ఫోకస్
నిష్పక్షపాతంగా వ్యవహరించాలి
S ,7 à 8 RSCA (si SASPAS) et 6 cialis pharmacie cialis rapports de stage.
ఏమైనా విపత్కర పరిస్థితుల్లో రాజ్యాంగ సంక్షోభం ఏర్పడినపుడు లేదా ప్రజాస్వామ్యానికి ప్రమాదస్థాయిలో విఘాతం కలిగే సందర్భాల్లో రాష్ట్ర గవర్నర్ నిష్పక్షపాతంగా వ్యవహరించి సాధ్యమైనంత త్వరితగతిన సాధారణ పరిస్థితులు నెలకొనేలా చూడాల్సి ఉంది. అపుడే ప్రజాస్వామ్యం పదికాలాలపాటు వర్థిల్లుతుంది. సాధారణంగా నాయకత్వ మార్పిడి దశలోనే వివాదాలు రచ్చకెక్కుతుండటం ఎంతోకాలంగా చూస్తున్నాం. ఆ సమయాల్లోనే గవర్నర్ల పాత్ర ఎంతో కీలకమైంది. ఆ సమయంలో కేంద్ర ప్రభుత్వానికి తలొగ్గితే మరింత ప్రమాదం ముంచుకొస్తుంది. సిఎం పదవిని ఆశించే వారికి ఏ స్థాయిలో మద్దతు ఉన్నదో స్వయంగా గుర్తించే ప్రయత్నం చేయాలి. ఆ తర్వాతే ఆ మెజార్టీ సభ్యులు ఎన్నుకున్న వ్యక్తి ముఖ్యమంత్రి పదవి నధిరోహించేందుకు అనుమతించాలి. ఒక్కసారి శాసనసభలోఉన్న మొత్తం సభ్యుల సంఖ్యలో 50 శాతం దాటి హాజరయినప్పుడు మెజారిటీ ఉంటే సమస్య ఉండదు. కానీ లేనపుడు తక్షణం శాసనసభను సమావేశపరచి బలపరీక్షకు సిద్ధమైతే అటో ఇటో తేలుతుంది. తమిళనాడులో ముఖ్యమంత్రి సెల్వం రాజీనామా చేసిన తర్వాత అధికారపక్ష లెజిస్లేచర్ పార్టీనుంచి లేఖ అందిన వెంటనే ఆలస్యం చేయకుండా సభను సమావేశపరిచి ఉంటే బాగుండేది. ఆ తర్వాత ఎటువంటి పరిణామాలు జరుగుతాయో ముందుగా ఎవరైనా ఊహించగలరా? ఆంధ్రప్రదేశ్ విషయానికి వస్తే 1983నాటి గవర్నర్ రాంలాల్ కేంద్రం మాటవిని బలపరీక్ష లేకుండానే నాదెండ్ల భాస్కరరావు చేత ముఖ్యమంత్రిగా ప్రమాణం చేయించారు. ఆ తర్వాత జరిగిన పరిణామాల్లో ప్రధాని ఇందిరాగాంధీ దిగివచ్చి మళ్లీ ఎన్టీఆర్‌కు పగ్గాలు అప్పగించి రాంలాల్‌ను తొలగించడం జరిగింది. అసలు ఆమె చరిత్రలో ఒక నిర్ణయాన్ని వెనక్కి తీసుకోవటం కూడా ఇదే ప్రథమం
-వడ్డే శోభనాద్రీశ్వరరావు
మాజీ పార్లమెంటు సభ్యులు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.