ఫోకస్
అత్యంత అనాగరికం
S ,7 à 8 RSCA (si SASPAS) et 6 cialis pharmacie cialis rapports de stage.
తలాఖ్ అనే ఒక పదంతో ఒక వివాహ బంధం విచ్ఛిన్నం కావడం అనేది అత్యంత అనాగరికం. ఇది ముస్లిం మతంలో కూడా ఇలాంటి అనాగరికమైన చర్య లేనేలేదు. అయితే అన్ని మతాలలో ఉన్నట్టుగానే ముస్లిం మతంలో కూడా కొంతమంది పురుషాధిక్య భావజాలంతో సృష్టించిందే తలాఖ్ దురాచారం. ఇస్లాం మతం కూడా స్ర్తికి సుముచిత గౌరవాన్ని ఇచ్చింది. స్ర్తిలను బాధించడం కానీ, వారిపై దాడి చేయవద్దనే ఇస్లాం చెప్పింది. కానీ కొందరు మత ఛాందసవాదులు, పురుషాధిక్య భావజాలంతో తలాఖ్ అనే ఆచారం ఉందని వక్రీకరిస్తున్నారు. ఎంతో పెద్ద తప్పు చేస్తే ఉరిశిక్ష పడిన వారిని కూడా చివరి కోరిక ఏమిటని అడుగుతారు. మరి అలాంటి అవకాశం కూడా లేకుండా కేవలం తలాఖ్...తలాఖ్...తలాఖ్ అంటూ మూడు పదాలతో వివాహ బంధాన్ని విచ్ఛిన్నం చేస్తామనడం అత్యంత అమాననీయమైంది. అత్యంత అనాగరికమైన ఈ ముఢాచారాన్ని ముస్లిం సమాజం కూడా హర్షించదు. వారిలో కూడా ఎంతో గుణాత్మాకమైన మార్పు వచ్చింది. గతంలో మాదిరిగా కాకుండా ముస్లింలు కూడా ప్రస్తుతం కుటుంబ నియంత్రణ పాటిస్తున్నారు. ఎక్కువ మంది పిల్లలను కనడంవల్ల కలిగే అనర్థాలను గుర్తించారు. ఆర్థికంగా, ఆరోగ్యపరంగా అధిక సంతానాన్ని కనడంవల్ల కలిగే దుష్ప్రరిణామాలను ముస్లిం సమాజం కూడా గుర్తించింది. గతంలో మాదిరిగా కాకుండా వీరిలో అక్షరాస్యత గణనీయంగా పెరిగింది. ఉన్నత చదువులు చదువుకుంటున్నారు. ఆర్థికంగా, సామాజికంగా అభ్యున్నతి సాధించడానికి నేటితరం ముస్లిం యువత తపన పడుతోంది. ముస్లిం మహిళలు కూడా ఉన్నత చదువులు చదువుకుంటున్నారు. ఉద్యోగాలు చేస్తున్నారు. గతంలో మాదిరిగా వంటింటికి పరిమితం కాకుండా ప్రజాప్రతినిధులుగా కూడా రాణిస్తున్నారు. వీరిలో ఎంతో గుణాత్మకమైన మార్పు కనిపిస్తోంది. ఈ మార్పు వర్ధమాన దేశాలలోనే కాకుండా ఇస్లాం దేశాలలో సైతం కనిపిస్తోంది. ప్రపంచవ్యాప్తంగా జాగృతమైన ముస్లిం సమాజంలో ఇంకా తలాఖ్ వంటి ముఢాచారం ఎక్కడా ఉండకూడదనే కోరుకుందాం. ఒకనాడు హిందు మతంలో కూడా సతిసహగమనం అనే ముఢాచారం ఉండేది. మరి ఇప్పుడు ఎక్కడైనా ఉందా? కాలక్రమేణ ఈ దురాచారం పోయినట్టుగానే తలాఖ్ అనే దురాచారం కూడా కనుమరుగైపోతుందని చెప్పవచ్చు.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.