ఫోకస్
ప్రభుత్వ విధానాలే రైతుకు శాపం
S ,7 à 8 RSCA (si SASPAS) et 6 cialis pharmacie cialis rapports de stage.
ప్రభుత్వాలు అనుసరిస్తున్న విధానాలే రైతులను నిలువునా ముంచుతున్నాయి. ఆరుగాలం శ్రమించే రైతు, అర్ధాకలితో అలమటిస్తున్నా, అర్ధాంతపు చావులకు పాల్పడుతున్నా, అవి ఖచ్చితంగా ప్రభుత్వ హత్యలుగానే భావించాలి. ప్రకృతి వైపరీత్యాలు, కరవు కాటకాలను ధైర్యంగా ఎదిరించి, పండించిన పంటను మార్కెట్‌కు తీసుకెళ్తే కనీస గిట్టుబాటు ధర లభించని పరిస్థితి. వ్యవసాయం నిమిత్తం చేసిన అప్పులు తీర్చలేక, కొత్తగా అప్పులు పుట్టక రైతు బలవన్మరణానికి పాల్పడుతున్నాడు. దీనికి ఎవరు బాధ్యత వహించాలి. రైతు రుణమాఫీ పేరిట ప్రభుత్వం లక్షలాది మంది రైతులను నిలువునా మోసగించింది. తీసుకున్న అప్పులు తీర్చలేదని బ్యాంకులు కొత్తగా అప్పులు ఇచ్చేందుకు నిరాకరిస్తున్న పరిస్థితి ప్రస్తుతం నవ్యాంధ్రలో నెలకొంది.
ప్రభుత్వం మాత్రం రైతు రుణమాఫీ తమ ఘనతగా ప్రచారం చేసుకుంటోంది. రుణమాఫీ జరిగితే బ్యాంకులు రైతులకు ఎందుకు కొత్త అప్పులు ఇవ్వట్లేదు. ఈ అంశంపై ప్రభుత్వం ఎప్పుడైనా స్పందించిందా! రైతులకు చెల్లించామంటున్న ఇన్‌పుట్ సబ్సిడీలు సకాలంలో అందుతున్నాయా! ఇలా సవాలక్ష సమస్యలతో రైతు సతమతం అవుతుంటే ప్రభుత్వాలు మాత్రం రైతు పక్షపాతిగా ప్రచారం చేసుకోవడం దారుణం. రాష్ట్రంలో రైతుల పరిస్థితి ఎంత దారుణంగా ఉందంటే తాజాగా మిర్చి రైతు తాను పండించిన పంటకు గిట్టుబాటు ధర తెచ్చుకోలేక కుదేలవుతున్నాడు. పత్తి, చెరకు రైతు పరిస్థితి దీనికి భిన్నంగా ఏమీ లేదు. రైతుకు గిట్టుబాటు ధర కల్పించడంలో ప్రభుత్వాలు విఫలమవుతుంటే విపక్షాలు మాత్రం అది తమ పనికానట్టే వ్యవహరించడం బాధాకరం.
రాజకీయ మైలేజ్ అంశాలను ప్రాధాన్యత ఇస్తున్న విపక్షాలు రైతుకు గిట్టుబాటు ధర కల్పించే విషయంలో ప్రభుత్వాలపై ఒత్తిడి తెచ్చేందుకు ఎందుకు ఉద్యమించట్లేదో అర్ధం కాని విషయం. నవ్యాంధ్ర విషయానికొస్తే ఇక్కడ ప్రభుత్వం ప్రచార ఆర్భాటాలకు కోట్లాది రూపాయలు వెచ్చిస్తూ రైతును ఆదుకునే విషయంలో మాత్రం మీనమేషాలు లెక్కిస్తోంది. అసెంబ్లీ వేదికగా రైతు రుణమాఫీ, రైతు ఆత్మహత్యలపై చర్చించకుండా, అధికార, విపక్షాలు ఒకరినొకరు విమర్శించుకుంటూ సభా కాలాన్ని వృధా చేశారు. ఇది ప్రజాస్వామ్య వ్యవస్థకే గొడ్డలిపెట్టు. రైతే దేశానికి వెనె్నముకగా చెప్పుకునే దేశంలో రైతు సంక్షేమం కోసం క్షణమైనా ఆలోచించి, ఆత్మహత్యల బారిన పడకుండా, వారికి మనోధైర్యాన్నిచ్చే నిర్ణయాలు తీసుకోవాల్సిన బాధ్యత ప్రభుత్వాలపై ఉంది. రైతును రాజును చేసే చర్యలే ప్రభుత్వ చిత్తశుద్ధిని చాటుతాయని పాలకులు గుర్తుంచుకుంటే రైతు రాజ్యం వచ్చినట్టే.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.