ఫోకస్
ప్రభుత్వ ఉద్యోగులపై పెరిగిన పనిభారం
S ,7 à 8 RSCA (si SASPAS) et 6 cialis pharmacie cialis rapports de stage.
ఉద్యోగ నియామకాల్లో జరుగుతున్న తీవ్రమైన జాప్యంతో అనేక సమస్యలు వెల్లువెత్తుతున్నాయి. ఆంధ్రప్రదేశ్‌లోని ప్రతి ప్రభుత్వ శాఖలోనూ ఖాళీలున్నాయి. ఫలితంగా ఉద్యోగులకు పనిభారం విపరీతంగా పెరిగింది. ఇటీవలి కాలంలో నియామకాలకు సంబంధించి రిక్రూట్‌మెంట్స్ లేవు. నియామకాలు లేకపోతే ఉద్యోగులపై పనిభారం పెరిగిపోతుంది. ఫలితంగా పనిలో నాణ్యత ఉండదు. నియామకాల విషయంలో న్యాయ సంబంధమైన చిక్కులు కొన్ని అంశాల్లో మాత్రమే ఉంటాయి. దీనిని ఆధారంగా చేసుకుని మాత్రమే ఉద్యోగ నియామకాలను నిలిపివేయడం సరికాదు. ఏ ఒక్కరికీ రిక్రూట్‌మెంట్స్‌ను ఆపివేయమని చెప్పే హక్కు లేదు. అయితే రాష్ట్రంలో ఆర్థిక సమస్యల కారణంగా రిక్రూట్‌మెంట్స్‌లో వేగం లేదని తెలుస్తోంది. తహశీల్దారు కార్యాలయాల్లో తగినంత మంది సిబ్బంది లేరు. తగిన సాంకేతిక సామర్థ్యాన్ని పెంచడం లేదు. ఎంతమంది తహశీల్దార్లకు కంప్యూటర్లు వాడే పరిజ్ఞానం ఉంది? అధికారులకు తగిన సాంకేతిక పరిజ్ఞానం లేకపోతే ఇబ్బందులు తప్పవు, విఆర్‌ఒలు తగినంత మంది లేరు. మూడు గ్రామాలకు ఒక విఆర్‌ఒ వంతున పనిచేస్తున్న పరిస్థితులున్నాయి. క్లాస్-4 ఉద్యోగులు పదవీ విరమణ చేస్తున్నా కొత్త నియామకాలు జరగడం లేదు. ఔట్‌సోర్సింగ్ వ్యవస్థను ప్రోత్సహిస్తున్నారు. కీలకమైన ప్రభుత్వ శాఖల్లో ఈ వ్యవస్థకు ప్రాధాన్యతనివ్వడం మంచిది కాదు. అన్నిచోట్లా ఔట్‌సోర్సింగ్ విధానాన్ని ప్రవేశపెట్టడంతో ప్రభుత్వ వ్యవస్థ నిర్వీర్యమయ్యే ప్రమాదం ఉంది. వెబ్‌లాండింగ్ వంటి కీలకమైన ప్రక్రియను సైతం ఔట్‌సోర్సింగ్ చేతుల్లో పెట్టడం ప్రమాదకరం. ఉద్యోగాల భర్తీ జరగకపోవడంతో నిరుద్యోగ సమస్య మరింత జఠిలమవుతుంది. ప్రభుత్వం తక్షణం వివిధ ప్రభుత్వ శాఖల్లో ఖాళీలను భర్తీ చేయడం ఎంతైనా అవసరం.
-పితాని త్రినాథరావు ఎపి రెవెన్యూ సర్వీసెస్ అసోసియేషన్ తూర్పు గోదావరి జిల్లా అధ్యక్షుడు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.