ఫోకస్
అమాయకులపై ఉగ్రవాద ముద్ర!
S ,7 à 8 RSCA (si SASPAS) et 6 cialis pharmacie cialis rapports de stage.
ప్రస్తుతం దేశంలో వేర్వేరు ప్రాంతాల్లో జరుగుతున్న మారణహోమం మొత్తానికి తీవ్రవాదం, ఉగ్రవాదం కారణమని కేంద్ర ప్రభుత్వం చేస్తున్న ప్రచారం ఏమాత్రం సమర్థనీయం కాదు. ఉగ్రవాదం, తీవ్రవాదం ముసుగులో అమాయకులైన పౌరులను పోలీసులు అరెస్టు చేసి అక్రమ కేసులు బనాయిస్తున్నారు. అసలైన దోషులను పట్టుకోకుండా సంబంధంలేని వారిని ఈ కేసులలో ఇరికిస్తున్నారు. మత, వామపక్ష తీవ్రవాదం ఏ వాదమైనా సరే హింసను అందరు ఖండించాల్సిందే. ఏ సమాజంలోనైనా హింసకు తావులేదు. కాశ్మీర్ సమస్య ఈనాటిది కాదు. కాశ్మీర్ సంస్థానాన్ని మనదేశంలో విలీనం చేసే సమయంలోనే నాటి ప్రధాని జవహర్‌లాల్ నెహ్రూ భారతదేశం విడిచిపెట్టి పోవటానికి ప్రజలందరూ అంగీకరిస్తే ఎప్పటికైనా సాధ్యమవుతుందంటూ ఆనాడు స్పష్టమైన హామీ ఇచ్చారు. అయితే తరువాత వచ్చిన ప్రధానమంత్రులెవరూ కూడా కాశ్మీర్ ప్రజల మనోభావాలను, అభిప్రాయాలను తెలుసుకునేందుకు ఏమాత్రం ప్రయత్నించకుండానే అక్కడ జరుగుతున్న ఉద్యమాలపై అణచివేతతో ముందుకు సాగటం వల్లనే ప్రస్తుతం మారణహోమం పెచ్చరిల్లుతోంది. ఇక మేఘాలయ, మణిపూర్, అస్సాం రాష్ట్రాలతో కూడిన భారత ఈశాన్య రాష్ట్రాల్లో 1959 నుంచి కూడా సైనిక బలగాల చట్టం అమల్లో వుండటం వల్లనే ఆ ప్రాంత ప్రజలు స్వయం పరిపాలనకోసం ఉద్యమాలు సాగిస్తున్నారు. అక్కడ జరుగుతున్న ఉద్యమాలను సైనికులు అణచివేసే పద్ధతుల్లో ముందుకు సాగుతుండటం వల్ల అక్కడ మరోవిధమైన మారణహోమం సాగుతోంది. ఇక చత్తీస్‌గఢ్, ఒరిస్సా సరిహద్దు ప్రాంతాల్లో కనిపిస్తున్న ఉగ్రవాదం మావోయిస్టు పార్టీకి సంబంధించినదిగా ప్రచారం సాగుతోంది. అయితే వాస్తవానికి అక్కడున్న సహజ వనరులను పాలకులు పెట్టుబడిదారీ శక్తులకు కట్టబెట్టి దశాబ్దాల తరబడి ఆ ప్రాంతాలను నమ్ముకున్న గిరిజనులను వెళ్లగొట్టే ప్రయత్నాలను అడ్డుకుంటున్నందునే మావోయిస్టు పార్టీ సభ్యులను ఉగ్రవాదులనే ముద్రవేస్తున్నారు. అసలు ఈ సహజ వనరులను ప్రభుత్వమే వినియోగించుకుని ఆ ప్రాంత గిరిజనుల భాగస్వామ్యంతో వారిని కూడా అభివృద్ధి పథంలో పయనింపచేసే ఆలోచన చేస్తే ఆ ప్రాంతంలో తీవ్రవాదాన్ని రూపుమాపటం అంతపెద్ద కష్టమేమీకాదు. దేశంలో శాంతిభద్రతలు కాపాడేందుకు కేంద్ర ప్రభుత్వం తక్షణం ప్రజాసంఘాలు, రాజకీయ పక్షాల ప్రతినిధులతో అఖిలపక్ష సమావేశం నిర్వహించాలి. అందరి అభిప్రాయాలను తెలుసుకుని వాటిని అమలు చేయటం సమంజసంగా వుంటుంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.