ఫోకస్
మాతృభాష అనివార్యం
S ,7 à 8 RSCA (si SASPAS) et 6 cialis pharmacie cialis rapports de stage.
పదవ తరగతి వరకు మాతృభాషలోనే విద్యా బోధన జరగాలి. కావాలంటే ఇంటర్ నుంచి ఇంగ్లీష్‌లో ఆయా శాస్త్రాల గురించి నేర్పించవచ్చు. మూడవ తరగతి, నాలుగవ తరగతి నుంచి ఇంగ్లీష్ ఐచ్చికంగా చెప్పవచ్చు. కానీ బోధనా మాధ్యమం మాత్రం తెలుగులోనే ఉండాలి. ప్రపంచంలో అనేక దేశాల్లో మాతృభాషలోనే విద్యా బోధన జరుగుతోంది. చెకోస్లవేకియా కోటి మంది జనం ఉన్న దేశం. మాతృభాషలోనే విద్యా బోధన జరుగుతోంది. ఇంజనీరింగ్, సైన్స్, మాథ్స్ వంటివి గతంలో రష్యా భాషలో, ఇప్పుడు ఇంగ్లీష్‌లో చెబుతున్నారు. మిగిలినవన్నీ మాతృభాషలోనే నేర్పిస్తారు. మన సంస్కృతి, సంప్రదాయం, మానవత్వం, పెద్దలను గౌరవించడం, విలువలు ఇవన్నీ తల్లినుంచి మాతృభాషలోనే పిల్లలకు అలవాటు అవుతాయి. తల్లిని ఏ విధంగా గౌరవిస్తామో, మాతృభాషకు అలాంటి గౌరవం ఇవ్వాలి. చిన్నప్పటినుంచి తల్లి తన పిల్లలకు ప్రేమ, సహనం వంటివాటి గురించి నేర్పిస్తుంది. అంతేతప్ప సైన్స్‌ను నేర్పదు. రెండు తెలుగు రాష్ట్రాలు తెలుగుకు ప్రాధాన్యత ఇవ్వాలి. తెలుగులోనే పాలన సాగాలి. తమ సమస్యలపై ప్రజలు తెలుగులో విజ్ఞాపన పత్రం అందజేస్తే తెలుగులోనే సమాధానం ఇవ్వాలి. తెలంగాణ ముఖ్యమంత్రి కెసిఆర్ ఎంఏ తెలుగు చదివారు. తెలుగును ప్రేమిస్తారు. ఒక సభలో ప్రముఖులంతా ఇంగ్లీష్‌లో మాట్లాడితే మీలో తెలుగు అర్థం కాని వారు ఎవరైనా ఉన్నారా? అని ప్రశ్నిస్తే, సభకు హాజరైన వారంతా అర్థం అవుతుంది అని చెప్పడంతో చక్కగా తెలుగులో మాట్లాడారు. ఆయన తెలుగును ప్రేమిస్తారు, గౌరవిస్తారు. తెలుగులో పద్యాలు కూడా చెప్పగలరు. ఆంధ్రప్రదేశ్‌లో కర్నూలు లేదా కడపలో ఉర్దూ విశ్వవిద్యాలయం ఏర్పాటు చేస్తానని ఆంధ్రప్రదేశ్ ముఖ్యమంత్రి చంద్రబాబు ప్రకటించారు. తెలుగు విశ్వవిద్యాలయం తెలంగాణకు చెందుతుంది. ఆంధ్రప్రదేశ్‌లో తెలుగు విశ్వవిద్యాలయం ఏర్పాటు గురించి ప్రకటించలేదు కానీ ఉర్దూ విశ్వవిద్యాలయం ఏర్పాటు చేస్తామంటున్నారు. ఎన్టీఆర్ హయాంలో తెలుగును అధికార భాషగా అమలు చేసేందుకు అధికార భాషా కమిషన్ ఏర్పాటు చేశారు. తెలుగు అకాడమీ గతంలో ఉండేది ఇప్పుడు అది కూడా లేదు. ప్రధానమంత్రి, ముఖ్యమంత్రి వంటి వారు దేనికి ప్రాధాన్యత ఇస్తే ఆ తరువాత వారు కూడా దానికే ప్రాధాన్యత ఇస్తారు. మంత్రులు కూడా తెలుగులోనే మాట్లాడాలి. తెలంగాణలో బడ్జెట్‌ను తెలుగులో ప్రవేశపెట్టారు. బడ్జెట్ ప్రసంగం తెలుగులోనే సాగింది. ఆంధ్రప్రదేశ్‌లో మాత్రం బడ్జెట్ ప్రసంగం ఇంగ్లీష్‌లోనే సాగింది, ఇంగ్లీష్‌లోనే బడ్జెట్ ప్రవేశపెట్టారు. మాతృభాషను పరిరక్షించడానికి పాలకులు తగిన శ్రద్ధ వహించాల్సిన అవసరం ఉంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.