ఫోకస్
విద్యార్థులతో చెలగాటం వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ రాష్ట్ర సమితి అధికారంలోకి వచ్చిన తర్వాతే ఎంట్రన్స్ పరీక్షల్లో తప్పులు దొర్లుతున్నాయి. గందరగోళ పరిస్థితులు నెలకొని మెరిట్ విద్యార్థులు నష్టపోతున్నారు. పరీక్షల నిర్వహణలో తరచూ గందరగోళం నెలకొనడం, ఆ ఎంట్రన్స్‌లు వాయిదాలు పడుతుండడంతో మెరిట్ విద్యార్థులు మానసికంగా కృంగిపోతున్నారు. ఇందుకు కారణం ప్రభుత్వ వైఫల్యమే. ప్రభుత్వానికి చిత్తశుద్ధి ఉంటే పొరపాట్లు జరగవు, తప్పలు దొర్లవు. తప్పులు జరిగినప్పుడు వాటిని సరి చేసుకునే ప్రయత్నం చేయకుండా కప్పిపుచ్చుకునే ప్రయత్నం చేస్తున్నారు. ఎక్కడైనా పొరపాటు జరగవచ్చు. లోగడ జరిగిన వాటిని అనుభవంలోకి తీసుకుని భవిష్యత్తులో అటువంటివి జరగకుండా చూసుకోవాలి. కానీ తమ తప్పును ఒప్పుకోకుండా, కప్పిపుచ్చుకునే ప్రయత్నం చేస్తున్నారు. పొరపాటు జరిగిందని, దీనిని సరి చేసుకుంటామని, భవిష్యత్తులో జరగకుండా చూసుకుంటామని చెబితే హుందాగా ఉంటుందన్న విషయాన్ని ఈ ప్రభుత్వం గమనించడం లేదు. అలాగే సంబంధిత మంత్రి సక్రమంగా సమీక్షించడం లేదనేది స్పష్టమవుతున్నది. ప్రశ్నా పత్రం తయారీ మొదలుకుని ముద్రణ, పరీక్ష నిర్వహణ, కరెక్షన్, ఫలితాల వెల్లడయ్యేంత వరకూ అప్రమత్తంగా ఉండాలి. కానీ సంబంధిత మంత్రి బ్యూరోక్రాట్లపై ఆధారపడడం వల్లే అనర్థాలు జరుగుతున్నాయి. మంత్రి జాగ్రత్తగా ఉంటే ఇబ్బందులు ఉండవు. గందరగోళం జరగదు. గత ఏడాది విద్యా సంవత్సరం ప్రారంభానికి ముందు నిర్వహించిన ఎంట్రెన్స్‌ల్లో గందరగోళం జరిగింది. వచ్చే విద్యా సంవత్సరానికైనా ప్రభుత్వం గత అనుభవాలను దృష్టిలో పెట్టుకుని సరైన జాగ్రత్తలు తీసుకోవాలి. విద్యార్థుల జీవితాలతో చెలగాటం మంచిది కాదు. ప్రతి ఏడాది తప్పని సరిగా నిర్వహించాల్సి ఉన్న ఎంసెట్, లాసెట్ వంటి ఎంట్రన్స్‌లనే ప్రభుత్వం నిర్వహిస్తున్నదే తప్ప డిఎస్‌సి, పబ్లిక్ సర్వీసు కమిషన్ పరీక్షలు నిర్వహించకుండా కాలాయాపన చేస్తున్నది. దీంతో నిరుద్యోగుల్లో నిరాశా పెరుగుతోంది. కాబట్టి ఆ దిశగా కూడా ప్రభుత్వం ఆలోచన చేయాలి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.