ఫోకస్
వ్యాపారులకు కష్టం.. సర్కారుకు నష్టం
S ,7 à 8 RSCA (si SASPAS) et 6 cialis pharmacie cialis rapports de stage.
ప్రభుత్వం ఏ నిర్ణయం తీసుకున్నా సాధారణ ప్రజలు, మధ్యతరగతి ప్రజలు ఇబ్బందికి గురికాకుండా చూడాల్సి ఉంటుంది. కేంద్ర ప్రభుత్వమైనా, రాష్ట్ర ప్రభుత్వమైనా ప్రజలకోసం పనిచేయాల్సినవే. 500, 1000 రూపాయల నోట్లను రద్దుచేస్తూ కేంద్రం తీసుకున్న నిర్ణయం మంచిదే అయినప్పటికీ, ఈ నిర్ణయం వెలువడే ముందు కొన్ని జాగ్రత్తలు తీసుకుంటే బాగుండేది. దేశంలోని అన్ని బ్యాంకుల్లో కొత్త కరెన్సీ, చిల్లర డబ్బును అవసరమైన మేరకు అందుబాటులో ఉంచడానికి బృహత్తర ప్రణాళికను రూపొందించుకుని అమలు చేస్తే ఎవరికీ ఇబ్బంది కలిగేది కాదు. ఇప్పుడు ఎదురవుతున్న ఇక్కట్లు ఇటు ప్రజలను, అటు ప్రభుత్వాన్ని కుదేలు చేస్తోంది. భారతదేశం ప్రజాస్వామ్య దేశం. ఎన్నికలకు ముందు రాజకీయ పార్టీలు ప్రజల వద్దకు వెళతాయి. తమ తమ పార్టీలకు ఓట్లువేయమని అడిగేందుకు ఎన్నికల ప్రణాళిక (ఎలక్షన్ మానిఫెస్టో) ద్వారా తమ తమ పార్టీల మనోభావాలను, ప్రజలకోసం ఏం చేయాలని భావిస్తున్నారో మానిఫెస్టోద్వారా తెలియచేస్తారు. ఎవరి మానిఫెస్టోలు తమకు అనుకూలంగా ఉంటాయో వారికి ఓట్లు వేస్తుంటారు. ఇది సాధారణంగా జరిగే పరిణామం. అధికారంలోకి వచ్చిన పార్టీ తమ మానిఫెస్టో ప్రకారం ప్రభుత్వాన్ని కొనసాగించాలి. అయితే కొన్ని పార్టీలు ఈ మానిఫెస్టోలను పట్టించుకోవు. మరికొన్ని పార్టీలు ఎలక్షన్ మానిఫెస్టోను తు.చ తప్పకుండా పాటిస్తాయి. నల్లధనం వెలికివస్తుందో లేదో తెలియదు కానీ ఇప్పుడైతే పేదలు, మధ్యతరగతి ప్రజలు అనేక ఇక్కట్లకు గురవుతున్నారు. దినసరి కూలీలకు పనులు లభించడంలేదు. ఉద్యోగులు తమ బ్యాంకు ఖాతాల్లో డబ్బు ఉన్నప్పటికీ వినియోగించుకోలేకపోతున్నారు. ఒక దుకాణదారుడిని దినసరి సరకులు ఉద్దెరపై ఇవ్వాలని తెలిసిన వారంతా అడిగి తీసుకువెళుతున్నారు. దాంతో దుకాణాల్లో సరకులు అయిపోతున్నప్పటికీ, నగదుమాత్రం రావడం లేదు. ఇలాఉండగా పేదలు, మధ్యతరగతి జనం పెళ్లిల్లు ఇతర కార్యక్రమాలను సైతం వాయిదా వేసుకోవాల్సిన పరిస్థితి ఏర్పడింది. ఒక్కమాటలో చెప్పాలంటే ప్రభుత్వ నిర్ణయంవల్ల సామాన్యులు, మధ్యతరగతి ప్రజలు కష్టపడుతుండగా, పన్నుల రూపంలో ప్రభుత్వానికి రావలసిన ఆదాయానికి గండిపడుతోంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.