ఫోకస్
అక్రమాలకు అవకాశం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఇవిఎంల వినియోగంలో అక్రమాలు జరిగే అవకాశం లేదు. సాధారణ ఎన్నికలైనా, స్థానిక సంస్థల ఎన్నికలైనా, ఉపఎన్నికలైనా.. ఇలా ఏ ఎన్నికలైనా సరే.. పోలింగ్‌కోసం మనం ఇవిఎంలను వాడుతున్నాం. తాజాగా ఇవిఎంల వినియోగంలో కొన్ని మార్పులు వచ్చాయి. పోలింగ్ సందర్భంగా ఓటరు ఎవరికి ఓటు వేశారో తెలుసుకునేందుకు ఇవిఎంతోపాటు వివిప్యాట్ (ఓటర్ వెరిఫైడ్ పేపర్ ఆడిట్ ట్రేల్) పరికరాన్ని బిగించాల్సి ఉంటుంది. వివిప్యాట్‌లు బిగించడంవల్ల ఓటర్ ఎవరికి ఓటు వేశారో తెరపై కనబడుతుంది (డిస్‌ప్లే). అవసరమైతే ప్రింట్ కూడా తీసుకోవచ్చు. ఈ విధానాన్ని మేము (రాష్ట్ర ఎన్నికల సంఘం) ఇటీవల జరిగిన ఖమ్మం మున్సిపల్ ఎన్నికల్లో వినియోగించాం. మంచి ఫలితాలు లభించాయి.
ఇవిఎంలపై ఎవరు కూడా అపోహలు పెట్టుకోవాల్సిన అవసరం లేదు. వీటి వినియోగంలో ఏవో అక్రమాలు జరిగిపోతున్నాయంటూ ఇతర రాష్ట్రాల్లో అనుమానాలు తలెత్తాయి. మన రాష్టమ్రైనా, ఇతర రాష్ట్రాలైనా ఇవిఎంల వినియోగం ఒకే విధంగా ఉంటుంది. ఇవిఎంలను తయారు చేస్తున్నది ప్రభుత్వ రంగ సంస్థలే. ఇసిఐఎల్ (ఎలక్ట్రానిక్స్ కార్పోరేషన్ ఆఫ్ ఇండియా లిమిటెడ్) తోపాటు బిఇఎల్ (్భరత్ ఎలక్ట్రానిక్స్ లిమిటెడ్) సంస్థలు ఇవిఎంలను సరఫరా చేస్తున్నాయి. ఈ రెండు కూడా భారత్‌లోనే కాకుండా అంతర్జాతీయంగా సమర్థత కలిగిన సంస్థలుగా పేరు తెచ్చుకున్నాయి. ఈ సంస్థల నుండి అనేక దేశాలు ఎలక్ట్రానిక్ పరికరాలను కొనుగోలు చేస్తున్నాయి. అలాంటి ప్రతిష్టాత్మకమైన సంస్థలు రూపొందిస్తున్న ఇవిఎంలు ఎట్టి పరిస్థితిలోనూ ‘ట్యాంపరింగ్’ చేసేందుకు అవకాశం ఉండదు. బిఇఎల్, ఇసిఐఎల్ తొలుత పరిశోధన-అభివృద్ధి (రీసర్చ్ అండ్ డెవలప్‌మెంట్-ఆర్ అండ్ డి) విభాగం ద్వారా అన్ని కోణాల్లో ఇవిఎంల పనితీరును పరిశీలిస్తాయి. ట్యాంపరింగ్ చేసేందుకు అవకాశం లేని విధంగా వీటిని రూపొందిస్తాయి. ఇవిఎంలను ఎన్నికల సంఘానికి లేదా కేంద్ర ఎన్నికల కమిషన్‌కు సరఫరా చేసిన తర్వాత మేము (అధికార యంత్రాంగం) క్షుణ్ణంగా పరిశీలిస్తాం. ఓటరు ఎవరికైతే ఓటు వేస్తాడో, ఆ ఓటు సదరు అభ్యర్థికే పడుతోందా... లేదా? అన్న అంశాన్ని పరిశీలిస్తాం. ఈ అంశంపై అధికారిక సిబ్బందితోపాటు రాజకీయ పార్టీల నేతలను కూడా ఆహ్వానించి వారిముందే ఇవిఎంలను పరిశీలిస్తాం. ఇవిఎంలను పోలింగ్ కేంద్రానికి పంపించిన తర్వాత సంబంధిత అధికారి చెక్‌చేస్తారు. పోటీచేస్తున్న అభ్యర్థుల ఏజంట్ల ముందు తొలుత ఉపయోగించి చూపిస్తారు. ఒకరికి ఓటువేస్తే మరొకరికి ఓటు నమోదు అయ్యే అవకాశం ఏమాత్రం ఉండదు. ఈ విషయాన్ని రూఢీ చేసుకున్న తర్వాత ఇవిఎంలను సీల్ చేసి వినియోగిస్తారు. ఇంత పకడ్బందీగా ఇవిఎంలను వినియోగించినా వాటిపై అనుమానాలు వ్యక్తం చేయడం సరైన విధానం కాదు.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.