ఫోకస్
రాజ్యాంగ విరుద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
మైనార్టీలకు 12 శాతం రిజర్వేషన్లు కల్పించబోతున్నట్టు ముఖ్యమంత్రి కె చంద్రశేఖర్‌రావు ప్రకటించడం రాజ్యాంగ సూత్రాలకు విరుద్ధం. ఈ దేశంలో రిజర్వేషన్లు ఏ వర్గాలకు ఉండాలో రాజ్యాంగంలోనే అంబేద్కర్ ఖరారు చేశారు. సామాజికంగా, ఆర్థికంగా వెనుకబాటుతనంతో ఉన్న వర్గాలకు విద్యా, ఉద్యోగాలలోపాటు చట్టసభలకు కూడా రిజర్వేషన్లు అమలు జరుగుతున్నాయి. ఎస్సీ, ఎస్టీ, ఒబిసిలకు జాతీయస్థాయిలో, రిజర్వేషన్లు అమలు జరుగుతున్నాయి. రాష్టస్థ్రాయిలో బిసి, ఇబిసిలకు రిజర్వేషన్లు అమలవుతున్నాయి. ఎస్సీ, ఎస్టీ, బిసి వర్గాలు కాకుండా ఇతర సామాజిక వర్గాలలో ఆర్థికంగా వెనుకబడిన వర్గాలకు ఎకనామికల్ బ్యాక్ వర్డ్ క్లాస్ (ఇబిసి) రిజర్వేషన్లు అమలు జరుగుతున్నాయి. ఇబిసి కేటగిరిలో ఆర్థికంగా వెనుకబడిన వారు వ్యక్తిగతంగా అర్హులు. దీనికి ఆర్థికంగా వెనుకబడినవారు ఎవరైనా అర్హులే. ఈ కేటగిరిలో మైనార్టీలు కూడా లబ్ధిపొందే అవకాశం ఉండగా తిరిగి మైనార్టీ రిజర్వేషన్లంటూ కొత్తగా మరొక వర్గాన్ని సృష్టించడం సహేతుకం కాదు. అదికూడా మతపరమైన రిజర్వేషన్లు విధించడం వాంఛనీయం కాదు. ఈ చర్య మత విద్వేషాలను రెచ్చగొట్టినట్టు అవుతుంది. లౌకిక దేశంలో మతపరమైన రిజర్వేషన్లు పెట్టడం రాజ్యాంగ విరుద్ధం. ఇలాంటి రిజర్వేషన్లను న్యాయస్థానాలు తప్పుబట్టి కొట్టివేశాయి కూడా. అయినప్పటికీ మళ్లీ అదే రకమైన రిజర్వేషన్లు ఇవ్వాలని ప్రభుత్వం నిర్ణయించటం కేవలం ఓట్ల రాజకీయమే. మతపరమైన రిజర్వేషన్లు చెల్లుబాటు కావని తెలిసి కూడా తిరిగి మైనార్టీలకు రిజర్వేషన్లు ఇస్తామనడం ఆ వర్గాలను మోసం చేయడమే తప్ప మరొటి కాదు. ఎస్సీ, ఎస్టీ, బిసి రిజర్వేషన్లు రాష్టస్థ్రాయిలో 50 శాతానికి మించకూడదన్న నిబంధన ఉంది. అలాంటప్పుడు ప్రస్తుతం ఉన్న 50 శాతంలోనే మైనార్టీలకు రిజర్వేషన్లు కల్పించడం ఎలా సాధ్యవౌతుంది. ప్రస్తుతం రిజర్వేషన్లలో కోత పెడితే తప్ప కొత్తగా మరెవ్వరికీ అవకాశం కల్పించడం సాధ్యపడదు. ప్రస్తుతం పొందుతున్న రిజర్వేషన్లలో కోత పెట్టడం వల్ల కొత్త సమస్యలను సృష్టించడం తప్ప మరొటి కాదు.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.