస్థాయిలో జరిగిన నియామకాల్లో ఎపికి చెందినవారికే ఎక్కువ ప్రాధాన్యత లభించింది. ఇప్పటికే న్యాయాధికారులుగా పనిచేస్తున్న వారికి ఎక్కడ పనిచేయదలచుకున్నారో ఆప్షన్ ఇచ్చారు. ఎపికి చెందిన వారు తెలంగాణలో పనిచేసేందుకు చాలా మంది ఆప్షన్ ఇచ్చారు. దాంతో వారి వినతికి హైకోర్టు ఆమోదం తెలిపింది. ఈ కారణంగా తెలంగాణలో మున్సిఫ్ మెజిస్ట్రేట్‌ల ఖాళీలు తక్కువగానూ, ఎపిలో ఎక్కువగానూ అయ్యాయి. తెలంగాణ న్యాయాధికారులు ఈ అంశంలో హైకోర్టు నిర్ణయాన్ని వ్యతిరేకిస్తున్నారు. అందువల్లనే ఆప్షన్ ఉపసంహరించుకోవాలని, హైకోర్టును వెంటనే విభజించాలని తెలంగాణ న్యాయవాదులు డిమాండ్ చేస్తున్నారు. ఈ పరిస్థితిలోనే మున్సిఫ్ మెజిస్ట్రేట్ పోస్టుల భర్తీ చేపట్టారు. ఇది సరైన సమయం కాదన్న అంశం హైకోర్టు గుర్తిస్తే బాగుండేది. హైకోర్టు విభజనకు ఇదే సరైన సమయం. విభజన జరిగితే ఆటోమెటిక్‌గా ఆందోళన పరిస్థితి సమసిపోతుంది. ప్రశాంత వాతావరణం ఏర్పడుతుంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.