ఫోకస్
దూసుకుపోతున్నాం
S ,7 à 8 RSCA (si SASPAS) et 6 cialis pharmacie cialis rapports de stage.
సుదీర్ఘకాల పోరాటాలు, బలిదానాలతో సాధించుకున్న తెలంగాణలో స్వయం పాలనకు మూడేళ్లు నిండిన తరుణంలో కొత్త రాష్ట్రం అభివృద్ధి, సంక్షేమ రంగాల్లో, ఆదాయ వనరుల్లో దేశంలోనే నెంబర్ వన్ రాష్ట్రంగా దూసుకుపోతున్నాం. 24 లక్షల పంపు సెట్లున్న తెలంగాణ వ్యవసాయ రంగానికి తొమ్మిది గంటల నిరంతర విద్యుత్‌తోపాటు పరిశ్రమలకు సైతం కోతల్లేని విద్యుత్ అందించడం మూడేళ్ల పాలనలో సాధించిన గొప్ప విజయం. విద్యుత్ స్వావలంబనకు రామగుండం, దామచర్ల యాదాద్రి థర్మల్ ఫ్లాంట్‌లను, మహబూబ్‌నగర్‌లో సోలార్ ఫ్లాంట్‌ల నిర్మాణాలను రాష్ట్ర ప్రభుత్వం చేపట్టింది. 6575మెగావాట్ల ఉత్పత్తి సామర్ధ్యంతో మొదలైన తెలంగాణ విద్యుత్ పయనం మూడేళ్లలో 12వేల మెగావాట్లకు చేరింది. 29వేల మెగావాట్ల ఉత్తత్తి సాధన లక్ష్యం దిశగా పురోగమిస్తున్నాం. 17.82 శాతం ఆదాయ వృద్ధిరేటుతో దేశంలోనే తెలంగాణ అగ్రగామిగా నిలబడటం కెసిఆర్ పాలన దక్షతకు నిదర్శనం. ఏ రాష్ట్రంలో లేని రీతిలో వేయి రూపాయల ఆసరా పింఛన్లు 38లక్షల మందికి ప్రభుత్వం అందిస్తోంది. రైతులకు 17వేల కోట్ల మేరకు రుణాలు మాఫీ చేశాం. రికార్డు స్థాయిలో పంటల దిగుబడులు పెరిగిపోయినా రైతులకు ఇబ్బందులు కలుగవద్దన్న లక్ష్యంతో కేంద్రం సహకరించకపోయినా అన్ని పంటలను కొనుగోలు చేసి రైతులను ఆదుకుంటున్నాం. గిడ్డంగుల సామర్థ్యం, మార్కెటింగ్ వసతులు పెంచుకున్నాం. త్వరలో ఎకరాకు రైతుకు ఏటా రెండు పంటలకు నాలుగు వేల చొప్పున సాగు పెట్టుబడికి సహాయాన్ని కెసిఆర్ ప్రభుత్వం అందించబోతుంది. 10వేల కోట్లతో సబ్సిడీ గొర్రెల పంపిణీ, మత్స్యకార్మికులకు చేప పిల్లల పంపిణీ, రజక, నాయిబ్రహ్మణ వృత్తిదారుల సంక్షేమానికి బడ్జెట్‌లో భారీగా నిధులు కేటాయించాం. చేనేత కార్మికులకు బడ్జెట్‌లో 1200కోట్లు కేటాయించాం. ఆడపిల్లల సంక్షేమానికి కల్యాణలక్ష్మి, షాదీముబారక్‌లకు తోడుగా కొత్తగా కెసిఆర్ కిట్ రాబోతుంది. మూడేళ్లలో 360పథకాలను కెసిఆర్ ప్రభుత్వం అమల్లోకి తెచ్చింది. మైనార్టీలకు 12శాతం, గిరిజనులకు 10శాతం రిజర్వేషన్ బిల్లును అసెంబ్లీలో ఆమోదింపచేసి రాష్టప్రతికి పంపించాం. డబుల్ బెడ్‌రూమ్‌ల ఇళ్ల నిర్మాణం ఊపందుకుంది. కెజి టూ పిజి ఉచిత విద్య అమలు దిశగా అడుగులు వేస్తున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.