ఫోకస్
కెజి టు పిజి భారమే
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ రాష్ట్ర కల సాకారం అయిన తర్వాత కెజి టు పిజి ఉచిత విద్య అమలు చేస్తామని ప్రభుత్వం ప్రకటించింది. దీనిని ఎప్పుడు అమలు చేస్తారోనని వెయ్యి కళ్లతో ఎదురు చూసిన విద్యార్థులకు, వారి తల్లిదండ్రులకు తీరా కెజి టు పిజి దాకా ప్రస్తుతం ఫీజుల మోత మోగించే నిర్ణయాలను ప్రభుత్వం తీసుకుంది. రాష్ట్రంలో ఇంజనీరింగ్ కాలేజిలు గొడ్ల కొట్టాల్లో, కోళ్లఫారాల్లో కొనసాగుతున్నాయని ముఖ్యమంత్రి కెసిఆర్ స్వయంగా వ్యాఖ్యానించారు. అయితే అలాంటి ఇంజనీరింగ్ కాలేజిల్లో, వృత్తి విద్యా కళాశాలకు ఈ విద్యాసంవత్సరంలో ఫీజులను ఏ ప్రాతిపదికన పెంచారో ప్రభుత్వం సమాధానం చెప్పాల్సి ఉంది. ఇంజనీరింగ్ కాలేజిలలో గతంలో రూ. 60 వేలు ఉంటే దానిని ప్రస్తుతం లక్ష వరకు పెంచారు. ఇక ఎల్‌కెజి నుంచి యుకెజి వరకు ఉన్న ఫీజుల గురించి అయితే చెప్పనలవి కాదు. ఈ-టెక్నో, హై-టెక్నో, ఐఐటి ఫౌండేషన్ ఆ ఫౌండేషన్ ఈ పౌండేషన్ అంటూ రకరకాల పేర్లతో ఎల్‌కెజి చదివే విద్యార్థి నుంచి కూడా లక్ష 25 వేల నుంచి లక్ష యాబై వేల వరకు ఫీజులు వసూలు చేస్తున్నారు. ఇక ఎస్‌ఎస్‌సి వరకు వచ్చే సరికి కొన్ని ఇంటర్‌నేష్నల్ స్కూల్స్‌ల్లో రూ. 8 లక్షల నుంచి 10 లక్షల వరకు ఫీజు వసూలు చేస్తున్నరంటే అతిశయోక్తి కాదు. ఇంటర్ విద్యా అయితే అపార్టుమెంట్లలో, షాపింగ్ మాల్స్‌లో కొనసాగుతున్నాయి. విద్యలో సంస్కరణలు ప్రవేశ పెడుతామని, కెజి టు పిజి వరకు ఉచిత విద్యను అందిస్తామని హామీ ఇచ్చిన ప్రభుత్వం విద్యా వ్యవస్థను గాలికి వదిలేసింది. రాష్ట్రంలో కనీసం యూనివర్సిటీలకు వైస్ ఛాన్స్‌లర్లను నియమించలేని దుస్థితిలో రాష్ట్ర ప్రభుత్వం ఉంది. కార్పొరేట్ విద్యా సంస్థలపై నియంత్రణ లేకపోవడంతో వారు ఇష్టానుసారంగా ఫీజులు వసూలు చేయడం, విద్యాసంస్థల మధ్య పోటీతో ర్యాంకుల కోసం విద్యార్థులను మానసికంగా వేధింపులకు గురి చేయడంతో తట్టుకోలేక విద్యార్థులు ఆత్మహత్యలు చేసుకుంటున్నారు. తెలంగాణ రాష్ట్రంలో విద్యావ్యవస్థను ప్రభుత్వం గాలికి వదిలేసింది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.