ఫోకస్
ఒత్తిడే ప్రధాన కారణం
S ,7 à 8 RSCA (si SASPAS) et 6 cialis pharmacie cialis rapports de stage.
భావిభారత పౌరులైన విద్యార్థుల ఆత్మహత్యలు, బలవన్మరణాలకు ఒత్తిడే ప్రధాన కారణం. కార్పొరేట్ కళాశాలల్లో విద్యార్థులపై చదువు పేరుతో పెడుతున్న ఒత్తిడి వలనే ఈ ఆత్మహత్యలు జరుగుతున్నాయ. నాలుగు దశాబ్దాలుగా అధ్యాపక వృత్తిలో ఉన్న నేను ఈ విషయాన్ని ఘంటాపథంగా చెప్పగలను. ఉమ్మడి రాష్ట్రంలో ఇదే అంశంపై ప్రభుత్వం ప్రొఫెసర్ నీరదారెడ్డి కమిషన్‌ను వేశారు. సుదీర్ఘ విచారణ అనంతరం 21 సిఫార్సులు చేశారు. రాష్ట్ర విభజన అనంతరం ఆంధ్రప్రదేశ్ ప్రభుత్వం తిరిగి ఇదే అంశంపై రిటైర్డ్ ఐఎఎస్ అధికారి చక్రపాణి కమిటీని వేశారు. ఈ రెండు కమిటీల సిఫార్సుల్లో కనీసం ఏ ఒక్క సిఫార్సును కూడా అమలు చేయలేకపోవటం ఘోరాతిఘోరం. ప్రధానంగా ఈ ఒత్తిడిని తగ్గించాలంటే కచ్చితంగా ఉదయం 9 నుంచి సాయంత్రం ఐదు గంటల వరకే తరగతులు నిర్వహించాలి. అదీ సెలవు దినాల్లో అసలు నిర్వహించకూడదు. ఇక మార్కుల పేరిట అర్ధాంతరంగా సెక్షన్‌లు మారుస్తుండటంతో ఇంటినుంచి ఒత్తిళ్లు, యాజమాన్యాల నుంచి బెదిరింపులు, తోటి విద్యార్థులతో ఇమడలేకపోవటం వీటన్నింటితో ఒత్తిడి పెరుగుతున్నది. ఇక హాస్టళ్లలో వసతులను మరింతగా మెరుగుపరచాల్సి ఉంది. పై అంశాలన్నింటినీ కచ్చితంగా అమలు చేయగల్గితే నూటికి నూరు పాళ్లు ఆత్మహత్యలు తగ్గిపోతాయి
.
- కెఎస్ లక్ష్మణరావు శాసన మండలి మాజీ సభ్యులు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.