ఫోకస్
రాష్ట్రం వచ్చినా మారని పరిస్థితి
S ,7 à 8 RSCA (si SASPAS) et 6 cialis pharmacie cialis rapports de stage.
ప్రభుత్వ పాఠశాలల పరిస్థితి దయనీయంగా ఉంది. పేద పిల్లలకు విద్య అందనంత దూరంగా ఉంది. ప్రభుత్వ పాఠశాలలు అనేకం కూలిపోయే విధంగా ఉన్నాయి. వాన వస్తే పాఠశాలలకు సెలవు ప్రకటించాల్సి వస్తున్నది. ఎన్నికల ముందు కొన్ని కార్పొరేట్ విద్యా సంస్థలపై తెలంగాణ రాష్ట్ర సమితి అగ్రహం వ్యక్తం చేసింది. తెలంగాణ బిడ్డలను దోపిడీ చేస్తున్నారని, తెలంగాణ వచ్చిన తర్వాత ఆ విద్యా సంస్థలు మూతపడతాయని, యజమాన్యాలు పలాయనం చిత్తగించాల్సి వస్తుందని, అధికంగా ఫీజులు వసూలు చేస్తే కఠిన చర్యలు తీసుకుంటామని టిఆర్‌ఎస్ నాయకులు బీరాలు పలికారు. తెలంగాణ రాష్ట్రం ఏర్పాటైన తర్వాత కూడా కార్పొరేట్ విద్యా సంస్థలు అడ్డూఅదుపూ లేకుండా ఫీజులు బాదుతున్నాయి. టిఆర్‌ఎస్ అధికారం చేపట్టిన తర్వాత ఏ ఒక్క విద్యా సంస్థపైనా చర్య తీసుకోలేదు. కార్పొరేట్ స్కూళ్ల యాజమాన్యాల పెత్తనం కొనసాగుతూనే ఉన్నది.
పేదలకు విద్యనందించాలని, ప్రభుత్వ పాఠశాలల స్థితిగతులను మార్చాలన్న ధ్యాసే రాష్ట్ర ప్రభుత్వానికి లేకుండాపోయింది. కాంగ్రెస్ అధికారంలో ఉన్నప్పుడు పేద విద్యార్థులకు ఉచితంగా పుస్తకాలు, దుస్తుల పంపిణీ, మధ్యాహ్న భోజన పథకం, ఆరోగ్యంగా ఉండేందుకు పౌష్టికాహారాన్ని ఇవ్వడం ప్రారంభించడం జరిగింది. పాత భవనాలను ఖాళీ చేయించి కొత్త భవనాల్లోకి పాఠశాలలను మార్చడం, కొన్ని భవనాలకు మరమ్మత్తులు చేయించడం వంటి చర్యలు తీసుకోవడం జరిగింది. కొత్త భవనాల నిర్మాణం కూడా చేయడం జరిగింది. తల్లిదండ్రులు తమ పిల్లల్ని ప్రభుత్వ పాఠశాలల్లో చేర్పించేందుకు పోటీపడే రోజులు రావాలి. ప్రైవేటు విద్యా సంస్థలు ఇష్టారాజ్యంగా ఫీజులు వసూలు చేయకుండా నియంత్రించేందుకు చర్యలు తీసుకుంటామని అసెంబ్లీలో ప్రభుత్వం ప్రకటించినా, అవి నీటిమూటలే అవుతున్నాయి. ఇది చేతల ప్రభుత్వం కాదు మాటల ప్రభుత్వం అనేది స్పష్టమవుతోంది. రాజ్యాంగంలో పేర్కొన్నట్లు విద్యా హక్కు (రైట్ టు ఎడ్యుకేషన్)ను అందరికీ కల్పించాలి. ట్రాఫిక్ సిగ్నల్స్‌ద్వారా మైనర్ బాలబాలికలు కార్ల అద్దాలు తుడిచి డబ్బులు అడుక్కోవడం, ఆకలి అవుతున్నదని కడుపు చూపించడం చూస్తుంటే గుండె తరుక్కుపోతుంది. ఈ పరిస్థితులు ఎప్పుడు మారుతాయి? పాఠశాలలకు వెళ్ళే వయస్సులో అడుక్కుంటుంటే చర్యలు తీసుకోని, తీసుకోలేని ప్రభుత్వం ఏమని సమాధానం చెబుతుంది. ముఖ్యమంత్రి కె. చంద్రశేఖర్ రావు చెప్పే బంగారు తెలంగాణ ఎప్పుడు వస్తుంది?
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.