ఫోకస్
వనరులపై దెబ్బకొట్టాలి
S ,7 à 8 RSCA (si SASPAS) et 6 cialis pharmacie cialis rapports de stage.
కాశ్మీర్‌లో ఉగ్రవాదాన్ని ప్రేరేపిస్తున్న పాకిస్తాన్‌ను గట్టిబుద్ధి చెప్పాల్సిందే. ఇందులో ఎటువంటి అనుమానం లేదు. భారత్ సహనాన్ని తక్కువగా అంచనా వేస్తే పాక్ పప్పులో కాలేసినట్లే. కాని భారత్ యుద్ధాన్ని చివరి ఆఫ్షన్‌గా ఎంచుకోవాలి. పాత రోజుల్లో మాదిరిగా ప్రస్తుతం యుద్ధం చేయడం అంత సులువు కాదు. యుద్ధాన్ని ప్రారంభించడం మన చేతిలో పని. ముగింపు మన చేతిలో ఉండదని విదురుడు మహాభారతంలో ధృతరాష్ట్రుడికి హితవచనం పలికారు. అలాగే కేంద్రంలో ఏ ప్రభుత్వం అధికారంలో ఉన్నా గత 69 సంవత్సరాలుగా కాశ్మీర్ విషయంలో పాక్ నుంచి సమస్యలు ఎదురవుతున్నాయి. ముందుగా పాక్‌కు ఆర్థిక వనరులు కట్ చేయాలి. నదీ జలాల విషయంలో కూడా కఠిన వైఖరిని అవలంభించాలి. పాక్‌కు మోస్ట్ ఫేవర్డ్ స్టేటస్ అనే హోదాను 1996లో ఇచ్చాం. దీనిని రద్దు చేస్తే మంచిదే. సరిహద్దుల వద్ద నిఘా పెంచాలి. నిఘా విభాగానికి ఆధునిక పరికరాలు ఇవ్వాలి. సైన్యాన్ని ఆధునీకరించాలి. ఉగ్రవాదులు చొరబడే ప్రాంతాల వద్ద సైన్యాన్ని మోహరించాలి. పాకిస్తాన్‌ను అంతర్జాతీయంగా ఏకాకి చేయాలి. పాక్ తయారీ వస్తువులను దేశంలో అనుమతించరాదు. పాకిస్తాన్‌కు మద్దతు ఇచ్చే దేశాల్లో తయారయ్యే ఉత్పత్తులను వాడరాదు. పాకిస్తాన్‌లో ప్రజలు వాళ్ల సైన్యం చేస్తున్న దురాగతాలు, ప్రభుత్వ దమనకాండ, ఉగ్రవాద మూకల అరాచకాలపై ఏహ్యభావం కలిగించే విధంగా భారత్ అంతర్జాతీయంగా వ్యూహాత్మకంగా వ్యవహరించాలి. పాకిస్తాన్‌తో 1947, 1965, 1971లో మూడుసార్లు యుద్ధం జరిగింది. వాజపేయి హయాంలో కార్గిల్ యుద్ధం 1999లో జరిగింది. పాక్ ఆక్రమిత కాశ్మీర్‌లో ఉన్న ఉగ్రవాద స్ధావరాలపై దాడులు చేయడం మంచిదే. కాని ఇది పూర్తిస్థాయి యుద్ధానికి దారితీస్తుంది. పూర్తిస్థాయి యుద్ధం ప్రారంభమైతే ఎన్ని రోజులైనా యుద్ధం చేసేందుకు సిద్ధంగా ఉండాలి. పఠాన్‌కోట, ముంబాయి దాడులనుంచి పాఠాలు నేర్చుకున్నామా? తాజాగా ఉరీ సెక్టార్‌లో ఉగ్రవాదుల హత్యాకాండకు కారణం ఏమిటి? ఆవేశంలో హడావిడి నిర్ణయం తీసుకోకూడదు. పాకిస్తాన్ ఆర్థికంగా చతికిలపడే విధంగా దారిలోకి తెచ్చుకోవాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.