ఫోకస్
ఆదాయం పదింతలు పెరిగింది
S ,7 à 8 RSCA (si SASPAS) et 6 cialis pharmacie cialis rapports de stage.
రాష్ట్ర విభజన జరిగి తెలంగాణ రాష్ట్ర సమితి అధికారం చేపట్టిన తర్వాత మద్యం ఆదాయాన్ని పదింతలు పెంచుకున్నది. మద్యం ప్రియులను పూర్తిగా మద్యానికి బానిసలుగా చేసి, ప్రజలను మాయ మాటలతో, లేనిపోని, ఆచరణ సాధ్యం కానీ హామీలతో బురిడీ కొట్టిస్తూ పబ్బం గడుపుకోవాలని ప్రభుత్వం ప్రయత్నిస్తున్నది. ప్రజలు మద్యం వైపు మొగ్గు చూపకుండా ఉండేందుకు ప్రభుత్వం చర్యలు తీసుకోకుండా, మరింత ప్రోత్సహించడం దురదృష్టకరం. ఉదయం 9 గంటల నుంచి రాత్రి 11 గంటల వరకు మద్యం అందుబాటులోకి తీసుకుని రావడం దురదృష్టకరం. అంటే ప్రజలను ఉదయం 9 గంటల నుంచే అంటే అల్పాహరం నుంచే ప్రారంభించమని ప్రభుత్వ ఉద్ధేశ్యమా?. గత ప్రభుత్వ హయాంలో 10 గంటలకు మద్యం దుకాణాలు, బార్లు తెరిస్తే, ఈ ప్రభుత్వం మధ్యాహ్నం తర్వాతే తెరిచేలా, ప్రజలకు తక్కువ సమయం దుకాణాలు, బార్లు అందుబాటులో ఉండేలా చేసి ఉంటే ప్రజల బాగోగులపై ప్రభుత్వానికి చిత్తశుద్ధి ఉన్నట్లు భావించేందుకు అవకాశం ఉండేది. కానీ ప్రభుత్వం అందుకు భిన్నంగా నిర్ణయం తీసుకుంది. ఆసుపత్రులు, పాఠశాలల కంటే ఎక్కువ సంఖ్యలో మద్యం దుకాణాలు, బార్లు ఉండాలన్న లక్ష్యంతో ప్రభుత్వం పని చేస్తున్నట్లు కనిపిస్తున్నది. ఉదాహరణకు హైదరాబాద్‌లోని ఆబిడ్స్ నుంచి ఎల్‌బి నగర్ వరకు 29 బార్లు ఉన్నాయి. ఇప్పటికే తెలంగాణ మద్యం విక్రయాల్లో నెంబర్-1గా ఉంది. ఇంకా ప్రోత్సహించి బంగారు తెలంగాణగా కాకుండా మద్యం తెలంగాణగా మారుస్తారేమో!.
కాంగ్రెస్ అధికారంలో ఉన్నప్పుడు, కోట్ల విజయభాస్కర్ రెడ్డి ముఖ్యమంత్రిగా ఉన్న హయాంలో మద్యపాన నిషేధం విధించడం జరిగింది. అది కాంగ్రెస్ పార్టీకి ఉన్న చిత్తశుద్ధి. అయితే ఆ తర్వాత ఎన్టీఆర్ అధికారంలోకి వచ్చిన తర్వాత కొంత పాటించినా, ఆ తర్వాత చంద్రబాబు నాయుడు ముఖ్యమంత్రి కాగానే నిషేధాన్ని ఎత్తివేసి, బెల్ట్‌షాపులను ప్రోత్సహించారు. ఇప్పుడు తెలంగాణ రాష్ట్ర ఏర్పడిన తర్వాత చివరకు మద్యం దుకాణాలకూ పర్మిట్ రూంలు ఇవ్వడం సిగ్గు చేటు. మద్యం దుకాణంలో ఖరీదు చేసి, పక్కనే పర్మిట్ రూంలో తాగేసి మద్యం మత్తులో ఉంటే, కమీషన్లు, అక్రమాలతో గడిపేయవచ్చని పాలకులు భావిస్తున్నారేమో. కానీ ప్రతిపక్షాలు చూస్తూ ఊరుకోవు. ముఖ్యంగా ప్రధాన ప్రతిపక్షమైన మేము (కాంగ్రెస్) సహించం. ప్రభుత్వ చర్యను ప్రజల్లో ఎండగడతాం అని హెచ్చరిస్తున్నాం.
- మహ్మద్ షబ్బీర్ అలీ ప్రతిపక్ష నేత, తెలంగాణ శాసనమండలి
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.