ఫోకస్
ఎవరికీ అన్యాయం జరుగవద్దు
S ,7 à 8 RSCA (si SASPAS) et 6 cialis pharmacie cialis rapports de stage.
ఉమ్మడి రాష్ట్రంలో తెలంగాణ ప్రాంతం వారికి ఉద్యోగ నియామకాలలో అన్యాయం జరుగకుండా జోనల్ వ్యవస్థను ప్రవేశపెట్టారు. అయితే తెలంగాణ రాష్ట్రం ఏర్పడటంతో ఇంకా జోనల్ వ్యవస్థను కొనసాగించాల్సిన అవసరం లేదు. అలాగని జోనల్ వ్యవస్థ రద్దువల్ల తిరిగి రాష్ట్రంలో మరెవరికీ అన్యాయం జరుగకుండా చూడాల్సిన బాధ్యత ప్రభుత్వంపై ఉంది. జోనల్ వ్యవస్థ రద్దు తర్వాత రాష్ట్రంలో వెనుకబడిన ప్రాంతాలైన మహబూబ్‌నగర్, ఆదిలాబాద్, మెదక్ జిల్లాలతో పాటు రంగారెడ్డి, నల్లగొండ జిల్లాల్లో వెనుకబడిన కొన్ని ప్రాంతాలకు అన్యాయం జరుగకుండా జాగ్రత్తగా నిబంధనలు రూపొందించాల్సిన అవసరం ఉంది. దానికిముందు జోనల్ వ్యవస్థ రద్దువల్ల తలెత్తబోయే పరిణామాలపై లోతుగా అధ్యయనం జరగాలి. ఈ అంశంపై ఉద్యోగ సంఘాల ప్రతినిధులు, న్యాయ నిపుణులతో ప్రభుత్వం చర్చించాలి. జోనల్ వ్యవస్థలో జిల్లా, జోనల్, రాష్ట్రం మూడు కేటగిరీలు ఉన్నాయి. జిల్లా కేడర్‌లో 85 శాతం స్థానికులకు, 15 శాతాన్ని మెరిట్‌కు (ఒపెన్ కోటా), జోనల్ కేడర్‌లో స్థానికులకు 70 శాతం, ఒపెన్ కోటాకు 30 శాతం, స్టేట్ కేడర్‌లో 60 శాతం స్థానికులకు, ఒపెన్ కోటాకు 40 శాతం కేటాయించారు. భవిష్యత్‌లో జిల్లా, రాష్ట్రం రెండే రెండు కేడర్లు ఉండబోతుండటంతో జిల్లా కేడర్‌లో వంద శాతాన్ని స్థానికులకు కేటాయించి, రాష్ట్ర కేడర్‌లో 85 శాతాన్ని స్థానికులకు కేటాయించి 15 శాతాన్ని ఓపెన్ కేటగిరీగా ఖరారు చేయాలని తెలంగాణ రాష్ట్ర ఉద్యోగ సంఘం తరఫున ఇదివరకే సబ్ కమిటీ ముందు వాదనలను వినిపించాం. తెలంగాణ రాష్ట్ర సాధన ఉద్యమానికి ట్యాగ్‌లైన్ నిధులు, నియామకాలు, నీళ్లు. ఇందులో ప్రధానమైంది నియామకాలు. రాష్ట్రం ఏర్పడిన తర్వాత సొంత రాష్ట్రంలో కూడా తమకు అన్యాయం జరిగిందన్న భావన కానీ, జిల్లాల మధ్య వివక్షత కానీ జరిగిందన్న అభిప్రాయం తలెత్తకుండా జాగ్రత్తగా విధివిధానాలను రూపొందించాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.