ఫోకస్
మార్కులే జీవితం కాదు
S ,7 à 8 RSCA (si SASPAS) et 6 cialis pharmacie cialis rapports de stage.
విద్యార్థులకు మార్కులే జీవితం కాదు అన్న భావన నుంచి బయటపడాలి. విద్యార్థులకు సర్వతోముఖాభివృద్ధి దిశగా విద్యను అందించాలి. నేడు కార్పొరేట్ కళాశాలలు, ఇంజనీరింగ్ కళాశాలల్లో విద్యార్థులు మానసిక వత్తిడికి ఎక్కువగా గురవుతున్నారు. ఉదయం నుంచి రాత్రి వరకు బోధన పేరుతోను, స్టడీ అవర్స్ పేరుతో ఆయా యాజమాన్యాలు విద్యార్థులను మానసిక వత్తిడికి గురిచేయడం సరికాదు. అలాంటి వత్తిళ్లకు తట్టుకోలేక కొంతమంది విద్యార్థులు ఆత్మహత్యలకు పాల్పడుతున్న సంఘటనలు ఉన్నాయి. కేవలం బట్టీపట్టి చదివించే చదువుల వల్ల విద్యార్థులు స్వతాహాగా ఆలోచన చేసే స్థాయిని మరచిపోతున్నారు. కేవలం మెటీరియల్ దగ్గర పెట్టుకొని ఎన్ని ప్రశ్నలు కంఠస్త చేశామన్నదానికే ఎక్కువ ప్రాధాన్యతను ఇస్తున్నారు. ఎక్కువ మార్కులకోసం ఇబ్బడిముబ్బడిగా మెటీరియల్‌ను విద్యార్థులకు అందజేస్తున్నారు. మరోపక్క ఆట స్థలాలు లేకపోవడం, ఆటలు ఆడుకునేందుకు సరిపడా సమయం లేకపోవడం వల్ల విద్యార్థులు మానసిక వత్తిడికి గురవుతున్నారు. విద్యార్థులు వంద మార్కులు సాధించినా, సాధించలేకపోయినా జీవితంలో ఎన్నో ఇతర ఉపాధి అవకాశాలు ఉన్నాయన్న ధైర్యం విద్యార్థులకు కలిగించాలి. మెడికల్ లేదా ఇంజనీరింగ్ సీటు రాకపోతే జీవితం కోల్పోతామన్న అపోహ నుంచి బయటపడాలి. అంతేగాకుండా విద్యార్థులు తమ ఆరోగ్యాన్ని కాపాడుకోవాలి. విద్యార్థులు చదువు పేరుతో ఆహార నియమాలను పట్టించుకోవడం లేదు. అంతేగాకుండా ప్రభుత్వం కూడా కార్పొరేట్ స్కూళ్లకి సరైన డైరెక్షన్ ఇవ్వాలి. దిగులుగా ఉన్న స్టూడెంట్స్‌కు సైకలాజికల్‌గా కౌనె్సలింగ్ ఇవ్వాలి. విద్యార్థుల అందరి గ్రహణ శక్తి ఒకే మాదిరిగా ఉండదు కనుక స్లో లెర్నర్స్‌కి స్లోగా చెప్పాలి. స్పీడ్‌గా అందుకున్న వారికి దానికి తగ్గట్టుగా చెప్పాలి. ఆ విధంగా విద్యార్థులు మానసిక వత్తిడికి గురికాని విధంగా పాఠాలను బోధించాలి. అలాంటపుడే ఆత్మన్యూనత నుంచి విద్యార్థులు బయటపడే అవకాశం ఉంది. మరోపక్క విద్యార్థులకు ఆటలు ఆడుకునే విధంగా తగిన సమయం కేటాయించాలి. ఈ విధంగా విద్యార్థులకు తల్లిదండ్రులు, కళాశాల యాజమాన్యాలు, స్నేహితులు ఇలా అన్ని వర్గాల నుంచి వారికి ప్రోత్సాహం ఉండేలా చూడాలి. అలాంటపుడే వత్తిడి నుంచి బయటపడగలుగుతారు.
- ప్రొఫెసర్ జిఎస్‌ఎన్ రాజు వైస్ చాన్సలర్, సెంచూరియన్ వర్శిటీ
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.