ఫోకస్
తల్లిదండ్రుల పాత్ర కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
కేవలం ఒత్తిడితోనే విద్యార్థులు ఆత్మహత్యలకు పాల్పడుతున్నారు. పిల్లలపై ఒత్తిడి లేకుండా చూసుకోవాల్సిన బాధ్యత తొలుత తల్లిదండ్రులదే. ఆ తర్వాత ఉపాధ్యాయులదీ. తమ పిల్లలకు ఉజ్వలమైన భవిష్యత్తు ఉండాలన్న ఆకాంక్షతో, బాగా చదువుకోవాలని, టాప్ ర్యాంకర్లు కావాలన్న పట్టుదలతో పిల్లలపై తల్లిదండ్రులే వత్తిడి చేస్తున్నారు. తమ పిల్లల అభిరుచి మేరకు నడుకోవడం లేదు. ఉదాహరణకు ఒక కుటుంబంలో తల్లిదండ్రులు ఉన్నత విద్యావంతులై, ఉన్నతమైన పదవుల్లో ఉండి, తమ పిల్లలు కూడా అదే స్థాయిలో ఉన్నతమైన పదవుల్లోకి రావడానికి బాగా చదువుకోవాలని వత్తిడి తెస్తుంటారు. కానీ తమ పిల్లల అభిరుచి ఏమిటో తెలుసుకునే ప్రయత్నం చేయరు. కొన్ని కుటుంబాల్లో మరీ విచిత్రమైన పరిస్థితులు కనిపిస్తుంటాయి. ఆట-పాటలు అసలే ఉండవు. ఎంతసేపు చదువుకోవాలంటారు. అలా చేస్తే ఆ పిల్లల శరీరధారుడ్యం ఎలా పెరుగుతుంది? కొన్ని కుటుంబాల్లో మాత్రం తల్లిదండ్రులు తమ పిల్లల అభిరుచి మేరకే ప్రోత్సహిస్తున్నారు. ఇక పిల్లలు పాఠశాలకు లేదా కళాశాలకు వెళ్ళిన తర్వాత అక్కడ పరిస్థితి మరీ దారుణంగా ఉంటుంది. కార్పొరేట్ విద్యా సంస్థల్లో మరీ ఎక్కువగా ఉంటోంది. విద్యార్థులను ఉదయం 7.30 లేదా 8 గంటల నుంచి సాయంత్రం వరకూ చదువు తప్ప మరో అంశమే ఉండడం లేదు. తమ విద్యా సంస్థ విద్యార్థులే టాపర్లుగా, గోల్డ్ మెడల్స్ పొందాలని రుద్దుతున్నారు. దీంతో విద్యార్థులు అటు ఇంట్లో తల్లిదండ్రులతో, విద్యా సంస్థల్లో ఉపాధ్యాయులతో వేగలేక తీవ్రమైన వత్తిడికి గురై ఆత్మహత్యలకు పాల్పడుతున్నారు. ముఖ్యంగా టివీల్లో ప్రసారమవుతున్న క్రైం స్టోరీస్, ఇంకా ఇతరత్రా కార్యక్రమాలూ బాగా దెబ్బతీస్తున్నాయి. కొంతమంది విచ్చలవీడితనానికి వెళ్ళి డబ్బులకోసం చైన్ స్నాచింగ్‌లు, బైక్‌లు, ఇతరత్రా వస్తువుల దొంగతనాలకూ పాల్పడుతున్నారు. ఇటువంటి వాటినుంచి పిల్లలను కాపాడుకోవాలంటే తల్లిదండ్రుల పాత్ర కీలకం. ఆ తర్వాత తమ విద్యాసంస్థకు వచ్చే విద్యార్థుల అభిరుచులను ఉపాధ్యాయులు తెలుసుకుని వారిని ఆ రంగాలపై దృష్టి సారించేలా కృషిచేయాలి. తల్లిదండ్రులైనా, ఉపాధ్యాయులైనా పిల్లల పట్ల దురుసుగా కాకుండా స్నేహితులుగా ఉంటూ ప్రోత్సహించాలి.
- సునీతా రావు, అడ్వకేట్, టి.పిసిసి అధికార ప్రతినిధి
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.