ఫోకస్
చదువుల కేంద్రాలకు చెదలు!
S ,7 à 8 RSCA (si SASPAS) et 6 cialis pharmacie cialis rapports de stage.
చదువులకు, పరిశోధనలకు, నైపుణ్యాలకు, వికాసానికి కేంద్రం ఉన్నత విద్యాసంస్థలు. ప్రతి యువకుడి విద్యాభ్యాసంలో చివరి మజిలీ కూడా అక్కడే. జీవితంలో తన లక్ష్యాలను చేరుకునేందుకు అవసరమైన ఉన్నత చదువులను అక్కడ పూర్తి చేసి, అత్యుత్తమ విలువలతో మంచి వ్యక్తిత్వంతో సమాజంలో అడుగుపెట్టేందుకు గొప్ప వేదిక విశ్వవిద్యాలయాలు. అలాంటి విశ్వవిద్యాలయాలు తొలుత రాజకీయాలతో మేళవించుకోగా, నేడు మరో అడుగు ముందుకు వేసి తీవ్రవాదం, ఉగ్రవాదం, విచ్ఛిన్నకరవాదాలకు వేదికలుగా మారుతున్నాయి. రాజకీయాలు చేసుకునేందుకు రాజకీయ పార్టీలు ఉండనే ఉన్నాయి. ఒక్కో పార్టీ ఒక్కో విధి విధానాలు, సిద్ధాంతాలతో పనిచేస్తున్నాయి. రాజకీయ అవగాహనకు విశ్వవిద్యాలయాలు కేంద్రాలుగా ఉండాలే తప్ప మొత్తం వర్శిటీలే రాజకీయాలుగా మారితే వచ్చే సమస్యలు ఏమిటో ఈ మధ్య పలు ఉన్నత విద్యా సంస్థల్లో జరిగిన ఘటనలు చూస్తే అర్థమవుతుంది. జెఎన్‌యులోనూ, తాజాగా రాంజాస్ విద్యాసంస్థలోనూ వివాదాల సారూప్యం ఒక్కటే. తప్పు చేసిన వారిని తప్పు చేస్తున్నావు అని చెప్పడమే తప్పు అవుతుందా? అనేది ఆలోచించుకోవాల్సిన సమయం ఆసన్నమైంది. తప్పు అంటే ఏది? ఈ దేశంలో ఫలానాది తప్పు, ఫలానాది రైటు అని నిర్ణయించేది ఎవరు? ఒకవేళ ప్రశ్నించగానే వారినుండి వచ్చే సమాధానం భావప్రకటనా స్వేచ్ఛను హరిస్తున్నారనే గగ్గోలు. అసలు భావప్రకటనా స్వేచ్ఛ అంటే ఏమిటి? దాని పరిమితులు ఏమిటి? చట్ట ప్రకారం ఉన్న పరిమితులు, సామాజిక పరిమితులు ఏమిటి? ఇవన్నీ చర్చనీయాంశాలు. భావ ప్రకటనా స్వేచ్ఛను దుర్వినియోగం చేస్తున్న వారిని ఎవరు శిక్షించాలి? రాంజాస్ కాలేజీలో జరిగింది ఏమిటి? అక్కడ జరుగుతున్న సాహిత్య సదస్సుకు దేశద్రోహం కింద కేసులు ఎదుర్కొంటున్న జెఎన్‌యు విద్యార్థి ఉమర్ ఖలీద్, షెహ్లా రషీద్ సహా కొంతమంది విద్యార్థులను ఆహ్వానించడమే. పేరుకు అది సాహిత్య సదస్సు అయినా అక్కడ జరగబోయేది ఏమిటి? ఈ విషయాలను గుర్తించిన మరో విద్యార్థి సంఘం విద్యాసంస్థ నిర్వాహకులను నిలదీసింది. జాతి వ్యతిరేక శక్తులతో మిలాఖత్ అయినట్టు ఆరోపణులున్న వ్యక్తిని సెమినార్‌కు ఎలా పిలుస్తారని వారంతా గళం ఎత్తారు. ఆందోళన చేశారు. ఆ క్రమం హింసకు దారితీసింది. తర్వాత చూస్తే రాంజాస్ కాలేజీలో వివాదాలకు కారణమైన ఆ సాహిత్య సదస్సు జరగనే లేదు. కాని జరగాల్సిన నష్టం మాత్రం జరిగిపోయింది. స్వేచ్ఛ పేరిట ఒక వర్గం, జాతీయవాదం పేరిట మరోవర్గం బాహాబాహీలకు దిగడం ఎంతవరకూ సమంజసం. ఇలాంటి చర్చకు బహిరంగ వేదికలు ఎపుడూ ఉంటాయి, కాని ఎన్నో లక్ష్యాలతో వచ్చే విద్యార్థులు చదువుకునే కేంద్రాల్లో ఈ బాహాబాహీ అవసరమా? దీనివల్ల లాభం కొద్దిమందికే కాని నష్టం చాలా ఎక్కువ మందికి జరుగుతోంది అని గ్రహించలేని స్థితిలో వీరంతా ఉన్నారా...?? ఈ అంశంపై కొంతమంది ప్రముఖుల అభిప్రాయాలే ఈ వారం ఫోకస్.
chitram...
ఎఐఎస్‌ఏ, జెఎన్‌యు విద్యార్థులకు వ్యతిరేకంగా ఢిల్లీ యూనివర్సిటీలో ఎబివిపి నిర్వహించిన ధర్నా (ఫైల్ ఫోటో)
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.