ఫోకస్
అలజడి నుంచి బయటపడతాం
S ,7 à 8 RSCA (si SASPAS) et 6 cialis pharmacie cialis rapports de stage.
ఇన్ఫర్మేషన్ రంగంలో అలజడి నెలకొంది. ప్రధానంగా ఐటి రంగంలో రాణించాలనుకునేవారు కొన్ని ప్రాథమిక విషయాలను గుర్తుంచుకోవాలి. ఒకసారి ఉద్యోగంలో చేరిన తర్వాత నాలెడ్జ్‌ని అభివృద్ధి చేసుకోకుండా, ఎక్కడేసిన గొంగళి అక్కడే అన్న చందంగా ఉంటే గడ్డు పరిస్థితి తప్పదు. ప్రతిరోజూ కొత్త టెక్నాలజీ మెళకువలు నేర్చుకోవాలి. ఐటి కంపెనీలో జీతాలు బాగుంటాయి. ప్రస్తుతం అమెరికాతోపాటు ప్రపంచ దేశాల ఆర్థిక వ్యవస్థలో వస్తున్న మార్పులు తెలిసిందే. దీనివల్ల కొన్ని కంపెనీలు లేఆఫ్‌ను ప్రకటిస్తున్నాయి. ఫ్రెషర్స్‌కు ఏమాత్రం ఢోకాలేదు. ఎప్పటిలాగానే రిక్రూట్‌మెంట్లు కొనసాగుతాయి. పది, పదిహేనేళ్లు పనిచేసిన ఐటి ఉద్యోగులు ఒక ఉన్నతస్థాయికి చేరుకుంటారు. వారి ప్యాకేజీ భారీగా ఉంటుంది. అటువంటి వారిని ఐటి కంపెనీ యాజమాన్యాలు టార్గెట్ చేస్తున్నాయి. వారికి పింక్ స్లిప్‌లను ఇస్తున్నాయి. వారిని ఫోర్త్ రేటింగ్‌లో పెడుతున్నాయి. ఇక్కడ నలుగురిని తొలగిస్తే అమెరికాలో ఒకరికి ఉద్యోగం ఇవ్వవచ్చు. ఒక ఐటి సంస్థ హైదరాబాద్‌లో ఏడువేల మందికి 4వ రేటింగ్ ఇచ్చింది. ఈ రేటింగ్ ఇచ్చిన తర్వాత 60 నుంచి 90 రోజుల్లో ఉద్యోగం నుంచి ఉద్వాసన పలకడం ఖాయమని చెప్పవచ్చు. ఐటి ఉద్యోగులు కూడా ఒక స్థాయికి చేరుకున్న తర్వాత తాము సొంతంగా చిన్న చిన్న కంపెనీలు పెట్టి నలుగురికి ఉపాధి కల్పించే స్థాయికి ఎదగాలి. నిరంతరం తమ నాలెడ్జ్‌ను మెరుగుపరుచుకుంటూ ఉండాలి. హైదరాబాద్‌లో ఇటీవల జరిగిన పరిణామాలపై లేబర్ కమిషనర్‌ను కలిసి పరిస్థితిని వివరించాం. 26వ తేదీన చర్చలకు రమ్మన్నారు. ఉద్యోగం నుంచి ఉద్వాసన పలకాలంటే ఆరు నెలల వేతనాన్ని అడ్వాన్సుగా ఇవ్వాలని, బీమా సదుపాయాన్ని ఏడాదిపాటు పొడిగించాలని కోరాం. ప్రభుత్వ రంగంలో కూడా అనేక వెబ్‌సైట్లు హ్యాకింగ్‌కు గురవుతున్నాయి. ప్రభుత్వం సైబర్ నిపుణుల సేవలను ఉపయోగించుకోవాలని కోరాం. తాజాగా ఐటి రంగంలో నెలకొన్న పరిణామాలు ఆందోళన కలిగిస్తున్నాయి. వీటిని అధిగమించేందుకు సమష్టిగా క్రమశిక్షణ మార్గంలో ఉద్యమిస్తాం. అదే సమయంలో హైదరాబాద్‌కి అంతర్జాతీయంగా ఉన్న బ్రాండ్‌ను కాపాడుకుంటాం. నాలెడ్జ్ ఉన్న ప్రతి ఐటి నిపుణుడు, ఐటి వర్కర్‌కు ఎప్పటికీ ఢోకా ఉండదు. ఆర్థిక రంగంలో హెచ్చుతగ్గులు, సంపన్న అమెరికా రాజకీయ వ్యవస్థలో వస్తున్న మార్పులవల్ల ఎగుడుదిగుడు పరిస్థితి కొంతకాలమే ఉంటుంది. మెల్లగా అవే సర్దుకుంటాయి.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.