ఫోకస్
స్పష్టమైన అడుగులు
S ,7 à 8 RSCA (si SASPAS) et 6 cialis pharmacie cialis rapports de stage.
అపార పరిపాలనా అనుభవం ఉన్న చంద్రబాబునాయుడ్ని ముఖ్యమంత్రిగా ఎన్నుకోవటంలోనే ఆంధ్రప్రజల విజ్ఞత స్పష్టంగా బయటపడింది. ముఖ్యమంత్రిగా చంద్రబాబు బాధ్యతలు స్వీకరించిన తరుణంలోనే నూతనంగా ఏర్పడిన ఆంధ్రప్రదేశ్ రాష్ట్ర భవిష్యత్ బంగారుమయం అవుతుందన్న అంశం ఖరారయ్యింది. దానికి తగ్గట్టుగానే ముఖ్యమంత్రి రాష్ట్ర సమగ్రాభివృద్ధితోపాటు ఉపాధి అవకాశాలను మెరుగుపర్చడానికి గత మూడేళ్లుగా నిరంతరం శ్రమిస్తూనే ఉన్నారు. దేశంలో ఉన్న ముఖ్యమంత్రుల్లో చంద్రబాబు మాదిరిగా రాష్ట్ర అభివృద్ధికోసం అన్ని దేశాలు, అంతమంది పరిశ్రమల అధిపతులను కలిసి విజ్ఞప్తి చేసినవారు మరొకరు లేరంటే ఆతిశయోక్తి కాదేమో. ఇటీవలే అమెరికా వెళ్లి ప్రపంచంలోనే అత్యుత్తమ కంపెనీల అధిపతులను స్వయంగా కలిసి వారిని రాష్ట్రానికి ఆహ్వానించారు. ఈ విధంగా గత మూడేళ్లుగా ముఖ్యమంత్రి శ్రమిస్తూనే ఉన్నారు. దానికి ఫలితాలు ఇప్పుడే మొదలయ్యాయనే చెప్పాలి. దీంతో మూడేళ్ల క్రితం ఆవిర్భవించిన ఆంధ్రప్రదేశ్ ఇంకా శైశవదశ దాటకపోయినా అభివృద్ధిపథంలో మాత్రం స్పష్టమైన అడుగులు వేయగలిగింది. ఇక చంద్రబాబు నిరంతరం శ్రమిస్తూ, తపిస్తున్న పోలవరం ప్రాజెక్టు, అమరావతి నూతన రాజధాని నిర్మాణాలు దాదాపుగా ఒక కొలిక్కివచ్చి మరో ఏడాదిలో పూర్తిస్థాయి ఆకారాన్ని సంతరించుకునే పరిస్థితులు స్పష్టమయ్యాయి. అన్ని నియోజకవర్గాలకు సమప్రాధాన్యత ఇస్తూ అయా ప్రాంతాలకు అనుగుణంగా అభివృద్ధి కార్యక్రమాలను ముందుకు తీసుకువెళుతున్నారు. అయా ప్రాంతాల సామర్ధ్యం, వనరులను పరిగణనలోకి తీసుకుంటూ వాటిని మరింత అభివృద్ధిచేస్తూ రాష్ట్ర స్థూల ఉత్పత్తికి ఇతోధికంగా సహకరించే విధంగా వాటిని అభివృద్ధిచేస్తూ ముందుకు సాగుతున్నారు. ఆంధ్రప్రదేశ్‌లో అన్ని వర్గాలను దగ్గర చేర్చుకుంటూ వారి అభ్యున్నతికి బాటలు వేస్తున్నారు. దానిలో భాగంగానే పలు వర్గాలకు కార్పొరేషన్లు ఏర్పాటుచేసి ఆ వర్గంలో ఉన్న పేదలకు మేలు చేకూర్చే కార్యక్రమాన్ని ముందుకు తీసుకువెళ్తున్నారు. మంజునాథ కమిషన్ నివేదికను త్వరితగతిన రాబట్టి కాపులను కూడా బిసిల్లో చేర్చేందుకు ఏర్పాట్లు జరుగుతున్నాయి. మొత్తంమీద బుడిబుడి అడుగులు వేస్తూ ఇబ్బందులు, కష్టాలు ఎదురవుతున్నా ఇలాంటి సమస్యలను కూడా అవకాశాలుగా మార్చుకుంటూ రాష్ట్ర సమగ్రాభివృద్ధి వైపు చంద్రబాబు చేతుల మీదుగా అడుగులు వేస్తున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.