ఫోకస్
ఖాళీలు భర్తీచేయకుంటే ఉద్యమాలు తప్పవు
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ రాష్ట్రం ఏర్పడి 33 నెలలు కావస్తున్నా సుమారు 30 లక్షల మంది నిరుద్యోగులు ఉద్యోగాలు లేక దీనావస్థలో మగ్గుతున్నారు. ఇందుకోసం ఎబివిపి ఆధ్వర్యంలో రాజకీయేతర ఉద్యమానికి పిలుపునిస్తున్నాం. రాష్ట్రంలో 25,125 పాఠశాలల్లో 16వేల ఉపాధ్యాయ పోస్టులు ఖాళీగా ఉన్నాయి. 130 డిగ్రీ కాలేజీల్లో 1300 అధ్యాపకుల పోస్టులు, 4400 జూనియర్ లెక్చరర్ల పోస్టులు, 15 విశ్వవిద్యాలయాల్లో 2210 అధ్యాపక పోస్టులు ఖాళీగా ఉన్నాయని ప్రభుత్వమే లెక్కలు చెబుతోంది. గతంలో ఎబివిపి అనేక ఉద్యమాలు చేపట్టి ప్రభుత్వానికి నిరుద్యోగ గోస వినిపించినా, ప్రయోజనం లేకపోవడంతో తాజాగా నిరుద్యోగులను ఏక త్రాటిపైకి తీసుకువచ్చి పెద్దఎత్తున ఉద్యమాలు చేయాలని యోచిస్తోంది. రాష్ట్రంలో ఉపాధ్యాయ, అధ్యాపక పోస్టుల ఖాళీలతో విద్యావ్యవస్థ భ్రస్టుపట్టింది. ‘సేవ్ ఎడ్యుకేషన్-సేవ్ తెలంగాణ’ పేరుతో నిరుద్యోగులను ఏకీకరణ చేస్తున్నాం, ఇందుకోసం అంతా సన్నద్ధం కావాలి, ప్రైవేటు స్కూళ్లలో 5 లక్షల మంది ఉపాధ్యాయ అధ్యాపకులు వెట్టి చాకిరీ చేస్తూ నోటిఫికేషన్లకోసం వెయ్యి కళ్లతో ఎదురుచూస్తున్నారు. నిండు అసెంబ్లీలోనే లక్షా ఏడు వేల ఖాళీలు ఉన్నాయని ముఖ్యమంత్రి చెప్పారు. అధికారం చేపట్టి రెండున్నర సంవత్సరాలు కావస్తున్నా దానిపై ఎందుకు మాట్లాడటం లేదు? మాటల గారడీతో మాయ మాటలు చెప్పి నిరుద్యోగులను మోసం చేస్తున్నారు. రాష్ట్రంలో 10మంది వైస్ ఛాన్సలర్లను నియమించడానికి మూడేళ్ల సమయం పట్టింది. రెండు లక్షల ఉద్యోగాల భర్తీకి ఎన్ని సంవత్సరాలు తీసుకుంటారో అర్థం కావడం లేదు. ఉస్మానియాలో 700 పోస్టులు, జెఎన్‌టియులో 200 ఖాళీలను భర్తీ చేయాల్సి వుంది. పాలమూరులో 200 పోస్టులకు 12 మందితో చదువు చెప్పిస్తున్నారు. అదెలా సాగుతుందో ముఖ్యమంత్రికే తెలియాలి. ఈ మధ్య గురుకుల ఉపాధ్యాయ నియామకాలపై సాధ్యం కాని విధంగా తప్పుడు ప్రకటన ఇచ్చి, కావాలనే నోటిఫికేషన్‌ను వెనక్కు తీసుకున్నారు. ఈ ప్రభుత్వానికి ఉద్యోగాలు ఇచ్చే ఉద్దేశం లేదు. ఈ అసెంబ్లీ సమావేశాల్లోనైనా ఉద్యోగ ప్రకటన చేసి నిరుద్యోగ జీవితాలను కాపాడాలి. గతంలో సమైక్య రాష్ట్రంలో ఉన్న ప్రభుత్వాలను సైతం అవినీతి కారణంగా గద్దె దించిన అనుభవాలను కెసిఆర్ గుర్తుంచుకోవాలి. రానున్న రోజుల్లో ఉద్యోగాల భర్తీకి కార్యాచరణ రూపొందించాం. దాని ప్రకారం మార్చి 4న స్థానిక శాసనసభ్యులకు, ఫ్లోర్ లీడర్లకు వినతి పత్రాలు అందిస్తాం, మార్చి 6, 7 తేదీల్లో అన్ని యూనివర్శిటీల్లో సదస్సులు నిర్వహిస్తాం, మార్చి 10వ తేదీన అన్ని శాఖల్లో భారీ ఎత్తున నిరసన కార్యక్రమాలు నిర్వహిస్తాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.